CHISƆSI 'A SƆ MƆƐ NU 6:14 - Yataa 'a Dɔbɛnɛ Nama

¹⁴ Nn‑na a a min fan to, a‑a a fɔ, mbɛ Chisɔsi chɛ, min ka‑a Nasaɛti duu ɔ, ɛ Yataa 'a kata chɛ te‑a wan. A yɛ to, a ɔ, ɛ mmɔ 'a manda n gbɛɛ, Mosisi‑a miin be mmɔ ma, ɛ an ka‑a wan chia ma.”

CHISƆSI 'A SƆ MƆƐ NU 6:14 ပူးပေါင်းရင်းမြစ်များ

MATIU 26:61

Mbɛ an dɔ, “Kamin chɛ na‑a a fɔ wan, a ɔ, ɛ kun fan a ni Yataa 'a chen chɛ te, mbɛ a‑a a sɔ tee sawa tɛ ɔ.”

MAKI 14:58

“Nn‑na a a min fan, a‑a a fɔ, a ɔ, ɛ kun fan a ni Yataa 'a chen chɛ, mmɔ‑a min sɔ ka mmɔ boo a, a ni a te, mbɛ a‑a a sɔ tee sawa tɛ ɔ, mɔ gbu boo sin fan mbe ee a sɔ‑a.”

DUKU 21:24

An chɛɛ ma nyɔɛ n mbe an dɔ n fa‑a wan, mbɛ an‑na an dɔ n ma yɔnɛ n na, chɛnyɛ dɔ mende tɔɛ chɛ n gbɛɛ ɔ. A sin, mɔɛ miin ma Chu mɔɛ n na, an mbe gbasaya din‑da wan Chuusaɛn mɔɛ n ma, aan an ta tima ni ban.”

DUKU 21:6

“Wo e ka kawa‑a sanche fenɛ miin gbɛɛ ma, tima ɛ che‑a wan, an gbɛɛ ni yɔn. Ɛ te‑a wan, a sen kan kɔ kan mbe ee to‑a sa ɔ a nyɔn kundu a.”

CHƆN 2:19

Mbɛ Chisɔsi ɔ, “Yataa 'a chen chɛ, wo a te wɛ. Tee sawa tɛ, n mbe a sɔ‑a wan to.”

CHƆN 4:21

Mbɛ Chisɔsi ɔ, “Bɔɔɛ, dan n da a kuiɛ a. Tima ɛ na tena wan che‑a, tima min na, mɔɛ n mbe ee Fa Yataa fai‑a kɔnkɔɛ chɛ ma, an mbe ee a fai‑a Chuusaɛn duu wɛɛ ɔ.

CHISƆSI 'A SƆ MƆƐ NU 15:1

Chɛɛ mɔɛ dɔ n ka‑a wan Chudia chɛnyɛ ɔ, an na‑a Andiɔki duu chɛ ɔ. Mbɛ suun ma nyɔɛ chɛ nu Chasi ɔ, mɔɛ chɛ n‑na a kuu sɔ an kan‑da nɔ, an dɔ, “Yataa ee che wo baun‑da, mɔɔ ni an‑na wo a kamincha, yɔ Mosisi‑a mmɔ kan buɛ min dɔ.”

CHISƆSI 'A SƆ MƆƐ NU 21:21

A sin, a fɔen fan mu an ye, mbɛ e ben tena Chu mɔɛ n gbɛɛ, miin mbe mɔɛ n 'na chɛnyɛ ɔ, miin ma Chu mɔ a, an kan‑da koe miin na. Mbɛ an ni an kan kɔ sɔ mmɔ 'a sawa chɛ n na, Yataa na‑a miin be Mosisi ma. An dɔ te to, i ɔ, an ma an 'na denɛ n na kamincha to, n mbe ee baa, Chu n 'na manda n na tachɛ koe a.

CHISƆSI 'A SƆ MƆƐ NU 25:8

Chɛɛ Pɔɔ koɔ‑a wan a wandi ko a, a ɔ, “N ma ko yama kan kɔ kan ma ni, a si Chu sawa ma, n ma a ma ni, a si Yataa 'a kata ma, n mbe ee baa, a ma koe a, a si Domi kun ti wa ma.”

CHISƆSI 'A SƆ MƆƐ NU 26:3

Tea gbu bɛɛ bɛɛ mu, mbɛ i‑a Chu manda n sɔn fan, a basan kɔɔsa chɛ n na, an mbe miin bia. Chɛ an fɛ mu, n mbe i disa tena, i ni i too be n ma chɛndɛ chɛ.

CHISƆSI 'A SƆ MƆƐ NU 28:17

Tee sawa gbakɔ, Pɔɔ‑a Chu mɔɛ n kun ti n chee wan, miin ni Domi bɛnɛ ɔ. An bɛn‑da kɛn, mbɛ a‑a a fɔ an ye, a ɔ, “N suun ma nyɔɛ nu, n ma ko yama kan kɔ kan ma ni, mmɔ 'a mɔɛ n na, n ma mmɔ fa n 'na manda yɔn ni. Chɛɛ chɛ gbɛɛ ɔ, an‑na n ma wan pimbi chenɛ a sa mɔɛ a Chuusaɛn duu ɔ, mbɛ an‑na n be Domi mɔɛ n ma.

Gboo Kadesia Ko A 3:19

Chɛɛ sawa chɛ nii ma sa ni gbama a. Ko yama ma, an fɛ mu, Yataa‑a sawa chɛ sa dɔbɛn chɛ kaa a. Koe ni ma ka, aan Ebeami cheeya chɛ ni na, tooɔdia chɛ chɛ‑a min na. A sin, Yataa‑a sawa chɛ a ben maeka n fan dɔ, a be koe a Mosisi ma, min ni mɔ gbu n tɛ ɔ an bɛ Yataa a.

Gboo Kadesia Ko A 3:23

Mmɔ e na to mmɔ kai fa‑a Chisɔsi Chasi a, mmɔ ni sawa an kɔɔ. Sawa chɛ‑a mmɔ bia wan, yɔ pimbi chenɛ a sa mɔɛ nu, aan tima chɛ, mmɔ kai fa koe Chisɔsi a, a ɔ yian‑da mmɔ a tima min na.