CHISƆSI 'A SƆ MƆƐ NU 7:38 - Yataa 'a Dɔbɛnɛ Nama

³⁸ Mosisi chɛ sin ni wan Isɔɛɛ mɔɛ n tɛ ɔ, an na sɔndenɛ ni tima min na fuinɛ ma. An bɛ ni nɔ mmɔ bemba n ta bemba n na, ni maeka chɛ wɛɛ, min koɔ‑a a tena Saina kɔnkɔɛ ɔ. A sin‑na Yataa 'a sakana bai ma sɔn fan, min mbe fɔɛ be, a a ben koe a mmɔ tena.

CHISƆSI 'A SƆ MƆƐ NU 7:38 ပူးပေါင်းရင်းမြစ်များ

CHƆN 1:17

Yataa na‑a a 'a sawa n na ben Mosisi an na, chɛɛ koadia chinchimaya tana, a basan danaya a, mmɔ‑a an ma sɔn Chisɔsi Chasi an na.

CHƆN 6:63

Yataa Nyina, an mbe fɔɛ be, chɛɛ mɔ gbu ta gbasaya ma fen kɔ fen na ɛnden bɛɛ a. N‑na bai miin fɔ ka wo ye, an fan mbe na Yataa Nyina a, min mbe fɔɛ be.

CHISƆSI 'A SƆ MƆƐ NU 7:30

“San bi naaninɛ bendenɛ gbakɔ, maeka bɔ‑a wan Mosisi ya a. Maeka chɛ ni wan, yɔ ta manɛ ɛ ma kɔn denɛ ɔ fuinɛ ma. Chɛ ma‑a Saina kɔnkɔɛ baima wan.

CHISƆSI 'A SƆ MƆƐ NU 7:35

“Mosisi chɛ ni, Isɔɛɛ mɔɛ n ban‑da min dɔ. An‑na a ɔ tisa wan, an dɔ te, ‘Nyɔn‑na i ma mansa a, kaa a tɛ koe a nn tɛ ɔ?’ A sin fan mu mɔɛ a, Yataa‑a min na na, ma koe a ya ɔ sɔɛ a, Isɔɛɛ mɔɛ n kun ka koe a. Yataa‑a chɛ sin ma maeka chɛ an 'na gbasaya ɔ, min na‑a bɔ a ya a yɔ ta manɛ, kɔn den chɛ ɔ.

CHISƆSI 'A SƆ MƆƐ NU 7:53

Wo wan mu mɔɛ n na, Yataa na‑a a 'a sawa be miin ma. Maeka n fan na‑a na sawa chɛ a wo tena. Chɛɛ wo ma dɔn ni, wo ni don sawa chɛ kɔɔ.”

GBOO DOMI KO A 3:2

Ma koe a Chu mɔɛ a, tɔnɔnɛ gbu an kɔkoo a ɔ chia sɛsɛ a. A saa mu min na, an nɛ, Yataa na‑a a 'a sakana bai gbɛɛ fɔ an fan ye.

GBOO DOMI KO A 9:4

An mu Isɔɛɛ mɔɛ n fan na, Yataa‑a a boo sɔ miin ma, a ɔ, a ta mɔɛ mu an na. A na‑a an ma wan a 'a denɛ n na, mbɛ a‑a a ɔ yian an na, a kamayaen mu buɛ min dɔ. A na‑a a 'a dɔbɛnɛ n chɛ wan an na, mbɛ a‑a a 'a sawa wɛɛ be Mosisi ma an ko a. Yataa na‑a a ɔ yian fan to an na, an mbe a fai buɛ min dɔ teaya ɔ. Yataa na‑a tooɔdia sɛsɛ chɛ wan an na.

Gboo Kadesia Ko A 3:19

Chɛɛ sawa chɛ nii ma sa ni gbama a. Ko yama ma, an fɛ mu, Yataa‑a sawa chɛ sa dɔbɛn chɛ kaa a. Koe ni ma ka, aan Ebeami cheeya chɛ ni na, tooɔdia chɛ chɛ‑a min na. A sin, Yataa‑a sawa chɛ a ben maeka n fan dɔ, a be koe a Mosisi ma, min ni mɔ gbu n tɛ ɔ an bɛ Yataa a.

GBOO IBU MƆƐ N KO A 2:2

Koe min na mu, Yataa na‑a sawa min na ben suun maeka n na, mɔɛ n na‑a a ɔ yen fan, mbɛ tea mu. A sin, ni mɔ ɔ mɔ na‑a a yɔn, chɛ ma, a ni ko yama ma, a ni tɔɔya an dɔ bia.

GBOO IBU MƆƐ N KO A 4:12

Koe min na mu, Yataa 'a bai, fɔɛ an mbe a ɔ, a sin gbasa. A ɛ wan dechee yɔ mɛ, min na saen mu kaka. A ɛ kun fan don koe a mɔɛ gboo ɔ chɛndɛ chɛ, a ni che a faa ma. Mbɛ fenɛ min be a ɔ, a yen‑da. Mbɛ mɔɛ chɛ 'a yiinachii, a basan a faa ma koe n na, an dɔ sɔn‑da.

GBOO IBU MƆƐ N KO A 5:12

Tima chɛ gbu sin na gbɛ, a ni ma‑a ko ma kawaenɛ an na, ni wo ni wan gbɛ mɔ dɔ mende n kan‑da. Chɛɛ sanche wɛɛ, mɔɔ ni mɔ dɔ mende‑a wo kan, a nama a, a si Yataa bai kuu sɔ tena ma. Wo e wan dechee yɔ den toa nu, miin mbe a kuu sɔ susu yii ma, an mbe ee daun fen dɔ gbɛama daun.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.