CHISƆSI 'A SƆ MƆƐ NU 7:27 - Yataa 'a Dɔbɛnɛ Nama

²⁷ Chɛɛ kaminɛ dɔndɔɛ min ni ka a bɔɛ chɛ gbasi tena, a‑a Mosisi a nyɔndɔn fan, a bɔ an tɛ ɔ. Mbɛ a‑a a fɔ Mosisi ye, a ɔ, ‘Nyɔn‑na i ma mansa a, kaa a tɛ koe a nn tɛ ɔ?

CHISƆSI 'A SƆ MƆƐ NU 7:27 ပူးပေါင်းရင်းမြစ်များ

MATIU 21:23

Mbɛ Chisɔsi yɛ‑a to Yataa 'a kata chɛ ɔ. A yɛ‑a kɛn, a‑a a kuu sɔ wan mɔɛ n kan‑da, miin ni ka nɔ. Ɛ an kan tena chɛ wan, mbɛ Chu n tɛ mɔɛ nu Yataa a, an 'na mansa dɔ nu, an bɛ Chu gbakoo n na, an na‑a a tena, an dɔ, “E koe miin ma ka, gbasaya minan mbe i boo ɔ, an ma koe a? An gbasaya chɛ sin, nyɔn‑na a be i ma?”

DUKU 12:14

Mbɛ Chisɔsi ɔ, “Mɔ ɔ mɔ ma gbasaya be ni n ma, wo fa chɛ du koe a, wo tɛ wo fea i kɔɔɛ a.”

CHISƆSI 'A SƆ MƆƐ NU 4:7

An‑na a ma wan Chisɔsi 'a sɔ mɔɛ chɛ n sɔ‑a an chen kɔɔ. Mbɛ an‑na an dɔ tisa, an dɔ te, “Wo ma‑a ka ma namaa chɛ‑a tachɛ chɛ? Gbasaya minan dɔ mu, wo‑a ko bonda chɛ ma? Nyɔn 'na gbasaya ɔ mu, wo‑a koe chɛ ma?”

CHISƆSI 'A SƆ MƆƐ NU 5:33

Chɛɛ Chu kuti wa chɛ‑a bai chɛ a min kɛn, Chisɔsi 'a sɔ mɔɛ chɛ n‑na min fɔ, an faa tɛ‑a wan aan. Chɛ‑a a ma wan, an‑na a ɔ bɛn an fa koe a.

CHISƆSI 'A SƆ MƆƐ NU 7:35

“Mosisi chɛ ni, Isɔɛɛ mɔɛ n ban‑da min dɔ. An‑na a ɔ tisa wan, an dɔ te, ‘Nyɔn‑na i ma mansa a, kaa a tɛ koe a nn tɛ ɔ?’ A sin fan mu mɔɛ a, Yataa‑a min na na, ma koe a ya ɔ sɔɛ a, Isɔɛɛ mɔɛ n kun ka koe a. Yataa‑a chɛ sin ma maeka chɛ an 'na gbasaya ɔ, min na‑a bɔ a ya a yɔ ta manɛ, kɔn den chɛ ɔ.

CHISƆSI 'A SƆ MƆƐ NU 7:39

“Chɛɛ mmɔ bemba n ta bemba n ma dɔn ni, an ni an too ma sɔ Mosisi chɛ ma. An na‑a a a yɛ wan an boo kɔ, mbɛ an‑na an yii na chii yɛ koe a Ichipi chɛnyɛ ɔ.

CHISƆSI 'A SƆ MƆƐ NU 7:54

An‑na bai chɛ a min kɛn, an faa tɛ‑a wan gbeden Sitibin da a bai chɛ ma. Mbɛ an bun‑da an nyinɛ a daun‑da mɔnɛ ɔ, a si a ma.