CHISƆSI 'A SƆ MƆƐ NU 5:16 - Yataa 'a Dɔbɛnɛ Nama

¹⁶ Mbɛ mɔ fanka fanka n na‑a wan, a ka duu chɛ n dɔ Chuusaɛn a tindanɛ. An ni kɛn na tena, an na‑a wan mɔɛ n na an boo a, miin gbandien ni, a yɛ to, ni nyina yama n ni miin fɛ. Chisɔsi 'a sɔ mɔɛ chɛ n‑na a ma wan, an gbɛɛ baun‑da.

CHISƆSI 'A SƆ MƆƐ NU 5:16 ပူးပေါင်းရင်းမြစ်များ

MATIU 2:16

Mbɛ Mansa Ɛdɔdi faa gbandia‑a, a‑a a ɔ yen kɛn, mbɛ yiimatɛ tɔɛ chɛ n‑na yaa an na tachɛ a a. Mbɛ a‑a mɔɛ n sɔ, Bɛtɛɛn duu ɔ, a basan a tanda chɛ gbɛɛ ɔ a, denɛ n fa koe a. Den kaima kan kɔ kan, a ka a den toaya ɔ, a ta san fea ɔ, an mbe a fa wan. A‑a a ma, yɔ yiimatɛ tɔɛ chɛ n na‑a tima min nyɔn sima yian a a.

MATIU 4:24

A ma tɔɛ ta‑a wan Siyia chɛnyɛ gbɛɛ ɔ, min‑na a ma, mɔɛ na‑a a tena mɔɛ n na, gbandi sɛsɛ ni miin ma. An na‑a chɛ n na kɔsɔɛ ni miin gboo ɔ, gbɔgbɔi ni miin na be‑a, nyina yama ni miin fɛ, a basan namaa an na. Gbandi mɔ kan kɔ kan dechee, an na‑a wan an na a tena, a sin‑na an gbɛɛ a baun fan.

MATIU 8:16

A tee bea chɛ ma, an na‑a wan mɔ sɛsɛ a Chisɔsi tena, nyina yama ni miin fɛ. Chisɔsi da a bai‑a a ma wan, nyina yama chɛ n ka‑a mɔɛ chɛ n fɛ. A yɛ to, a‑a mɔɛ tɔɛ chɛ n na baun fan, miin gbandienɛ ni.

DUKU 5:17

Tee dɔndɔ a, Chisɔsi ni kɛn kan chɛ tena, mɔɛ dɔ n ni wan nɔ si ɔ, miin ni Chu n 'na sawa kan mɔɛ n na, a basan Chu mɔɛ n na, miin ni Fayisii n na. An ka‑a wan Chuusaɛn duu ɔ, a basan Chudia chɛnyɛ gbɛɛ ɔ a. An ka‑a wan duu kan kɔ kan dɔ Kadidi chɛnyɛ wɛɛ ɔ. A tee chɛ a, Chisɔsi ni wan mɔɛ n baun‑da an 'na gbandi n dɔ, Mansa Yataa 'a gbasaya ɔ.

DUKU 6:18

An na‑a na, min mbe a ma, an ni Chisɔsi da a kuiɛ a min. An toen ni to, a ni an baun an 'na gbandi n dɔ. Nyina yama ni miin fɛ, an bɛɛ na‑a na wan, mbɛ Chisɔsi‑a an baun.

DUKU 9:11

Chɛɛ mɔɛ n‑na a ta koe kɔɔ sɔn, mbɛ mɔ fanka‑a a san, mbɛ an‑na an tan. Chisɔsi bu ɔ dia‑a wan an yen koe a. A koɔ‑a wan an tena a si Yataa 'a mansaya ma, mbɛ mɔɛ miin gbandien ni an tɛ ɔ, a‑a an baun.

CHƆN 14:12

N ni chɛ ma din wo tena, mbɛ mɔɛ miin mbe an kai fa‑a n na, an mɔɛ chɛ nu, an mbe wai bonda chɛ n chɛ‑a wan, n mbe miin chɛ. A sin gbu, an mɔɛ chɛ nu, an chɛ chɛ wai n mbe koa‑a wan. Koe min na mu, n mbe yɛ tena Fa tena, nn ni ma kaina dɔndɔɛ ɛ.

CHISƆSI 'A SƆ MƆƐ NU 4:30

A ma mɔɛ n ni i 'a gbasaya ɔ yen, i 'a baun chɛ ɔ. Gbasaya be nn ma, nn ni kun a ma‑a, kamaya ko wa n ni ma, i 'a wai chɛ mɔɛ Chisɔsi tɔɛ ɔ, min mbe tenchen i ko a.”

CHISƆSI 'A SƆ MƆƐ NU 5:15

Chisɔsi 'a sɔ mɔɛ chɛ n ni kamaya koe sɛsɛ ma tena wan an tɛ ɔ. Chɛ‑a a ma wan, mɔ sɛsɛ n‑na an suun ma nyɔɛ n ya, miin gbandien ni, an na‑a an tena. An‑na gbandi mɔɛ chɛ dɔ n sa sofa ma wan, an‑na dɔ n sa waa ma chia tɔnfɛ. An‑na chɛ ma, min mbe a ma, ni Pita ma‑a ben‑da, a nininɛ wɛɛ ni che gbandi mɔɛ chɛ dɔ n ma.

CHISƆSI 'A SƆ MƆƐ NU 5:17

Mbɛ Chu n tɛ mɔ wa Yataa a, ni miin gbɛɛ ni a fɛ, miin ni Sadusii mɔɛ n na, an gbɛɛ too‑a wan yama yama Chisɔsi 'a sɔ mɔɛ chɛ n na. An gbɛɛ faa bɔ‑a wan.

GBOO SAA KƆYINDI KO A 12:9

Nyina chɛ an mbe a ma to, mɔɛ dɔndɔɛ wɛɛ, ɛ a kai fa Chisɔsi a gban. Mbɛ mɔɛ dɔndɔɛ wɛɛ, a‑a gbasaya be a ma, mɔɛ n baun koe a gbandi n dɔ.

CHIMISI 5:16

Chɛ ko a, wo wo 'a ko yama n kɔɔ yian wo nyɔn na. Mbɛ wo‑a samunɛ chɛ wo nyɔn ko a. Chɛ ɛ na‑a wan bauncha a wo tena, wo 'a gbandi n dɔ. Mɔɛ min tanden mu Yataa tena, ɛ samunɛ min chɛ, a faa gbɛɛ a, gbasaya koo min mbe bɔ a ɔ.