CHISƆSI 'A SƆ MƆƐ NU 5:33 - Yataa 'a Dɔbɛnɛ Nama

³³ Chɛɛ Chu kuti wa chɛ‑a bai chɛ a min kɛn, Chisɔsi 'a sɔ mɔɛ chɛ n‑na min fɔ, an faa tɛ‑a wan aan. Chɛ‑a a ma wan, an‑na a ɔ bɛn an fa koe a.

CHISƆSI 'A SƆ MƆƐ NU 5:33 ပူးပေါင်းရင်းမြစ်များ

MATIU 1:19

Chosɛfi‑a bu koe chɛ ɔ sɔn kɛn, a na‑a a yii na chii wan, a ni a boo bɔ a ma koe ɔ yɛdɛn. Koe min na mu, mɔ tandenɛ ni a a, a nii ma to ni a ni baa bɔ Mɛi ma fanka ɔ.

MATIU 10:21

“Mɔɛ n mbe an suun ma nyɔɛ n be‑a wan, an fa koe a. Fa n mbe an 'na denɛ n be‑a wan, denɛ n bɛɛ ni yɛ, an ni an woo mɔɛ n be.

MATIU 10:25

An mbe kan chɛ mɔɛ bia buɛ min dɔ, an mbe a 'a kan denɛ wɛɛ bia ka wan. Bɔi denɛ wɛɛ, an mbe a ti bia buɛ min dɔ, an mbe a wɛɛ bia ka wan. An‑na suun ya ɔ sɔɛ chee ka buɛ min dɔ, an dɔ, Bɛɛsɛbu, an mbe sika a to nyɔn chee koe a tɔ dɔ mende a suun chɛ ɔ?

MATIU 24:9

“Mɔɛ nu dunya gbɛɛ ɔ, an mbe too‑a wan wo a, a mu min na, n fɛ mɔɛ mu wo a. An mbe wo bia‑a wan, mbɛ an‑na ko ma gbaaenɛ sa wo ma, mbɛ an‑na wo fa.

DUKU 20:19

A tima chɛ a, Chu n 'na sawa kan mɔɛ chɛ nu, an bɛ Chu n tɛ ɔ mɔɛ n na Yataa a, an 'na mansa n na, an na‑a a ɔ sɔn fan, mbɛ Chisɔsi ni tai chɛ tɛ tena a si an fan ma. Chɛ‑a a ma wan, an toen ni, an ni a bia nɔ a gba chɛ ɔ. Chɛɛ an chian‑da wan mɔɛ n ma.

DUKU 6:11

Mbɛ sawa kan mɔɛ chɛ n faa tɛ‑a a ɔ benden ba a, an bɛ Fayisii chɛ n na. Mbɛ an bun‑da a tɛnsɛ‑a an nyɔn tɛ ɔ, ni an mbe fen ma Chisɔsi a.

CHƆN 15:20

N da a bai chɛ ni to wo yii ma, n na‑a min fɔ wo ye, mbɛ bɔi den mbe ee nɔ, min benden mu a kan mɔ ma. Ni an‑na a ma wan n tɔɔ‑a, wo wɛɛ, an mbe a ma‑a ka wan wo ni tɔɔ. Chɛɛ ni an dɔ nu, an na‑a an too ma sɔ wan n da a kuiɛ ma, mbɛ an mbe an too ma sɔ‑a wan wo ta wɛɛ ma.

CHƆN 16:2

An mbe wo gbain‑da wan fɛsɛ fɛsɛ, a bɔ an 'na samun chɛ chenɛ a. A sin gbu, tima ɛ che‑a wan, mɔ ɔ mɔ min mbe wo dɔndɔ wɛɛ fa‑a, ɛ ma‑a wan a yii ma, mbɛ a‑a Yataa faa ma koe an ma ka.

CHISƆSI 'A SƆ MƆƐ NU 2:37

Mɔɛ chɛ n‑na bai chɛ a min kɛn, an faa mɔnɛ‑a wan. An sin‑na a fɔ wan Pita ye, an bɛ a bɔɛ sɔ mɔɛ n na, an dɔ, “Nn 'na mɔɛ nu, nn mbe fen ma gbɛ?”

CHISƆSI 'A SƆ MƆƐ NU 22:22

Mɔɛ chɛ nu, an‑na an too ma sɔ wan Pɔɔ ma, aan a che‑a bai chɛ kaina chɛ ma. Mbɛ an‑na yee tɛ, an dɔ, “Wo mɔ bonda chɛ ka dunya ɔ ka! Koe min na mu, a ma nyin, a ni ma fɔɛ chɛ ɔ!”

CHISƆSI 'A SƆ MƆƐ NU 7:54

An‑na bai chɛ a min kɛn, an faa tɛ‑a wan gbeden Sitibin da a bai chɛ ma. Mbɛ an bun‑da an nyinɛ a daun‑da mɔnɛ ɔ, a si a ma.

CHISƆSI 'A SƆ MƆƐ NU 9:23

Tee sɛsɛ bendenɛ gbakɔ, Chu mɔɛ n bɛn‑da wan kaina dɔndɔ, mbɛ an‑na a ɔ bɛn Sɔɔ fa koe a,