CHISƆSI 'A SƆ MƆƐ NU 5:12 - Yataa 'a Dɔbɛnɛ Nama

¹² Chisɔsi 'a sɔ mɔɛ chɛ n ni kamaya ko sɛsɛ ma wan mɔɛ chɛ n tɛ ɔ, min ni an da a fa gban. Mɔɛ chɛ n gbɛɛ, miin‑na an kai fa ka Chisɔsi a, an ni bɛn fan suun ma nyɔncha ɔ kaina dɔndɔ Yataa 'a kata ɔ, an ni min chee, an dɔ, Mansa Sɔɔmon 'na Pɛsa.

CHISƆSI 'A SƆ MƆƐ NU 5:12 ပူးပေါင်းရင်းမြစ်များ

MAKI 16:20

Mbɛ a fɛ denɛ n ta‑a kan kɔ kan, an mbe ben‑da sakana bai chɛndɛ chɛ ɔ yian‑da mɔɛ n na. Mansa Chisɔsi sin basan‑da wan an ma, an 'na wai gbɛɛ ɔ. A sin, a‑a a ɔ yian tɔmɔsi n dɔ, miin ni yen an 'na sakana bai gbaa chia a, mbɛ an mbe tea chia an na.]

CHƆN 10:23

A tee chɛ ma, Chisɔsi ni wan Yataa 'a kata ɔ, ɛ sɛ ɛ yii an kaina chɛ, an ni min chee, an dɔ, Mansa Sɔɔmon 'na Pɛsa.

CHƆN 4:48

Mbɛ Chisɔsi ɔ a ma, a ɔ, “Wo wan, ni wo ma kamaya koe n dɔ yen ni ma‑a, wo dɔndɔ wɛɛ ee wo kai fa n na.”

CHISƆSI 'A SƆ MƆƐ NU 1:14

An gbɛɛ ni wan kuiɛ dɔndɔya ɔ, samunɛ chɛ koe a tima ɔ tima ko a. An bɛ an ni ma musu chɛ n na, miin na‑a ta Chisɔsi san‑da. Chisɔsi de Mɛi wɛɛ, a ni ma wan nɔ, ni Chisɔsi suun ma nyɔɛ kaima nu.

CHISƆSI 'A SƆ MƆƐ NU 14:3

Pɔɔ an fea Banabasi a, an ni wan nɔ an duu chɛ ɔ, tima ɔ yansama ko a. An ni bai sa wan faagbɛa a, a si Mansa Chisɔsi ma. Mansa Chisɔsi sin gbu‑a a ɔ yian fan, mbɛ sakana bai chɛ, an mbe min sa, a si a 'a koadia demanɛ ma, tea bai nu mu. Chisɔsi ni a ma wan, sɔ mɔɛ chɛ n ni kamaya ko wa sɛsɛ n ma, an kun ma a a.

CHISƆSI 'A SƆ MƆƐ NU 16:18

A sin‑na chɛ ma wan tee sɛsɛ ko a, min‑na a ma, Pɔɔ faa tɛ‑a. Mbɛ a‑a a ya a mun an yɔnɛ chɛ ma, a‑a a fɔ nyina yama chɛ ma, a ɔ, “Chisɔsi Chasi tɔɛ ɔ, n mbe a fɔ tena i ye, mbɛ i ni ka den musuen chɛ fɛ.” A ya kɔɔɛ a, nyina yama chɛ ka‑a wan den den chɛ fɛ.

CHISƆSI 'A SƆ MƆƐ NU 19:11

Yataa‑a gbasaya be wan Pɔɔ ma, kamaya ko wa n ma koe a.

CHISƆSI 'A SƆ MƆƐ NU 2:46

Tee ɔ tee a, an ni bɛn fan kaina dɔndɔ Yataa 'a kata ɔ. An sin ni daunɛ chɛ wan an nyɔn tɛ ɔ an 'na chenɛ n na. An ni daun chɛ n chɛ faaɔgbɛ an dɔ, ni buɔdia ɔ,

CHISƆSI 'A SƆ MƆƐ NU 28:9

Chɛ sin ma‑a kɛn dechee, gbandi mɔɛ tɔɛ chɛ n gbɛɛ, an yii tin chɛ ɔ, an na‑a wan Pɔɔ tena, an sin baun‑da wan.

CHISƆSI 'A SƆ MƆƐ NU 3:11

Kamin chɛ min baun‑da ka, a boo ni wan tun Pita a, an fea Chɔn n na. Mbɛ an che‑a kaina chɛ Yataa 'a kata ɔ, an ni min chee, an dɔ, Mansa Sɔɔmon 'na Pɛsa. Mɔɛ chɛ n gbɛɛ‑a bui sa wan a a an tena, an na fiienɛ ɛ.

CHISƆSI 'A SƆ MƆƐ NU 4:30

A ma mɔɛ n ni i 'a gbasaya ɔ yen, i 'a baun chɛ ɔ. Gbasaya be nn ma, nn ni kun a ma‑a, kamaya ko wa n ni ma, i 'a wai chɛ mɔɛ Chisɔsi tɔɛ ɔ, min mbe tenchen i ko a.”

CHISƆSI 'A SƆ MƆƐ NU 9:33

An duu chɛ ɔ, kamin dɔndɔ ni wan nɔ, min tɔ ni Ainɛasi. A namaaenɛ ni. A sin, san sɛin ko a, a nii ma che ni puin‑da a sa sofa gbu a.

CHISƆSI 'A SƆ MƆƐ NU 9:40

Mbɛ Pita‑a an gbɛɛ a bɔ dumu gbu ɔ, mbɛ a‑a a kumbai gbangban, a‑a samunɛ chɛ. Mbɛ a‑a a ya a mun su chɛ ma, mbɛ a‑a a fɔ, a ɔ, “Tabita, i kɔɔ sɔ.” Mbɛ a ya kɔɔɛ a, Tabita‑a a ya a ka. A sin‑na Pita yen kɛn, a‑a a kɔɔ sɔ wan, mbɛ a si‑a.

GBOO DOMI KO A 15:19

A yɛ to, a bɔ‑a to koe n tɔmɔsi gbau gbau n dɔ, a basan kamaya koe wa n na, n‑na miin ma. A sin, Yataa Nyina‑a gbasaya be n ma koe chɛ n gbɛɛ ma koe a. A sin chia chɛ a mu, Yataa 'a sakana bai chɛndɛ chɛ a si Chasi ma, n‑na a sa wan kan kɔ kan, a ka Chuusaɛn duu ɔ, a ta Idiikɔn chɛnyɛ ɔ.

GBOO FEAN BƆƐ KƆYINDI KO A 12:12

Yataa‑a a ma wan, n‑na kamaya ko wa sɛsɛ ma, a ɔ yian koe a wo a, mbɛ Chisɔsi 'a sɔ mɔɛ mu n na. N na‑a an ma wan, faabia wa ɔ.

GBOO IBU MƆƐ N KO A 2:4

Yataa wandi wɛɛ, a na‑a a ɔ yian fan, mbɛ tea mu sakana bai chɛ a. A na‑a chɛ ma kamaya koe sɛsɛ n fan dɔ. A yɛ to, a ni a ma wan to, a Nyina ni mɔɛ n dua chia sɛsɛ n na. Ni Yataa wandi toen ni chɛ ni ma, tima ɔ tima ko a, a ni ma wan.