CHISƆSI 'A SƆ MƆƐ NU 6:7 - Yataa 'a Dɔbɛnɛ Nama

⁷ Mbɛ a ka gbɛ a tima chɛ ma, Yataa 'a bai a fasan‑da wan a ɔ gbɛɛ ɛ. Chisɔsi fɛ denɛ n da a koa‑a wan gbeden Chuusaɛn duu ɔ, mbɛ Chu n tɛ mɔɛ nu Yataa a, an sɛsɛ‑a an boo si sakana bai chɛndɛ chɛ kɔɔ.

CHISƆSI 'A SƆ MƆƐ NU 6:7 ပူးပေါင်းရင်းမြစ်များ

MATIU 19:30

Chɛɛ mɔ sɛsɛ nu, miin mbe sɔ ɔ ya ɔ sanche, Yataa ɛ an na yɛ‑a wan gbaa a. Mɔɛ miin mbe gbaa sanche, Yataa ɛ an sɔ‑a wan ya ɔ dunya nama chɛ ɔ.”

DUKU 2:34

Mbɛ Simiyɔn‑na an dua, mbɛ a‑a a fɔ den chɛ de Mɛi ye, a ɔ, “Denɛ chɛ i boo ɔ, ɛ a ma‑a wan mmɔ Isɔɛɛ mɔɛ nu, Yataa ni mmɔ sɛsɛ kondon, mbɛ a yɛ‑a, a‑a mmɔ sɛsɛ a sɛ. An mbe a ma‑a, mmɔ Isɔɛɛ mɔɛ n ni tea a min. Chɛɛ mmɔ sɛsɛ ɛ ban‑da wan a ɔ.

CHƆN 12:42

Chu n ya ɔ sɔɛ n sɛsɛ nu, a tima chɛ a, an bɛɛ kai faen fan ni Chisɔsi a. Chɛɛ Fayisii n bakoe na‑a a ma wan, an nii an 'na danaya chɛ a bɔ ya a ma. Koe min na mu, an nii ma to ni an ni an gbain kuɔ fɔ an 'na samun chɛ chen chɛ a.

CHISƆSI 'A SƆ MƆƐ NU 12:24

Chɛɛ Yataa 'a sakana bai chɛndɛ chɛ tana, a fasan‑da wan a ɔ gbɛɛ ben‑da, mbɛ mɔ nama sɛsɛ‑a an kai fa Chisɔsi a.

CHISƆSI 'A SƆ MƆƐ NU 13:8

Chɛɛ nkofo chɛ, min tɔɛ dɔndɔɛ ni Ɛdimasi (a tɔɛ chɛ fɔɛ an nii nɛ, nkofo tɔɛ), a‑a Banabasi n kɔɔsa bia wan kaka. A nii ma to ni, kɔfana chɛ ni dan bai chɛ n na, an ni min fɔ tena a si Chisɔsi ma.

CHISƆSI 'A SƆ MƆƐ NU 14:22

Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”

CHISƆSI 'A SƆ MƆƐ NU 19:20

Chia chɛ a ni, sakana bai chɛ, a si Mansa Chisɔsi ma, a fasan‑da a ɔ gbɛɛ. A sin, an sakana chɛ ni koe miin ma mɔɛ n 'na fɔɛ ɔ, a nii ma dɔɔ.

CHISƆSI 'A SƆ MƆƐ NU 2:47

an mbe ta‑a Yataa tando‑a. A sin, mɔɛ n gbɛɛ‑a an yii na chii wan an na, mbɛ mɔ chɛndɛ mu an na. Tee ɔ tee sin na, Mansa Chisɔsi‑a an ma munda mɔɛ n na, miin ni gbɛ bauncha chia ma.

CHISƆSI 'A SƆ MƆƐ NU 21:20

An sin‑na Pɔɔ 'a bai chɛ n na min kɛn, an‑na tando be wan Yataa ma. Mbɛ an‑na a fɔ Pɔɔ ye, an dɔ, “Nn suun ma nyɔɛ Chasi ɔ, i wandi‑a a ɔ yen, mbɛ Chu mɔ wu sɛsɛ nu, an‑na an kai fa buɛ min dɔ Chisɔsi a. A yɛ to, an‑na a ma wan, an ma gbɔsɔɛ a, mmɔ 'a Chu sawa n bia koe a.

CHISƆSI 'A SƆ MƆƐ NU 6:1

Tima ɛnden benden gbakɔ, Chisɔsi fɛ denɛ n‑na a kuu sɔ wan kɔkoa‑a. Mbɛ koɛ bun‑da a kuu sɔ‑a an tɛ ɔ. Chu mɔɛ miin ka‑a Kiisi chɛnyɛ ɔ, an ni wan gbonyɛ‑a, mbɛ Chu mɔɛ miin suun‑da Chuusaɛn duu ɔ, an dɔ, an mbe ma fenɛ ɔ du‑a tee ɔ tee a, an mbe ee fen chɛ n be fuinya musu chɛ n ma, miin ka‑a ka Kiisi chɛnyɛ ɔ.

GBOO DOMI KO A 1:5

Yataa‑a a ma wan, Chasi 'a duaya ɔ, nn ma‑a a 'a sɔ mɔɛ a. A‑a chɛ ma, min mbe a ma, nn ni a ma mɔɛ n gbɛɛ dunya ɔ, danaya ni ma an dɔ Yataa ko a, mbɛ an‑na kooya be Chisɔsi ma.

GBOO DOMI KO A 16:26

Chɛɛ sanche gbɛ, Yataa 'a gbonka chɛ mɔɛ chɛ n‑na fenɛ miin nyɛn Yataa 'a gboo ɔ, a‑a a ma wan mɔ sɛsɛ n‑na tea ko ɔ nunden chɛ ɔ sɔn. A sin, mɔɛ gbɛɛ dunya ma, an‑na an ko ɔ nunden chɛ ɔ sɔn gbɛ. Yataa Mansa, min mbe kuɔ fɔ fɔɛ be, an‑na chɛ ma, min mbe a ma, mɔɛ n ni an kai fa a a, mbɛ an‑na kooya be a ma.

Gboo Kadesia Ko A 1:23

An na‑a chɛ an na min dechee, mɔɛ n mbe a fɔ, an dɔ, “Kaminɛ min ni ko yawaenɛ sa mmɔ ma, a yɛ‑a mmɔ kaa a. An mbe gbɛ mɔɛ n kan‑da a si ko dɔndɔ gbe chɛ ma, a toen ni min kasaa koe a.”

Gboo Kadesia Ko A 6:10

Chɛ ko a, Yataa ɛ mmɔ kɔ‑a buɛ min dɔ, mmɔ ni ko chɛndɛ ma tima ɔ tima, mɔ ɔ mɔ a. A sin, a bɛɛ bɛɛ mɔɛ chɛ nu, mmɔ kai faen mu Chisɔsi a, mmɔ bɛ miin na.

Gboo Kɔdɔsai Ko A 1:6

Sakana bai chɛndɛ chɛ ɛ a ma tena wan, ko chɛndɛ sɛsɛ ɛ mɔɛ n tan tena tima ɔ tima ko a dunya gbɛɛ ɔ. A sin, wo wandi wɛɛ tɛ ɔ, ɛ ma tena ka wan. A bia tee saa saa chɛ ma, wo na‑a a a min kɛn, mbɛ wo dan‑da koadia demanɛ a chɛndɛ chɛ, Yataa ɛ min chɛ tea tea ɔ.

GBOO FEAN BƆƐ TƐSADONIKA KO A 1:8

Ɛ na‑a wan ta man ba ɔ, an bɛ a 'a maeka n na, mɔɛ chɛ n tɔɔ koe a, miin ban‑da Yataa ɔ. An sin nii ma bea ni sakana bai chɛ fɛ, a si mmɔ 'a mansa Chisɔsi ma.

2 TIMOTI 2:9

Sakana bai chɛndɛ chɛ an fɛ mu n mbe tɔɔ tena ka, n chenɛ ɔ chiienɛ ɛ yɔ sawa yɔn mɔɛ. Chɛɛ Yataa 'a bai chen dɔ ma chii ni.

GBOO IBU MƆƐ N KO A 11:8

Ebeami na‑a a kai fa wan Yataa a, min na‑a a ma, Yataa na‑a min fɔ a ye a ma koe a, a‑a a ma. Yataa na‑a a fɔ wan Ebeami ye, mbɛ a ni bɔ a waa a, a ni ta kaina, a nii ma ta ni kaina min tee dɔndɔ wɛɛ. Yataa na‑a a too ɔ dia wan an kaina chɛ be koe a a ma, a ta a. A nii ma a ɔ sɔn, ɛ ta tena kaina min. Chɛɛ chɛ gbɛɛ ɔ, a bɔ‑a wan a 'a chɛnyɛ ɔ.

GBOO IBU MƆƐ N KO A 5:9

A sin, a na‑a ma wan mɔɛ a, min da faenɛ ɛ gban, Yataa tena. Chɛ‑a a ma wan, a ma‑a mɔɛ a, min mbe na kuɔ fɔ fɔɛ a mɔɛ n ko a, miin mbe kooya be‑a a ma.

CHUDA 1:20

Chɛɛ wo tana, n dia nyɔɛ nu, wo ma yɛ kuu kɔ wo 'a danaya ɔ Yataa a. Wo samunɛ chɛ gbasaya chɛ ɔ, Yataa Nyina ɛ min be.

CHUDA 1:3

N dia nyɔɛ nu, n toen ni kaka n ni gboo chɛ nyɛn a si bauncha ma, Chisɔsi‑a min be mmɔ ma. Chɛɛ n yiima dɔndɔɛ‑a a fɔ wan n ye, mbɛ n ni wo faa nande, wo ni butuinɛ chɛ, wo 'a danaya ko a Yataa a. Danaya chɛ sin, Yataa an‑na a ma, mmɔ‑a a ma sɔn, a sin mbe ee mun to.