CHISƆSI 'A SƆ MƆƐ NU 6:6 - Yataa 'a Dɔbɛnɛ Nama

⁶ Mbɛ mɔɛ chɛ n gbɛɛ, an na‑a mɔ wɔnfea chɛ n na Chisɔsi 'a sɔ mɔɛ chɛ n tena. Sɔ mɔɛ chɛ n‑na an boo bun fan an mɔ wɔnfea chɛ n ma, mbɛ an‑na samunɛ chɛ an ko a.

CHISƆSI 'A SƆ MƆƐ NU 6:6 ပူးပေါင်းရင်းမြစ်များ

MAKI 5:23

A‑a a disa, a sɔɛ gbɛɛ a, a ɔ, “N 'na den musuenɛ e na fa‑a. I dimu, na i ni i boo bun a ma, a ni baun, a fɔɛ ni yɛ to a ma.”

CHISƆSI 'A SƆ MƆƐ NU 1:24

Mbɛ an‑na samunɛ chɛ, an dɔ te, “Mansa Yataa, i wan‑na mɔ gbu gbɛɛ yii ma koe ɔ sɔn. Chɛ ko a, Fa, mɔ fea chɛ n tɛ ɔ, a ɔ yian nn na, ni i‑a i boo sɔ min ma,

CHISƆSI 'A SƆ MƆƐ NU 13:3

Mbɛ an ban‑da sun bia‑a, a basan samun chɛ a, an‑na an boo bun fan an ma, an‑na an dua, mbɛ an‑na an na ta.

CHISƆSI 'A SƆ MƆƐ NU 19:6

A sin, Pɔɔ‑a a boo bun an ma, mbɛ Yataa Nyina bea‑a an fɛ. An‑na kamaya bai n fɔ wan, mɔɛ n mbe ee miin dɔ gbɛ ka dechee. Mbɛ an yɛ‑a, an‑na Yataa bai ɔ yian.

CHISƆSI 'A SƆ MƆƐ NU 8:17

Mbɛ Pita an fea Chɔn na, an‑na an boo bun mɔɛ chɛ n ma, an‑na samunɛ chɛ, mbɛ Yataa Nyina bea‑a mɔɛ chɛ n fɛ.

CHISƆSI 'A SƆ MƆƐ NU 9:12

A sin na‑a koe ɔ yen fan, yɔ a ni cho ɔ wan. A na‑a mɔ dɔndɔ yen fan, min tɔ mu Ananiyasi. Ananiyasi chɛ na‑a wan, mbɛ a don‑da chen chɛ a, ɛ ka kaina min. Mbɛ a‑a a boo bun a ma, min mbe a ma, a ni kaina yen to.”

CHISƆSI 'A SƆ MƆƐ NU 9:17

Mbɛ Ananiyasi ta‑a, a don‑da chen chɛ a, Sɔɔ ni min na. Mbɛ a‑a a boo bun a ma, a‑a samunɛ chɛ. A ɔ, “Sɔɔ, n suun ma nyɔɛ Mansa Chisɔsi ɔ, a wandi gbu, an‑na n sɔ ka i tena. An na‑a bɔ ka i ya a, chia chɛ a, kɛn i ni na tena nɛ duu chɛ ɔ. A‑a n sɔ, min mbe a ma, i ni kaina yen to. A yɛ to, Yataa Nyina ni bea i fɛ gban.”

1 TIMOTI 4:14

Yataa Nyina‑a fenɛ min be i ma, Yataa 'a gbonka chɛ mɔɛ n koɔ‑a tima min na, mbɛ chɔchi gbakoo n‑na an boo bun i ma, a bia i boo fea a.

1 TIMOTI 5:22

I 'a tima ya i boo bun koe a mɔɛ kun ma, a yian koe a gbakoo ya a. I 'a tima ya, mɔ dɔ mende 'a ko yama maenɛ a ee na sin i ma. To Yataa gbee an na tun.

2 TIMOTI 1:6

Chɛ an fɛ mu, n mbe a fɔ tena i ye to, mbɛ i ni tachɛ fen chɛ a chɛndɛ chɛ, Yataa‑a boo fenɛ min be i ma, n na‑a n boo bun i ma tima min na i dua koe a.

GBOO IBU MƆƐ N KO A 6:2

Mmɔ ma an kan to, a si yii chɛ koe ma mɔɛ n kunɛ ɔ Yataa chia a. A yɛ to, boo bunɛ mɔɛ n ma, an ni dua ma sɔn, ni mɔɛ kɔɔ sɔ koe a, a ka saya ɔ, a basan kaa a tɛ a, min mbe ma‑a nɔ kuɔ fɔ ko a.