CHISƆSI 'A SƆ MƆƐ NU 6:11 - Yataa 'a Dɔbɛnɛ Nama

¹¹ Mbɛ an don‑da mɔɛ n too ɔ, min mbe a ma, an ni a fɔ, mbɛ an‑na a a min fan Sitibin mbe bai yama sa‑a, a si Mosisi n fea ma Yataa a.

CHISƆSI 'A SƆ MƆƐ NU 6:11 ပူးပေါင်းရင်းမြစ်များ

CHƆN 1:17

Yataa na‑a a 'a sawa n na ben Mosisi an na, chɛɛ koadia chinchimaya tana, a basan danaya a, mmɔ‑a an ma sɔn Chisɔsi Chasi an na.

CHƆN 16:3

Mɔɛ n mbe koe chɛ n ma‑a wan wo a, koe min na mu, an ma Fa Yataa sɔn tee dɔndɔ wɛɛ, chɛ ma, n fandi gbu wɛɛ.

CHƆN 9:29

Nn‑na a ɔ sɔn fan, mbɛ Yataa wandi gbu, an na‑a koɔ Mosisi tena. Chɛɛ mɔna chɛ tana, Chisɔsi chɛ, nn gbu ma a ka tena wɛɛ gbu an sɔn.”

CHISƆSI 'A SƆ MƆƐ NU 15:21

Koe min na mu, Yataa‑a sawa miin be Mosisi ma, a kanden fan mu gbɛ san chɛmɛ sɛsɛ ko a, Chu 'na samun chɛ chenɛ a, suin tee kan kɔ kan ma. A sin, Mosisi da a bai chɛ nu, an dɔ yianden fan mu gbɛ duu wa kan kɔ kan dɔ.”

CHISƆSI 'A SƆ MƆƐ NU 18:6

An‑na a kɔɔsa bia wan, mbɛ an‑na bai yama gbɛɛ sa a ma. An‑na chɛ ma kɛn, Pɔɔ‑a a 'a doma ɔ gbɔngbɔn fan, ma koe a dasi a an tena. Mbɛ a‑a a fɔ an ye, a ɔ, “Ni wo ma bauncha ma sɔn ni, wo ee wo tɛɛ si‑a to n ma. Wo e wo tɛɛ si‑a gbɛ wo wandi an ma. A ka gbɛ sanche ma, n mbe Yataa bai sa‑a gbɛ chɛ n fan tena, miin ma Chu mɔ a.”

CHISƆSI 'A SƆ MƆƐ NU 21:28

An‑na yee tɛ wan, an dɔ te, “Nn bɔ Isɔɛɛ mɔɛ nu, wo na, wo ni basan nn ma. Kamin chɛ, an mbe ben tena bai yama sa‑a, a si mmɔ 'a mɔɛ n ma. An mbe a fɔ tena to mɔ ɔ mɔ ye, mbɛ an ma ma sawa chɛ n kɔɔ, Yataa‑a sawa miin be Mosisi ma. Ɛ bai yama n dechee an sa, a si mmɔ 'a Yataa 'a kata chɛ wɛɛ ma. A yɛ to, a‑a Yataa 'a kata chɛ tana yɔn, don koe a nɛ mɔɛ n na, miin ma Chu mɔ n na.”

CHISƆSI 'A SƆ MƆƐ NU 25:3

a ni basan an ma, a ma koe a, an ni na Pɔɔ a Chuusaɛn duu ɔ. An‑na chɛ fɔ, koe min na mu, an na‑a a ɔ bɛn fan, a fa koe a chia tɛ.

CHISƆSI 'A SƆ MƆƐ NU 25:7

An na‑a kɛn Pɔɔ a, Chu mɔɛ miin ka‑a Chuusaɛn duu ɔ, an sɔ‑a wan gbɛɛ Pɔɔ 'a tindanɛ. Mbɛ an Chu mɔɛ n bun‑da kun sɛsɛ si‑a Pɔɔ kun ma, an nii che toa si‑a miin kɔɔ.

CHISƆSI 'A SƆ MƆƐ NU 26:11

Tima sɛsɛ ko a, n‑na an na mɔnɛ wan, Chu n 'na samun chɛ chenɛ n na. A sin to, n‑na butuin chɛ wan, a ma koe a, an ni Yataa main. Mbɛ n yɛ‑a, faatɛ wa ɔ, n‑na ko yawaenɛ sa an ma. N ni ta wan duu wa dɔ mende n bɛɛ ɔ, chɛnyɛ dɔ mende n dɔ.

CHISƆSI 'A SƆ MƆƐ NU 6:10

Chɛɛ an nii kun an ni sɔ Sitibin 'na yiimatɛ a, koe min na mu, Yataa Nyina ni bai n don fan a da a, a fɔ koe a.

CHISƆSI 'A SƆ MƆƐ NU 6:12

Bai chɛ‑a a ma wan, mɔɛ n gbɛɛ a kan‑da, an bɛ basan Chu gbakoo n na, ni Chu n 'na sawa kan mɔɛ nu. Mbɛ an gbɛɛ faa tɛ‑a Sitibin ma, min‑na a ma, an‑na a bia, mbɛ an na‑a a a Chu kuti wa ɔ.

CHISƆSI 'A SƆ MƆƐ NU 6:13

Mbɛ an na‑a mɔɛ n na, fania siiya chɛ koe a, a si Sitibin ma. Mbɛ an mɔɛ chɛ n‑na a fɔ, an dɔ te, “Tima ɔ tima kamin chɛ ɛ bai yama n fan fɔ, a si Yataa 'a kata chɛ ma, min mbe tenchen a ko a. Ɛ a fɔ to, a si sawa chɛ n ma, Yataa‑a miin be Mosisi ma.

GBOO DOMI KO A 3:8

Ni tea mu chɛ a, mbɛ mɔɛ dɔ n mbe a fɔ‑a wan gbɛ, an dɔ, “Mmɔ ko yama ma, min mbe a ma, ko chɛndɛ ni bɔ a ɔ.” Mɔɛ dɔ n‑na kun chɛ an si n kun ma, mbɛ n fan, n‑na chɛ an fɔ chinɛn, mbɛ an‑na n main a ko a. Chɛɛ mɔɛ miin mbe chɛ fɔ tena, an fandi an mbe tɔɔya ɔ fai tena Yataa ma.

1 TIMOTI 1:13

N na‑a a main fan, mbɛ n‑na ko ma gbaaenɛ si a 'a mɔɛ n na. Chɛɛ Yataa chinchin‑da wan n ma, koe min na mu, danaya nii n dɔ a tima a Chisɔsi Chasi ko a, a sin, n nii ma a ɔ sɔn n ni koe min ma tena.