CHISƆSI 'A SƆ MƆƐ NU 6:12 - Yataa 'a Dɔbɛnɛ Nama

¹² Bai chɛ‑a a ma wan, mɔɛ n gbɛɛ a kan‑da, an bɛ basan Chu gbakoo n na, ni Chu n 'na sawa kan mɔɛ nu. Mbɛ an gbɛɛ faa tɛ‑a Sitibin ma, min‑na a ma, an‑na a bia, mbɛ an na‑a a a Chu kuti wa ɔ.

CHISƆSI 'A SƆ MƆƐ NU 6:12 ပူးပေါင်းရင်းမြစ်များ

MATIU 26:57

Mɔɛ miin na‑a Chisɔsi bia, an ta‑a wan a a Kayafasi 'a chenɛ a, min ni Chu n tɛ mɔɛ nu Yataa a, an 'na tɛ mɔ wa a. A tima chɛ a, Chu n 'na sawa kan mɔɛ n na kanden fan ni nɔ, an bɛ Chu gbakoo n na.

MATIU 5:22

Chɛɛ n mbe sanche gbɛ a fɔ tena wo ye, mbɛ ni mɔ ɔ mɔ faa tɛ‑a a ɔ benden ba a a, a suun ma nyɔɛ ma, an mɔɛ chɛ ɛ gbɛmbo‑a wan. Mɔ ɔ mɔ min mbe bai yama sa‑a a suun ma nyɔɛ ma, an mɔɛ chɛ ta gbɛmbo kɔ ɛ gbɛ‑a wan, Chu kuti wa ɔ. A sin, mɔ ɔ mɔ min mbe a fɔ‑a a suun ma nyɔɛ ma, a ɔ, ‘Yataa sɔn bai mu a a,’ a mɔɛ chɛ nɛnɛ ɛ ta‑a ta an dɔ, ni a fa‑a.

DUKU 20:1

Tee dɔndɔ a, Chisɔsi ni wan mɔɛ n kan‑da Yataa 'a kata ɔ, ɛ ta‑a Yataa 'a sakana bai chɛndɛ ɔ yian‑da an na. Mbɛ mɔɛ miin ni Chu n tɛ ɔ Yataa a, an 'na mansa nu, an na‑a a tena, an bɛ Chu n 'na sawa kan mɔɛ n na, a basan Chu gbakoo n na.

CHISƆSI 'A SƆ MƆƐ NU 13:50

Chɛɛ musu gbakoo nu an duu chɛ ɔ, miin ni kooya be Yataa ma, an bɛ nɔ mɔ kaima gbakoo n gbɛɛ a, Chu mɔɛ chɛ n‑na an gbɛɛ a sɛ wan Pɔɔ n ma. An‑na ko ma gbaaenɛ sa wan Pɔɔ ma, an fea Banabasi a, mbɛ an gbu‑a an gbain an tanda gbu ɔ.

CHISƆSI 'A SƆ MƆƐ NU 14:2

Chɛɛ Chu mɔɛ tɔɛ chɛ nu, miin nii ma dɔn ni an kai fa koe a Chisɔsi a, an don‑da mɔɛ chɛ n dɔ, miin nii ma Chu mɔ a. A sin, an‑na an na sɛ wan Chisɔsi fɛ mɔɛ chɛ n ma.

CHISƆSI 'A SƆ MƆƐ NU 17:13

Chɛɛ Chu mɔɛ chɛ nu Tɛsadonika, an‑na a a min kɛn, mbɛ Pɔɔ ɛ Yataa bai sa‑a Bɛyia wɛɛ, an na‑a wan nɔ. Mbɛ an bun‑da mɔ fanka chɛ a sɛ‑a Pɔɔ ma, gbunɛ a bea koe a.

CHISƆSI 'A SƆ MƆƐ NU 18:12

Chɛɛ an‑na Kadio ma tima min na kɔfana a, Akaya chɛnyɛ kun ma, Chu n‑na kuiɛ a kanɛ chɛ Pɔɔ ma, mbɛ an‑na a bia, an na‑a a a kɔfana chɛ 'a kuti ɔ.

CHISƆSI 'A SƆ MƆƐ NU 21:27

Chɛɛ tee wɔnfea chɛ, a ni gbɛ ban koe an na, mbɛ Chu mɔɛ dɔ nu, a ka Esia chɛnyɛ ɔ, an‑na Pɔɔ yen fan Yataa 'a kata ɔ. An‑na fanka a sɛ wan Pɔɔ ma, mbɛ an‑na a bia fɔin.

CHISƆSI 'A SƆ MƆƐ NU 5:18

Mbɛ an‑na Chisɔsi 'a sɔ mɔɛ chɛ n bia, mbɛ an‑na an sa pimbi chenɛ a.

CHISƆSI 'A SƆ MƆƐ NU 5:27

An na‑a wan Chisɔsi 'a sɔ mɔɛ chɛ n na. An na‑a kɛn an na, an ta‑a wan an na, Chu kuti wa chɛ bɛnden ni ka chenɛ min na. An toen ni, Chu n 'na tɛ mɔ wa Yataa tena, a ni an dɔ tisa.

CHISƆSI 'A SƆ MƆƐ NU 6:11

Mbɛ an don‑da mɔɛ n too ɔ, min mbe a ma, an ni a fɔ, mbɛ an‑na a a min fan Sitibin mbe bai yama sa‑a, a si Mosisi n fea ma Yataa a.