CHISƆSI 'A SƆ MƆƐ NU 5:21 - Yataa 'a Dɔbɛnɛ Nama

²¹ Chisɔsi 'a sɔ mɔɛ chɛ n bɛɛ ma maeka chɛ da a kuiɛ yɔn ni. Mbɛ sau sau ma, an don‑da wan Yataa 'a kata chɛ ɔ, mbɛ an‑na a kuu sɔ mɔɛ n kan‑da. Mbɛ Chu n tɛ mɔ wa Yataa a, an bɛ a bɔɛ n na, an‑na Chu kuti wa si kaina dɔndɔ, min mbe a ma, an ni bɛn ba bia. Mbɛ an bɛn‑da kɛn, an‑na mɔɛ a ta wan pimbi chen chɛ a, min mbe a ma, an ni na Chisɔsi 'a sɔ mɔɛ chɛ n na an chen kɔɔ.

CHISƆSI 'A SƆ MƆƐ NU 5:21 ပူးပေါင်းရင်းမြစ်များ

MATIU 5:22

Chɛɛ n mbe sanche gbɛ a fɔ tena wo ye, mbɛ ni mɔ ɔ mɔ faa tɛ‑a a ɔ benden ba a a, a suun ma nyɔɛ ma, an mɔɛ chɛ ɛ gbɛmbo‑a wan. Mɔ ɔ mɔ min mbe bai yama sa‑a a suun ma nyɔɛ ma, an mɔɛ chɛ ta gbɛmbo kɔ ɛ gbɛ‑a wan, Chu kuti wa ɔ. A sin, mɔ ɔ mɔ min mbe a fɔ‑a a suun ma nyɔɛ ma, a ɔ, ‘Yataa sɔn bai mu a a,’ a mɔɛ chɛ nɛnɛ ɛ ta‑a ta an dɔ, ni a fa‑a.

DUKU 22:66

Banda ɔ ka‑a kɛn, mbɛ Chu gbakoo n bɛn‑da kaina dɔndɔ. Chu n tɛ mɔɛ nu Yataa a, an 'na mansa n bɛɛ ni wan an bɛn chɛ ɔ, a basan Chu n 'na sawa kan mɔɛ n na. Mbɛ an gbɛɛ‑a a ma, an na‑a Chisɔsi a an chen kɔɔ.

CHƆN 18:35

Mbɛ Kɔfana Padeti wɛɛ ɔ, “Chɛɛ a ma ma i yii ma, mbɛ Chu mɔɛ mu n na, i ɔ tisa koe a n kun ma a a. I wandi 'a mɔɛ n gbu, a basan Chu n tɛ mɔɛ nu Yataa a, an 'na mansa n na, an fan na‑a i a n chen kɔɔ. I‑a fen gbu ma?”

CHƆN 8:2

Banda ka dɔndɔɛ ma, sayi ma, mbɛ a yɛ‑a to Yataa 'a kata chɛ ɔ. Mbɛ mɔɛ n gbɛɛ na‑a a 'a tindanɛ. A sin, a si‑a wan, mbɛ a bun‑da an kan‑da.

CHISƆSI 'A SƆ MƆƐ NU 22:15

Koe min na mu, a toen mu i ni ma siiya a a ko a, mɔɛ gbɛɛ tena dunya ɔ, a si koe chɛ ma, i‑a min dɔ yen, a basan chɛ a, i‑a min na min.

CHISƆSI 'A SƆ MƆƐ NU 22:5

Chu n tɛ mɔ wa Yataa a, ni Chu kuti wa ɔ mɔɛ n gbɛɛ, an mbe kun fan an ni siiya bɔ chɛ ma. N‑na gboo nyɛndenɛ ma sɔn, a ka an fan na, ta koe a mmɔ suun ma nyɔɛ n tena, Damasikɔsi duu ɔ. A sin, n ni ta tena nɔ, chɛ n bɛɛ bia koe an na, n ni na an na, an chiienɛ ɛ, Chuusaɛn duu ɔ, an tɔɔya koe a.

CHISƆSI 'A SƆ MƆƐ NU 5:17

Mbɛ Chu n tɛ mɔ wa Yataa a, ni miin gbɛɛ ni a fɛ, miin ni Sadusii mɔɛ n na, an gbɛɛ too‑a wan yama yama Chisɔsi 'a sɔ mɔɛ chɛ n na. An gbɛɛ faa bɔ‑a wan.

CHISƆSI 'A SƆ MƆƐ NU 5:27

An na‑a wan Chisɔsi 'a sɔ mɔɛ chɛ n na. An na‑a kɛn an na, an ta‑a wan an na, Chu kuti wa chɛ bɛnden ni ka chenɛ min na. An toen ni, Chu n 'na tɛ mɔ wa Yataa tena, a ni an dɔ tisa.

CHISƆSI 'A SƆ MƆƐ NU 5:34

Chɛɛ kamin dɔndɔ ni wan nɔ, min tɔ ni Kamadiɛɛ. Fayisii mɔɛ ni, a sin, Chu n 'na sawa kan mɔɛ ni to a a. A sin to, mɔɛ n ni baa be wan a ma. An kamin chɛ‑a a kɔɔ sɔ wan, a sɔ‑a. Mbɛ a‑a a ma, an bɔ‑a Chisɔsi 'a sɔ mɔɛ chɛ n na baa ma, tima ɛnden ko a.

CHISƆSI 'A SƆ MƆƐ NU 5:41

Chɛɛ an bu ɔ ni di wan, an mbe kɛn ka‑a Chu kuti wa chɛ ɔ. Koe min na mu, an‑na a ɔ sɔn fan, mbɛ Yataa‑a an ya mɔ chɛndɛ n na, mauma koe ɔ bia koe a Chisɔsi ko a.