CHISƆSI 'A SƆ MƆƐ NU 7:51 - Yataa 'a Dɔbɛnɛ Nama

⁵¹ Mbɛ Sitibin n dɔ te gbɛ, a ɔ, “Wo too ɔ gbɛ kaka. Wo faa n dɔ ɛ wan dechee yɔ mɔɛ chɛ nu, miin ban‑da Yataa ɔ. Wo too gbee‑a, Yataa bai a min koe a. Wo e wan dechee yɔ wo bemba n ta bemba nu. Wo ee dɔn tima ɔ tima ko a, wo too ma sɔ koe a Yataa Nyina ma.

CHISƆSI 'A SƆ MƆƐ NU 7:51 ပူးပေါင်းရင်းမြစ်များ

CHISƆSI 'A SƆ MƆƐ NU 6:10

Chɛɛ an nii kun an ni sɔ Sitibin 'na yiimatɛ a, koe min na mu, Yataa Nyina ni bai n don fan a da a, a fɔ koe a.

CHISƆSI 'A SƆ MƆƐ NU 7:27

Chɛɛ kaminɛ dɔndɔɛ min ni ka a bɔɛ chɛ gbasi tena, a‑a Mosisi a nyɔndɔn fan, a bɔ an tɛ ɔ. Mbɛ a‑a a fɔ Mosisi ye, a ɔ, ‘Nyɔn‑na i ma mansa a, kaa a tɛ koe a nn tɛ ɔ?

CHISƆSI 'A SƆ MƆƐ NU 7:35

“Mosisi chɛ ni, Isɔɛɛ mɔɛ n ban‑da min dɔ. An‑na a ɔ tisa wan, an dɔ te, ‘Nyɔn‑na i ma mansa a, kaa a tɛ koe a nn tɛ ɔ?’ A sin fan mu mɔɛ a, Yataa‑a min na na, ma koe a ya ɔ sɔɛ a, Isɔɛɛ mɔɛ n kun ka koe a. Yataa‑a chɛ sin ma maeka chɛ an 'na gbasaya ɔ, min na‑a bɔ a ya a yɔ ta manɛ, kɔn den chɛ ɔ.

CHISƆSI 'A SƆ MƆƐ NU 7:39

“Chɛɛ mmɔ bemba n ta bemba n ma dɔn ni, an ni an too ma sɔ Mosisi chɛ ma. An na‑a a a yɛ wan an boo kɔ, mbɛ an‑na an yii na chii yɛ koe a Ichipi chɛnyɛ ɔ.

CHISƆSI 'A SƆ MƆƐ NU 7:9

“Chekɔpi 'a den chɛ nu, an too‑a wan an dɔɛ Chosɛfi a, mbɛ an‑na a ma tachɛ mɔɛ n ma, miin ta‑a a a Ichipi chɛnyɛ ɔ. An mɔɛ chɛ n bɛɛ, an‑na Chosɛfi ma tachɛ wan yɔncha ɔ. Chɛɛ Yataa nii ma ka ni a fɛ,

GBOO DOMI KO A 2:25

Mɔɛ a kamincha chɛ, Yataa boo ɛ wan a kɔɔ, ni a mɔɛ chɛ ɛ tachɛ tena wan Yataa 'a sawa chɛ n na. Chɛɛ ni a mɔɛ chɛ ɛ sawa chɛ yɔn tena wan, mbɛ a ni fisa wɛɛ ni a a nii ma kamincha nin bɛɛ.

Gboo Ɛfisɔsi Ko A 4:30

Wo sin ma a ma, Yataa Nyina faa ni yɔn. An mbe a ɔ yian, mbɛ Yataa an ta mu wo a, aan tee chɛ ko a, wo e bauncha ma sɔn‑da tee min ma.

Gboo Fiipai Ko A 3:3

Mmɔ wan mu Yataa 'a mɔɛ n na, tea tea ko a. Koe min na mu, mmɔ wan mbe Yataa fai a Nyina 'a gbasaya ɔ. Mbɛ mmɔ yɛ‑a, mmɔ‑a buɔdia bɔ, mmɔ ma koe a mɔ dɔndɔɛ a Chisɔsi a. Mmɔ ma mmɔ kai fa ni ko dɔ mende kan kɔ kan na, mɔ gbu ɛ che min ma‑a.

Gboo Kɔdɔsai Ko A 2:11

Wo ma min chɛ‑a mɔ dɔndɔɛ a, wo bɛ Chasi a, wo a ban‑da kamincha‑a. Mɔ gbu ta da kamincha ma, chɛɛ Chisɔsi ta mu. A sin‑na a ma, mbɛ wo kunɛ bɔ‑a wo 'a ko yama n dɔ, miin ma nyin mɔgbuya chɛ ɔ.