CHISƆSI 'A SƆ MƆƐ NU 6:1 - Yataa 'a Dɔbɛnɛ Nama

¹ Tima ɛnden benden gbakɔ, Chisɔsi fɛ denɛ n‑na a kuu sɔ wan kɔkoa‑a. Mbɛ koɛ bun‑da a kuu sɔ‑a an tɛ ɔ. Chu mɔɛ miin ka‑a Kiisi chɛnyɛ ɔ, an ni wan gbonyɛ‑a, mbɛ Chu mɔɛ miin suun‑da Chuusaɛn duu ɔ, an dɔ, an mbe ma fenɛ ɔ du‑a tee ɔ tee a, an mbe ee fen chɛ n be fuinya musu chɛ n ma, miin ka‑a ka Kiisi chɛnyɛ ɔ.

CHISƆSI 'A SƆ MƆƐ NU 6:1 ပူးပေါင်းရင်းမြစ်များ

MATIU 23:13

Mbɛ Chisɔsi‑a a fɔ, a ɔ, “Wo wan sawa kan mɔɛ chɛ nu, wo wan Fayisii nu, koe min mbe wo tan‑da, a yau gba wo ko a. Nɛnɛn fea ti mu wo a. Koe min na mu, wo ban‑da don koe a Yataa 'a mansaya kɔɔ, mbɛ wo‑a chia tɛ wo bɔ n bɛɛ ya ɔ don koe a nɔ.

CHISƆSI 'A SƆ MƆƐ NU 11:20

Chɛɛ an dɔ nu, miin na‑a an kai fa ka Chisɔsi a, a ka Saipɔsi ni Sayini duu wa ɔ, an ta‑a wan Andiɔki. Mbɛ sakana bai chɛ, a si Mansa Chisɔsi ma, an‑na a ɔ yian fan an bɛɛ a, miin nii ma ka Chu mɔ n na.

CHISƆSI 'A SƆ MƆƐ NU 11:26

A‑a a yen kɛn, a‑a a ma wan, mbɛ an fea yɛ‑a a a Andiɔki duu ɔ. An ni bɛn fan, an bɛ chɔchi mɔɛ chɛ n na, an mbe ta‑a an sɛsɛ kan‑da. An ni wan nɔ san dɔndɔ ko a. Andiɔki ni, tɔɛ chɛ si‑a an kun ma, an dɔ, Chisianɛ nu, an fɛn kai faen ni Chisɔsi a.

CHISƆSI 'A SƆ MƆƐ NU 11:29

Chisian chɛ n‑na a ɔ bɛn fan, an sɔɛ gbɛɛ ɔ, an ni an boo fenɛ n na ta, basan koe a an suun ma nyɔɛ n ma Chasi ɔ, miin ni Chudia chɛnyɛ ɔ. An dɔ, an ni chɛ ma yɔ an 'na gbasaya ɛ kun min nyɔn sima ma.

CHISƆSI 'A SƆ MƆƐ NU 2:41

Mɔ sɛsɛ dan‑da wan sakana bai chɛndɛ chɛ a, a na‑a min sa ka. An sin‑na yii chɛ wan an kunɛ ɔ, Yataa chia a. A tee chɛ a, mɔ wu sawa an sa‑a chɛ n ma, miin na‑a an kai fa Chisɔsi a.

CHISƆSI 'A SƆ MƆƐ NU 2:45

An ni an boo fenɛ n ma tachɛ wan, mbɛ an‑na an kɔpɔɛ chɛ du an nyɔn ma, yɔ an ma gbɔsɔɛ ni buɛ min dɔ.

CHISƆSI 'A SƆ MƆƐ NU 2:47

an mbe ta‑a Yataa tando‑a. A sin, mɔɛ n gbɛɛ‑a an yii na chii wan an na, mbɛ mɔ chɛndɛ mu an na. Tee ɔ tee sin na, Mansa Chisɔsi‑a an ma munda mɔɛ n na, miin ni gbɛ bauncha chia ma.

CHISƆSI 'A SƆ MƆƐ NU 4:35

mbɛ an‑na a be Chisɔsi 'a sɔ mɔɛ chɛ n ma. An ni an kɔpɔɛ chɛ du wan mɔɛ chɛ n ma, miin na‑a an kai fa ka Chisɔsi a, yɔ mɔɛ ma gbɔsɔɛ ni ma buɛ min dɔ.

CHISƆSI 'A SƆ MƆƐ NU 4:4

Chɛɛ mɔɛ miin sɛsɛ na‑a Pita 'a sakana bai chɛ a min, a si Chisɔsi ma, an dan‑da wan a a. A sin, mɔ kaima miin gbɛɛ‑a an kai fa gbɛ Chisɔsi a, an danɛ ta‑a wan gbɛ wu duu ɔ.

CHISƆSI 'A SƆ MƆƐ NU 5:14

Chɛ gbɛɛ ɔ, mɔ kaima sɛsɛ, an bɛ musu sɛsɛ n na, an‑na an kai fa wan Mansa Chisɔsi a, mbɛ an sa‑a mɔɛ kɔma n kaa a.

CHISƆSI 'A SƆ MƆƐ NU 5:28

Mbɛ a‑a a fɔ an ye, a ɔ, “Nn‑na a ma din fan wo tena, mbɛ wo ma mɔɛ n kan to, a si Chisɔsi chɛ wakoe ma. Chɛɛ wo a ɔ yen, wo‑a koe min ma. Wo‑a a ma mɔɛ n gbɛɛ, miin mbe Chuusaɛn, an‑na a a min, wo‑a bai miin sa a si a ma. A sin, wo toen mu wo ni a fa koe dɛn nn fan na.”

CHISƆSI 'A SƆ MƆƐ NU 6:2

Chɛ ko a, Chisɔsi 'a sɔ mɔ tan kun ma fea chɛ n‑na mɔɛ chɛ n gbɛɛ a kan kaina dɔndɔ, miin na‑a an kai fa ka Chisɔsi a, mbɛ an‑na a fɔ an ye, an dɔ te, “A ma ee bia‑a nn ni nn boo ka Yataa 'a bai sa a, min mbe a ma dechee, nn ni fen chɛ n du mɔɛ n ma.

CHISƆSI 'A SƆ MƆƐ NU 6:7

Mbɛ a ka gbɛ a tima chɛ ma, Yataa 'a bai a fasan‑da wan a ɔ gbɛɛ ɛ. Chisɔsi fɛ denɛ n da a koa‑a wan gbeden Chuusaɛn duu ɔ, mbɛ Chu n tɛ mɔɛ nu Yataa a, an sɛsɛ‑a an boo si sakana bai chɛndɛ chɛ kɔɔ.

CHISƆSI 'A SƆ MƆƐ NU 9:29

A‑a bai sa wan Chu mɔɛ chɛ n bɛɛ tena, miin ni Kiisi koɛ fɔ ka. An ni ma bai ɔ, a ni sɔ wan an kanɛ ɔ kaka. Chɛ an fɛ ni, an toen ni, an ni a fa.

CHISƆSI 'A SƆ MƆƐ NU 9:39

Mbɛ Pita‑a a ma bɛn, an bɛ ta‑a mɔ fea chɛ n na. An‑na a fo kɛn, mɔɛ chɛ n‑na Pita ya wan, mbɛ an sɛ‑a a a banda chenɛ chɛ dumu chɛ ɔ. Fuinya musu n gbɛɛ, an tindan‑da wan Pita a, an mbe di chɛ‑a fiko fiko. An mbe ta‑a to koa n yian‑da Pita a, Dɔkasi na‑a miin nyan, a ni kɛn fɔɛ ɔ.

CHISƆSI 'A SƆ MƆƐ NU 9:41

Mbɛ Pita‑a a bia a boo ma, mbɛ a basan‑da a ma, a kɔɔ sɔ koe a, a ni sɔ. Mbɛ Pita‑a mɔɛ chɛ n gbɛɛ chee, miin na‑a an kai fa ka Chisɔsi a, a basan fuinya musu chɛ n na, mbɛ a‑a musu chɛ a yɛ an ma, a fɔɛ ɛ a sun da a.

GBOO DOMI KO A 12:7

Ni Yataa‑a yiimatɛ chɛ mmɔ ɔ, basan koe an na mɔ dɔ gbɛɛ n ma, mmɔ basan an ma chɛndɛ chɛ. Ni an kan koe mu, mmɔ an kan chɛndɛ chɛ.

GBOO SAA KƆYINDI KO A 10:10

Wo sin gbu ma gbonyɛ wɛɛ chɛ. An dɔ n‑na a ma ka wan to, mbɛ kasaa chɛ maeka na‑a, a‑a an kasaa.

GBOO FEAN BƆƐ KƆYINDI KO A 11:22

Ni Ibu mɔɛ mu an na, n bɛɛ, Ibu mɔɛ mu ka wan n na. Ni Isɔɛɛ mɔɛ mu an na, n bɛɛ, Isɔɛɛ mɔɛ mu ka wan n na. Ni Ebeami cheeya mu an na, n bɛɛ, a cheeya mu ka wan n na.

Gboo Fiipai Ko A 3:5

Isɔɛɛ mɔɛ mu n na, n de Ibu mɔɛ, fa wɛɛ Ibu, n sin bɔ‑a Bɛnchamin 'na dambi an dɔ. An‑na n na kamincha wan, tee sɛi n bɔɛ ma kɛn n suun‑da. A sin, Chu n 'na sawa ta fɛ chia a, Fayisii mɔɛ mu n na.

1 TIMOTI 5:3

Basɔmaya demanɛ be fuinya musu n ma, miin mbe an fandi kun ye.

1 TIMOTI 5:9

Ni i ma‑a fuinya musu kan kɔ kan tɔɛ sa‑a tɔɛ chɛ n kun ma, a ni ma fuinya an na min benden mu san bi wɔdɔɛ ma. A sin a tanden fan ni a chɛɛ tena.

GBOO IBU MƆƐ N KO A 13:1

Wo to wo nyɔn na tima ɔ tima ko a, yɔ mɔɛ ɛ to buɛ min dɔ a suun ma nyɔɛ n na.

CHIMISI 1:27

Mmɔ ɛ basan fan chiandenɛ n ma, an bɛ fuinya n na, ni an deman koe bɔ‑a. Mmɔ sin mbe ee a ma, dunya chɛ ɔ ko yama ma ni mmɔ wɛɛ ɔ chɛ. Chɛ an mu fɔɛ chɛndɛ a, mmɔ Fa Yataa toen mu min na, ma bɔ ee min ma.

CHIMISI 4:5

Bai min nyɛndenɛ ɛ Yataa 'a gboo ɔ, wo ma a ya bai fuu a. A ɔ, Yataa‑a a Nyina min be mmɔ ma, a ɔ, toomaya an mbe a ɔ, mmɔ ma koe a Yataa ko a.

CHIMISI 5:9

N suun ma nyɔɛ nu, wo ma gbonyɛ wo nyɔn na. Wo ma chɛ ma, Yataa wɛɛ ma na kaa a tɛ, a si wo ma. A yen ko, kaa a tɛ mɔɛ gbu ɛ sɔ ɔ chenɛ da a.