CHISƆSI 'A SƆ MƆƐ NU 6:9 - Yataa 'a Dɔbɛnɛ Nama9 Chɛɛ tee dɔndɔ a, mɔɛ dɔ n ka‑a wan Chu n 'na samun chɛ chenɛ a, an ni min chee, an dɔ, Chu miin bɔ‑a yɔncha ɔ, an 'na samun chɛ chenɛ. Mbɛ an bun‑da bai tɛnsɛ‑a an nyɔn tɛ, an bɛ Sitibin na. Chu mɔɛ n ni an mɔɛ chɛ n na, miin ka‑a Sayini duu ɔ, a basan Adɛsandia duu ɔ a. A yɛ to, Chu mɔ dɔ mende nu, miin ka‑a Sidisia, an fea Esia chɛnyɛ ɔ a, an ni wan nɔ. အခန်းကိုကြည့်ပါ။ |
Chɛ an fɛ mu, n yen ko Yataa 'a gbonka chɛ mɔɛ n na na‑a wo tena. N mbe dɔ sɔ tɔɛ n bɛɛ a na‑a wan, a basan Yataa 'a sawa kan mɔɛ n na. Chɛɛ wo e an dɔ n fa‑a wan kɔn gbengbandenɛ ma, wo ni dɔ n fa chia dɔ mende a, mbɛ wo‑a dɔ n bosa mmɔ 'a samun chɛ chenɛ n na. A tɔɛ n sin, wo e an gbain‑da wan a bɔ duu kan kɔ kan dɔ, an mbe ta‑a kaina.
“Chɛɛ wo wo wandi kun ma fɛn. An mbe wo bia‑a wan, an ni ta wo a, gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na. An mbe wo bia‑a wan, an ni ta wo a, chɛnyɛ ti n tena, an mbe ta‑a wan wo a, mansa wa n chen kɔɔ. An mbe chɛ gbɛɛ si‑a wan wo a, a si n bakoe ma. Chɛɛ wo e kun‑da wan Yataa 'a sakana bai chɛndɛ ɔ yian‑da an na.
Mɔɛ n ni wan nɔ Andiɔki duu ɔ, miin ni Yataa 'a gbonka chɛ mɔɛ n na, a basan a 'a kan chɛ mɔɛ n na. Banabasi ni an mɔɛ chɛ n dɔndɔ an na, ni Simiyɔn bɛɛ, an ni min chee, an dɔ, Simiyɔn finɛ. A yɛ to, Sɔɔ wɛɛ, ni Dusiɔsi, min ka‑a Sayini duu ɔ, an fea Manaɛn na, min bɔ‑a a ɔ chen dɔndɔɛ a, an fea Mansa Ɛdɔdi Andipasi a.
An‑na gboo nyɛnden chɛ an be an ma. An‑na a nyɛn fan a ɔ, an dɔ te: Nn fan, Chisɔsi 'a sɔ mɔɛ chɛ nu, nn bɛ gbakoo n na, nn fɛn mu wo suun ma nyɔɛ n na Chasi ɔ, nn fan mbe ka gboo chɛ nyɛn tena. Nn mbe a nyɛn tena wo wan tena. Wo wan, wo wɛn ma Chu mɔ a, wo wɛn‑na wo kai fa Chisɔsi a. A yɛ to, wo wɛn mbe sanche Andiɔki duu ɔ, ni wo wɛn mbe Siyia chɛnyɛ tɔɛ ɔ, wo bɛ chɛ n na, miin mbe Sidisia chɛnyɛ ɔ. Nn‑na wo kɔndɔn.
Sanche gbɛ, wo wandi, wo e a ɔ yen tena wan, koe min mbe chɛ tena a ɔ. A yɛ to, wo e a a min tena wan. Ɛfisɔsi dechee ma, chɛɛ a maen fan mu gbɛ yɔ Esia chɛnyɛ gbɛɛ ɔ, Pɔɔ chɛ ɛ mɔɛ n yiima mun tena buɛ min dɔ, a si mmɔ 'a wai ma. A ɛ a fɔ tena wan mɔɛ n ye, mbɛ mmɔ ɛ yataa miin nyan ka mmɔ boo a, yataa kan kɔ kan ma an na.
“Chu mɔɛ mu n na. N suun‑da Tasɔsi wan, Sidisia chɛnyɛ ɔ. Chɛɛ n bɔ‑a a ɔ nɛ wan, Chuusaɛn chɛ. Kamadiɛɛ 'a kan denɛ ni n na. A‑a n kan fan chɛndɛ chɛ, mmɔ bemba n ta bemba n ta sawa bia koe a gbau gbau gbu a. A sin, n‑na n fandi be wan, Yataa 'a wai chɛ koe a, n faa gbɛɛ a, n sɔɛ a. N bankan‑da wan, Yataa 'a wai chɛ koe a, yɔ wo wɛɛ, wo wɛn mbe ka bi nɛ.