CHISƆSI 'A SƆ MƆƐ NU 5:20 - Yataa 'a Dɔbɛnɛ Nama

²⁰ “Wo ta Yataa 'a kata ɔ, mbɛ wo‑a bai sa mɔɛ n tena, a si fɔɛ nama chɛ ma.”

CHISƆSI 'A SƆ MƆƐ NU 5:20 ပူးပေါင်းရင်းမြစ်များ

MATIU 10:27

N‑na bai min tɛnsɛ ka wo tena mmɔ dechee a, wo an dɔ yian baa kun tɛ. N‑na wo too wɛwɛɛ bai miin na ka, wo an fɔ dunya ye, wo kuiɛ ma sɛenɛ a.

MATIU 21:23

Mbɛ Chisɔsi yɛ‑a to Yataa 'a kata chɛ ɔ. A yɛ‑a kɛn, a‑a a kuu sɔ wan mɔɛ n kan‑da, miin ni ka nɔ. Ɛ an kan tena chɛ wan, mbɛ Chu n tɛ mɔɛ nu Yataa a, an 'na mansa dɔ nu, an bɛ Chu gbakoo n na, an na‑a a tena, an dɔ, “E koe miin ma ka, gbasaya minan mbe i boo ɔ, an ma koe a? An gbasaya chɛ sin, nyɔn‑na a be i ma?”

CHƆN 12:50

A sin, n‑na a ɔ sɔn fan, mbɛ ɛ min sin fɔ n ye, an mbe a ma mɔɛ n ni kuɔ fɔ fɔɛ ma sɔn. Chɛ an fɛ mu, n mbe min fɔ, an nɛ dechee Fa‑a min fɔ n ye, a fɔ koe a.”

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

CHƆN 17:8

I 'a sakana chɛ, i‑a min be n ma an ko a, n‑na a a ben fan an tena. A sin, an‑na an too ma sɔ wan a ma. Mbɛ an‑na an boo a chii a ma, mbɛ tea mu, mbɛ n ka‑a i tena wan. A sin, an danden fan mu to a a, mbɛ i wan‑na n sɔ.

CHƆN 18:20

Chɛɛ Chisɔsi ɔ, “N ma bai ɔ bai sa nin bɛ doee ɔ. Tima ɔ tima ko a, mɔɛ miin ni an too ma sɔ n ma, n ni koɔ wan an tena fanka ɔ den. Kanɛ gbɛɛ n ni min chɛ, n ni a chɛ wo 'a samun chɛ chenɛ n na wan, a basan Yataa 'a kata ɔ a, mɔɛ n gbɛɛ bɛn tena nu.

CHƆN 6:63

Yataa Nyina, an mbe fɔɛ be, chɛɛ mɔ gbu ta gbasaya ma fen kɔ fen na ɛnden bɛɛ a. N‑na bai miin fɔ ka wo ye, an fan mbe na Yataa Nyina a, min mbe fɔɛ be.

CHƆN 6:68

Mbɛ Saimɔn Pita ɔ, “Mansa, nn mbe ta‑a gbɛ nyɔn tena? A yen ko, i da a bai, an mbe a ma kɛn, mɔ gbu ni kuɔ fɔ fɔɛ ma sɔn.

CHISƆSI 'A SƆ MƆƐ NU 11:14

Ɛ sakana bai fɔ‑a wan i ye, min mbe na‑a bauncha a i tena, wo bɛ i 'a chen 'na mɔɛ n gbɛɛ a.’

CHISƆSI 'A SƆ MƆƐ NU 13:26

“N suun ma nyɔɛ nu, wo wɛn mu Ebeami cheeya n na, ni wo wɛɛ, wo wɛn ma Chu mɔ a, chɛɛ wo wɛn mbe kooya be Yataa ma, wo chɛ a min. Sakana bai chɛ, min mbe na bauncha a, a naen mu mmɔ gbɛɛ an ko a.