CHISƆSI 'A SƆ MƆƐ NU 7:35 - Yataa 'a Dɔbɛnɛ Nama

³⁵ “Mosisi chɛ ni, Isɔɛɛ mɔɛ n ban‑da min dɔ. An‑na a ɔ tisa wan, an dɔ te, ‘Nyɔn‑na i ma mansa a, kaa a tɛ koe a nn tɛ ɔ?’ A sin fan mu mɔɛ a, Yataa‑a min na na, ma koe a ya ɔ sɔɛ a, Isɔɛɛ mɔɛ n kun ka koe a. Yataa‑a chɛ sin ma maeka chɛ an 'na gbasaya ɔ, min na‑a bɔ a ya a yɔ ta manɛ, kɔn den chɛ ɔ.

CHISƆSI 'A SƆ MƆƐ NU 7:35 ပူးပေါင်းရင်းမြစ်များ

MAKI 12:26

Min sin sien mu faa mɔɛ n kɔɔ sɔ koe ma, a ka saya ɔ, ɛ n yii ma, mbɛ wo‑a a kan fan, Mosisi 'a gboo ɔ, a si kɔn den chɛ ma, min ni yɔ a ni minda tena wan. Yataa na‑a a fɔ buɛ min dɔ, a ɔ, Yataa mu a wan na Ebeami ko a, a basan Aisaki an fea Chekɔpi a. A ɔ, an mbe a wan fai.”

DUKU 19:14

Chɛɛ a 'a chɛnyɛ ɔ mɔɛ n nii ma to ni a a. Chɛ an‑na a fɔ, kɛn a‑a chia bia ta koe a, an‑na mɔɛ n sɔ wan a san‑da chɛnyɛ chɛ ɔ. An dɔ, an ni a fɔ kun ti wa chɛ ye, mbɛ an ma to ni mansa den chɛ a, a ni ma an 'na mansa a.

CHƆN 18:40

Chɛɛ chɛ ko a, an‑na yee tɛ wan, an dɔ, “A an, an ma. N toen mu i ni i boo ka Baabasi an na.” Baabasi chɛ ni mɔ yama wa an na.

CHƆN 19:15

Mbɛ an‑na yee tɛ to, an dɔ, “A ni ka ka, a ni ka ka. A ma a ni fa kɔn gbengbandenɛ ma.” Chɛɛ Kɔfana Padeti ɔ, “Wo 'a mansa, wo toen mu n ni a ma, an ni a fa kɔn gbengbandenɛ ma, ae?” Chu n tɛ mɔɛ nu Yataa a, an 'na mansa n dɔ, “Nn 'na mansa mu Domi kun ti wa an na dechee.”

CHISƆSI 'A SƆ MƆƐ NU 2:36

Mbɛ Pita a ɔ te gbɛ, “Chɛ an‑na a fɔ, wo gbɛɛ, wo wɛn mbe ka Isɔɛɛ chɛnyɛ chɛ ɔ, wo ni chɛ ɔ sɔn. Mbɛ tea gbu ko a, Chisɔsi chɛ, wo‑a min gbangban ka kɔn gbengbandenɛ ma, Yataa wandi‑a an ma ka kunka mansa a, wo baun mɔɛ.”

CHISƆSI 'A SƆ MƆƐ NU 3:22

Mosisi wɛɛ na‑a a fɔ wan suun, a ɔ, ‘Wo 'a mansa Yataa, ɛ a 'a gbonka chɛ mɔɛ a na‑a wan wo tena, yɔ a‑a n na na buɛ min dɔ, wo tɛ ɔ. A sin mbe ma‑a wo chɛnyɛ nyɔɛ an na. Wo wo too ma sɔ koe gbɛɛ ma, ɛ miin fɔ‑a wo ye.

CHISƆSI 'A SƆ MƆƐ NU 5:31

Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.

CHISƆSI 'A SƆ MƆƐ NU 7:30

“San bi naaninɛ bendenɛ gbakɔ, maeka bɔ‑a wan Mosisi ya a. Maeka chɛ ni wan, yɔ ta manɛ ɛ ma kɔn denɛ ɔ fuinɛ ma. Chɛ ma‑a Saina kɔnkɔɛ baima wan.

CHISƆSI 'A SƆ MƆƐ NU 7:51

Mbɛ Sitibin n dɔ te gbɛ, a ɔ, “Wo too ɔ gbɛ kaka. Wo faa n dɔ ɛ wan dechee yɔ mɔɛ chɛ nu, miin ban‑da Yataa ɔ. Wo too gbee‑a, Yataa bai a min koe a. Wo e wan dechee yɔ wo bemba n ta bemba nu. Wo ee dɔn tima ɔ tima ko a, wo too ma sɔ koe a Yataa Nyina ma.

Gboo Kɔdɔsai Ko A 1:15

Mmɔ ee Yataa min yen, a bɔ nyɔɛ chɛndɛ chɛndɛ, mɔ gbu na‑a min yen, a mu Chisɔsi Chasi an na. Yataa 'a denɛ mu an na, a sin, gbasaya ɛ wan a boo ɔ fen kɔ fen kun ma, min na dan‑da dunya chɛ ɔ.

GBOO IBU MƆƐ N KO A 2:2

Koe min na mu, Yataa na‑a sawa min na ben suun maeka n na, mɔɛ n na‑a a ɔ yen fan, mbɛ tea mu. A sin, ni mɔ ɔ mɔ na‑a a yɔn, chɛ ma, a ni ko yama ma, a ni tɔɔya an dɔ bia.

KO Ɔ NUNDENƐ 15:3

Mɔɛ chɛ nu, an na‑a si dɔndɔ a bɔ wan, a si Yataa‑a gbasaya ɔ yian buɛ min dɔ a 'a yɔnɛ Mosisi 'a tima a. A yɛ to, a‑a a ɔ yian buɛ min dɔ sa tɔngbɔɛ chɛ a tima wɛɛ a. An dɔ, “Yataa Mansa Wa, i wɛn gbasa fen fen ma, i chɛ chɛ wai n koo, da ɔ gbaa koe nu mu. Dunya gbɛɛ ɛ i 'a mansaya an kɔɔ. I 'a ko ɔ ko a kanden mu, a sin kafa ee a ɔ.