CHISƆSI 'A SƆ MƆƐ NU 4:34 - Yataa 'a Dɔbɛnɛ Nama

³⁴ Fen kɔ fen ma gbɔsɔ ma mɔ ɔ mɔ bia ni an tɛ ɔ. Koe min na mu, duu gboo ni an fɛn gbɛɛ boo ɔ, a basan chenɛ n na, an ni an ma tachɛ wan, mbɛ an na‑a a kɔpɔɛ chɛ a,

CHISƆSI 'A SƆ MƆƐ NU 4:34 ပူးပေါင်းရင်းမြစ်များ

MATIU 19:21

Mbɛ Chisɔsi ɔ, “Ni i ma to ni tɔmbɛ sima wɛɛ ni ma i ma Yataa tena, ta, i ni i boo fenɛ n gbɛɛ ma tachɛ. Mbɛ i‑a a kɔpɔɛ chɛ ya, i‑a a be yɔn tɔɛ n ma. Chɛ‑a a ma wan, i ni nyanɛ ma sɔn banda bu ɔ. Ni i‑a chɛ ma, mbɛ i na‑a i ma‑a n fɛ denɛ a.”

MAKI 10:21

Mbɛ Chisɔsi‑a kamin chɛ ma fɛn, a wakoe a dia‑a a ye. Mbɛ a ɔ kamin chɛ ma, a ɔ, “Ko dɔndɔ an to‑a, e min ma gbɛ. Ta, i ni i boo fenɛ gbɛɛ ma tachɛ. Mbɛ i‑a an kɔpɔɛ chɛ ya, i‑a a be yɔn tɔɛ n ma. Chɛ‑a a ma‑a wan, i ni nyanɛ ma sɔn banda bu ɔ. Ni i‑a chɛ ma, mbɛ i na‑a, i ma‑a n fɛ denɛ a.”

DUKU 12:33

Wo wo boo fenɛ n ma tachɛ kɔpɔɛ a, mbɛ wo‑a a kɔpɔɛ chɛ n be yɔn tɔɛ n ma. Ni wo‑a chɛ ma, wo e ma‑a ka nyanɛ an na sɔn‑da wo wandi ko a banda bu ɔ. Kɔpɔ sa basachi nu, miin mbe banda bu ɔ, an mbe ee taa, an sin mbe ee pumbɔ. Wo 'a nyan fen chɛ nu banda bu ɔ, an mbe ee ban kuɔ fɔ ko a. Kanka ee che an kanka‑a. Chisi sin mbe ee che an yɔn‑da.

DUKU 16:9

“Chɛ an‑na a fɔ, n ni a ma din wo tena, mbɛ wo ni wo dia nyɔɛ n yan wo 'a nyan chɛ n dɔ, wo e miin chɛ‑a nɛ dunya chɛ ɔ. Ni wo‑a chɛ ma, wo dia nyɔɛ n mbe ma‑a wan banda bu ɔ, miin mbe an boo a si‑a wo kɔɔ.

DUKU 22:35

Mbɛ Chisɔsi‑a a fɔ an ye, a ɔ, “Wo wo yii na chii tima chɛ a, tima min na n na‑a wo sɔ Yataa 'a bai ɔ yian koe a mɔɛ n na. Wo nii ma ta ni kɔpɔ a wo boo ɔ, wo ma ta ni bɔɔ a, a basan kɔɔwa fean bɔɛ wɛɛ a. Fen kɔ fen ma gbɔsɔɛ‑a wo bia wan a tima chɛ a?” Mbɛ an dɔ, “Fen kɔ fen ma gbɔsɔɛ ma nn bia ni.”

CHISƆSI 'A SƆ MƆƐ NU 2:45

An ni an boo fenɛ n ma tachɛ wan, mbɛ an‑na an kɔpɔɛ chɛ du an nyɔn ma, yɔ an ma gbɔsɔɛ ni buɛ min dɔ.

CHISƆSI 'A SƆ MƆƐ NU 4:37

A wɛɛ, a‑a a 'a duu gboo ma tachɛ wan. Mbɛ a na‑a an kɔpɔɛ chɛ a, mbɛ a‑a a konan Chisɔsi 'a sɔ mɔɛ chɛ n ma.

GBOO FEAN BƆƐ KƆYINDI KO A 8:14

Chɛ an fɛ mu, ni boo fenɛ koa‑a wo boo ɔ, a nyin wo ni chɛ n kɔ, a ee miin boo ɔ. An mbe ma demanɛ a an ko a. Chɛ an mbe a ma, an bɛɛ, ni a ma‑a an boo ɔ kaka tima min na, a ee wo sin boo ɔ, an bɛɛ, an mbe wo deman‑da wan. Chɛ an mbe a ma‑a, wo ni wai chɛ kuiɛ dɔndɔɛ ɔ.

Gboo Saa Tɛsadonika Ko A 4:12

Ni wo‑a chɛ ma, basɔmaya ɛ ma‑a wan wo ma chɛ n tena, miin mu Yataa sɔn bai n na. A sin, wo ee na‑a mɔ ɔ mɔ ya ɔ fɛn‑da fen fen ko a, wo e to‑a min na.

1 TIMOTI 6:19

Ni an‑na chɛ ma, an mbe ma‑a ka nyanɛ an kuu chɛ‑a an fandi ko a, dunya nama chɛ ɔ min mbe na tena. Chɛ ɛ a ma‑a wan, an ni fɔɛ ma sɔn, min mu tea fɔɛ a.

CHIMISI 1:27

Mmɔ ɛ basan fan chiandenɛ n ma, an bɛ fuinya n na, ni an deman koe bɔ‑a. Mmɔ sin mbe ee a ma, dunya chɛ ɔ ko yama ma ni mmɔ wɛɛ ɔ chɛ. Chɛ an mu fɔɛ chɛndɛ a, mmɔ Fa Yataa toen mu min na, ma bɔ ee min ma.