CHISƆSI 'A SƆ MƆƐ NU 5:31 - Yataa 'a Dɔbɛnɛ Nama

³¹ Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.

CHISƆSI 'A SƆ MƆƐ NU 5:31 ပူးပေါင်းရင်းမြစ်များ

MATIU 1:21

Ɛ den kainɛ suun‑da wan. A sin, ni a‑a a suun, a tɔɛ si, i ɔ, Chisɔsi. Koe min na mu, ɛ a 'a mɔɛ n bɔ‑a wan an 'na ko yama n dɔ.”

MATIU 28:18

Mbɛ Chisɔsi gbɛn‑da an ma, mbɛ a ɔ, “Fa min mbe banda bu ɔ, a‑a gbasaya gbɛɛ be n ma, fen fen kan kɔ kan kun ma, banda bu ɔ a basan dunya chɛ ma a.

MAKI 2:10

N mbe a ɔ yian‑da wan wo a gbɛ sanche, mbɛ n fan, Mɔ gbu 'a Denɛ, gbasaya ɛ wan n boo ɔ, dunya chɛ ɔ, n boo bɔ koe a mɔɛ n 'na ko yama n dɔ.” Mbɛ a koɔ‑a ka wan namaa chɛ tena,

MAKI 4:12

Chɛ ɛ a ma‑a wan, yɔ a nyɛnden mu buɛ min dɔ Yataa 'a gboo ɔ, mbɛ ‘an ya a kaenɛ ɛ ma‑a wan, an ni kaina fɛn, chɛɛ an mbe ee ko ɔ ko ɔ yen‑da. Mbɛ an mbe an too ma sɔ‑a wan, chɛɛ an mbe ee ko ɔ ko ɔ gbɛ‑a. Ni chɛ ma, kɔkɔɛ an mbe na‑a an ya a mun‑da wan Yataa ma, mbɛ a‑a a boo bɔ an 'na ko yama n dɔ.’ ”

DUKU 2:11

Den toa suun‑da Mansa Defidi 'a duu ɔ bi tee chɛ a. An den toa chɛ, an mbe wo baun‑da. An mu kunka mansa a, tea Mansa.

DUKU 24:47

Yataa 'a gboo‑a a fɔ wan to, mbɛ a 'a sakana bai chɛ ɛ che‑a wan mɔɛ n ma dunya chɛ gbɛɛ ɔ n tɔɛ ɔ. Mbɛ mɔɛ n ni an kan kɔ sɔ an 'na ko yama n na, min mbe a ma, Yataa ni a boo bɔ an 'na ko yama n dɔ. A ɔ, an ni sakana bai chɛ ɔ yian Chuusaɛn duu pɛn dɔ.

CHƆN 4:42

Mbɛ an dɔ musu chɛ ma, an dɔ, “I da a bai dechee an mbe ee a ma tena to, nn mbe nn kai fa tena a a. Chɛɛ koe min na mu, nn fandi gbu, nn‑na a da a bai a min. A sin, nn‑na a ɔ sɔn gbɛ, mbɛ a wan gbu mu dunya chɛ baun mɔɛ a.”

CHISƆSI 'A SƆ MƆƐ NU 11:18

An‑na bai chɛ a min kɛn, an sɛmbɛ‑a wan a ma nyin koe a. Mbɛ an‑na Yataa tando, an dɔ te, “Mbɛ Yataa deman‑da mɔɛ chɛ n bɛɛ ma, miin ma Chu mɔ a. A‑a chia sa wan an bɛɛ ye, an ni an kan kɔ sɔ an 'na ko yama a, mbɛ an‑na kuɔ fɔ fɔɛ ma sɔn.”

CHISƆSI 'A SƆ MƆƐ NU 13:23

Defidi chɛ, a 'a dambi ɔ mu, Yataa‑a a ma, mmɔ‑a baun mɔɛ ma sɔn, min mu Chisɔsi a. A‑a Isɔɛɛ mɔɛ n too ɔ dia an na.

CHISƆSI 'A SƆ MƆƐ NU 2:33

Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena.

CHISƆSI 'A SƆ MƆƐ NU 2:36

Mbɛ Pita a ɔ te gbɛ, “Chɛ an‑na a fɔ, wo gbɛɛ, wo wɛn mbe ka Isɔɛɛ chɛnyɛ chɛ ɔ, wo ni chɛ ɔ sɔn. Mbɛ tea gbu ko a, Chisɔsi chɛ, wo‑a min gbangban ka kɔn gbengbandenɛ ma, Yataa wandi‑a an ma ka kunka mansa a, wo baun mɔɛ.”

CHISƆSI 'A SƆ MƆƐ NU 2:38

Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ.

CHISƆSI 'A SƆ MƆƐ NU 3:15

A sin, wo‑a Chisɔsi fa wan, gbasaya ɛ min boo ɔ, kuɔ fɔ fɔɛ be koe a. Chɛɛ Yataa‑a Chisɔsi gbu kɔɔ sɔ wan, a ka saya ɔ. Nn sin mbe siiya bɔ tena wan chɛ ma.

CHISƆSI 'A SƆ MƆƐ NU 3:19

Chɛ an fɛ mu, wo wo kan kɔ sɔ wo 'a ko yama n na, mbɛ wo‑a wo ya a mun Yataa ma, min mbe a ma, a ni a boo bɔ wo 'a ko yama n dɔ.

CHISƆSI 'A SƆ MƆƐ NU 3:26

Yataa‑a a 'a wai chɛ mɔɛ Chisɔsi a na kɛn, a‑a a sɔ wo pɛn pɛn tena, wo wan Isɔɛɛ mɔɛ nu. Yataa‑a chɛ ma, min mbe a ma, a ni wo dua, wo ni wo kan kɔ sɔ wo 'a faamagbaa koe n na.”

CHISƆSI 'A SƆ MƆƐ NU 4:11

Chisɔsi chɛ mu, Yataa 'a gboo‑a bai sa a si min ma, a ɔ, ‘Wo wan chen sɔ mɔɛ n na‑a ban senɛ min dɔ, wo ɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a.’

GBOO FEAN BƆƐ KƆYINDI KO A 2:10

Mɔ ɔ mɔ, wo e min to‑a nɔ, a 'a ko yama ko a, n bɛɛ n mbe a to‑a wan nɔ. N‑na ko ɔ ko min to nɔ, ni tataya koe gbu ma wɛɛ, n mbe a ma‑a wan wo ko a, Chasi chen kɔɔ.

Gboo Ɛfisɔsi Ko A 1:7

Mmɔ mu mɔ dɔndɔɛ a, mmɔ bɛ Chasi chɛ an na. A na‑a mmɔ kun ka wan, a wii chɛ a min bɔ‑a, a fa tima a. Yataa‑a a boo bɔ wan mmɔ 'a ko yama n dɔ. Yataa 'a koadia demanɛ da a ko gba.

Gboo Fiipai Ko A 3:20

Chɛɛ mmɔ tana, mmɔ waa chɛndɛ chɛndɛ mu banda bu ɔ an na. A sin, mmɔ kun ka mɔɛ chɛ, Mansa Chisɔsi Chasi, mmɔ ɛ min ma kɔn tena, ɛ ka tena nɔ wan.

Gboo Kɔdɔsai Ko A 1:14

Mmɔ‑a kunka ma sɔn, mmɔ bɔ‑a mmɔ 'a ko yama n dɔ, koe min na mu, a 'a den chɛ, mɔ dɔndɔɛ mu gbɛ mmɔ a.

TAITƆSI 2:10

An gbu sin ma kanka chɛ ɛnden bɛɛ a. Chɛɛ an ni an 'na danaya gbɛɛ yian. Chɛ ɛ a ɔ yian‑da wan chia ɔ chia a, mbɛ mmɔ baun mɔɛ Yataa 'a kanɛ nyin.

TAITƆSI 2:13

Mmɔ ya ɛ ta‑a ma‑a tee duaen chɛ ya ɔ, mmɔ 'a Yataa wa Chisɔsi Chasi, mmɔ kun ka mɔɛ, ɛ na‑a manɛ ɔ tee min ma.

GBOO IBU MƆƐ N KO A 12:2

Mmɔ ni mmɔ yii sɔ Chisɔsi ma, tima ɔ tima ko a. A wan mbe a ma, mmɔ ɛ mmɔ kai fa Yataa a, a ka fɔɛ kuu sɔ tena ma, a ta a danka a. An‑na a gbangban tima min bɛɛ a kɔn gbengbandenɛ ma, a nii ma a boo bɔ ni mmɔ wakoe ɔ. Koe min na mu, a na‑a a ɔ sɔn fan, mbɛ chia dɔndɔɛ a, buɔdia wa an mbe a ya ɔ. A nii ma a ya ni mauma ko kan kɔ kan na, fa koe a kɔn gbengbandenɛ ma. A sin mbe sanche gbɛ si ɔ wan, basɔmaya ɔ Yataa 'a mansaya sea boo nyima ɔ.

GBOO IBU MƆƐ N KO A 2:10

Yataa an na‑a fen kɔ fen na dan, a sin fan mbe fɔɛ be fen kɔ fen ma. A na‑a a ma wan, mɔ sɛsɛ ma‑a a 'a denɛ n na, mbɛ an don‑da a waa banda bu ɔ. A ni chɛ ma tena tima min na, a na‑a a yii na chii wan, mbɛ a nyin Chisɔsi ni ma mɔɛ n baun mɔɛ chɛndɛ a. Chɛ ni bɔ tɔɔya chɛ ɔ, a wan Chisɔsi ni na tena min dɔ bia‑a. A wan mbe chia a ka‑a, mɔ gbu n gbɛɛ ni bauncha ma sɔn.

1 PITA 3:22

A wan Chisɔsi Chasi chɛ sɛ‑a banda bu ɔ, ɛ kaina min si ɔ Yataa boo nyima ɔ. Ɛ nɔ mansaya ɔ maeka n gbɛɛ kun ma, ni fen fen min gbasa, a sin mbe gbasaya ɔ banda bu ɔ.

2 PITA 1:1

N fan, Saimɔn Pita, n fan mbe gboo chɛ nyɛn tena wo tena. Chisɔsi Chasi 'a wai chɛ mɔɛ mu n na, a 'a sɔ mɔɛ mu to n na. N mbe gboo chɛ nyɛn tena wo wan tena, wo wɛn danden mu Chasi a, yɔ nn mbe buɛ min dɔ. Mmɔ 'a Yataa mu an na, ni mmɔ baun mɔɛ, min‑na mmɔ ya mɔ tandenɛ a Yataa tena.

2 PITA 1:11

Chia chɛ sin na mu, wo e tea da faenɛ ma sɔn‑da ben koe a, a ta dɔndɔ gbe mmɔ 'a mansa, ni mmɔ baun mɔɛ Chisɔsi Chasi, ɛ kaina min mansaya ɔ kuɔ fɔ ko a. Yataa ɛ a boo si‑a wan wo kɔɔ.

2 PITA 2:20

Mɔɛ n‑na a ɔ sɔn, mbɛ mmɔ baun mɔɛ, mmɔ 'a mansa Chisɔsi Chasi an mbe mmɔ baun. Chɛ‑a a ma, an kun bɔ‑a an 'na ko yama n dɔ, dunya chɛ ɔ. Chɛɛ an ma yɛ to an 'na ko yama kun ma, a ni kun an ma dɔgbɔ. Ni chɛ ma‑a, ɛ yaua‑a wan an mɔ bonda chɛ n ko a tee dankama tee ma, a ni ben a kuu sɔ tena ma.

2 PITA 3:18

Chɛɛ koadia demanɛ, a kun ma ni sa wo tena. A yɛ to, yiima min mbe wo ɔ, a si mmɔ 'a mansa Chisɔsi Chasi ma, mmɔ baun mɔɛ, a kun ma ni sa. Tando ni ma a tɔɛ ma sanche, ni kuɔ fɔ ko a. A ni ma ka.

1 CHƆN 4:14

A yɛ to, Fa Yataa‑a a 'a denɛ a na wan, min mbe a ma, a ni dunya kun ka. Nn‑na chɛ ɔ yen fan nn ya a, a sin, nn mbe koe ɔ yian fan, a si a ma.

KO Ɔ NUNDENƐ 1:5

A ka to Chisɔsi Chasi wɛɛ tena, tea bai sa mɔɛ, a wɛn pɛn‑na a kɔɔ sɔ saya ɔ, a sin‑na gbasaya benden mu mansa kan kɔ kan ma dunya ma, an mbe an kɔɔ. Chisɔsi toen mu mmɔ a, a sin‑na mmɔ kun ka wan, mmɔ 'a ko yama n dɔ, a wii a.