CHISƆSI 'A SƆ MƆƐ NU 5:5 - Yataa 'a Dɔbɛnɛ Nama

⁵ Ananiyasi‑a bai chɛ a min kɛn, a ya kɔɔɛ a, a bea‑a, mbɛ a fa‑a. Mbɛ mɔɛ miin gbɛɛ‑a koe chɛ a min, an chian‑da wan a ɔ benden ba a.

CHISƆSI 'A SƆ MƆƐ NU 5:5 ပူးပေါင်းရင်းမြစ်များ

CHISƆSI 'A SƆ MƆƐ NU 13:11

Mbɛ a yen ko gbɛ sanche, Mansa Yataa‑a a boo bun i ma. I ya a ɛ pimbi‑a wan tee kuunden ko a.” A ya kɔɔɛ a, mbɛ dingbii bun‑da Ɛdimasi ya a, a don‑da pimbi ɔ, mbɛ a bun‑da a boo mɛmɛ‑a. A toen ni, mɔɛ ni a bia a boo ma, a ni ta a a.

CHISƆSI 'A SƆ MƆƐ NU 2:43

Yataa ni wan a ma‑a, Chisɔsi 'a sɔ mɔɛ n mbe kamaya koe sɛsɛ ma, a yɛ to, an ni tɔmɔsi sɛsɛ yian fan. Chɛ‑a a ma wan, mɔ ɔ mɔ da a fa‑a gban, an bakoe a.

CHISƆSI 'A SƆ MƆƐ NU 5:13

Miin nii ma an kai fa ni ka Chisɔsi a, an faa nii gbɛa sa koe a an kaa a. Chɛɛ chɛ gbɛɛ ɔ, basɔmaya ni koo an boo ɔ mɔɛ chɛ n ko a, miin na‑a an kai fa ka Chisɔsi a.

GBOO SAA KƆYINDI KO A 4:21

Ni n na‑a tima min na, wo wandi an mbe wo faa ma ya a gbɛ. Ni n mbe sɔnkɔ wan wo ma, n ni wo a tɔɔya. Chɛ ma, ni n mbe koadia an dɔ yian wo a, mbɛ n‑na wo bia chɛndɛ chɛ.

GBOO FEAN BƆƐ KƆYINDI KO A 13:10

Chɛ an fɛ mu, n mbe gboo chɛ nyɛn tena, wo tena, n mbe ee tima min na wo baima. N mbe chɛ ma tena, min mbe a ma, ni n‑na a fo wo ma tima min na, n mbe ee na‑a wo bia‑a faaakɔɔɛ a. N mbe ma‑a gbasaya chɛ a tachɛ‑a, Mansa Chisɔsi‑a min be n ma, wo ɔ gbɛa koe mu, wo yɔn koe ma.

GBOO FEAN BƆƐ KƆYINDI KO A 13:2

N‑na wo a si wan, n 'na gba fean bɔɛ ɔ, wo kɔndɔn‑da. N‑na wo a si wan, wo wɛn na‑a ko yama ma, a kɔma a, a basan mɔɛ tɔɛ n gbɛɛ a. Chɛɛ n mbe a fɔ‑a wan to sanche, mbɛ n mbe ee ka buɛ min dɔ wo tɛ ɔ, mbɛ n mbe na‑a to tima min na, mɔ ɔ mɔ kun mbe ee bɔ‑a tɔɔya ɔ.

GBOO FEAN BƆƐ KƆYINDI KO A 7:11

Wo wandi gbu, wo a ɔ yen bɛ, wo 'a faayɔnɛ chɛ, Yataa‑a min dɔ bɛn wo ko a, a ma‑a koe min na wo tena. Wo ma‑a gbɛ tea mɔ wa an na, wo ma bɛndenɛ ɛ a ɔ yen koe a, mbɛ wo ma ko yama ma ni. Wo faa tɛ‑a wan, wo chian‑da, yiinachii ko a wo ɔ, mbɛ wo‑a wo wandi be, wo ma bɛndenɛ ɛ ko yama ma mɔɛ n tɔɔya koe a. Wo gbu, wo‑a a ɔ yian, mbɛ mabɔ ee wo ma, chia ɔ chia a, an koe gbu gbɛɛ ɔ.

KO Ɔ NUNDENƐ 11:13

A sin, a tima chɛ kɔɔ, duu gboo samba‑a wan, a ma chianden ba a. An duu wa duenɛ si tena tanɛ a, kaka dɔndɔɛ yɔn‑da gbae. Mɔ wu wɔnfea n (7,000) fa‑a. Mɔɛ tɔɛ n chian‑da wan, a ɔ benden ba a, mbɛ an‑na Yataa tando, banda bu ɔ mansa.

KO Ɔ NUNDENƐ 11:5

Ni mɔ ɔ mɔ toen mu, a ni ko yama ma an na, ta an mbe bɔ an da ɔ, mbɛ a‑a an chɛɛ ma nyɔɛ chɛ fa. Chɛ‑a a ma wan, mɔ ɔ mɔ min toen ni a ni ko yama ma an na, ɛ fa wan.