CHISƆSI 'A SƆ MƆƐ NU 4:29 - Yataa 'a Dɔbɛnɛ Nama

²⁹ Sanche gbɛ Mansa Yataa, an 'na da chianɛ n ma fɛn, mbɛ i‑a gbasaya be nn ma. Nn fɛn mu i 'a wai chɛ mɔɛ n na, i ni a ma, nn ni faagbɛa ma sɔn. I 'a sakana bai chɛndɛ chɛ, a si Chisɔsi ma, nn ni kun a ɔ yian‑da mɔɛ n na.

CHISƆSI 'A SƆ MƆƐ NU 4:29 ပူးပေါင်းရင်းမြစ်များ

CHISƆSI 'A SƆ MƆƐ NU 13:46

Chɛɛ a tima gbu a ni gbɛ, Pɔɔ, an fea Banabasi a, an‑na bai sa faagbɛa a. An dɔ, “A ni nyin, nn ni Yataa da a bai chɛ ɔ yian wo pɛn na. Chɛɛ wo‑a wo boo sɔ wan a ya ɔ, wo‑a a ɔ yian wo sɔnɛ ɔ, mbɛ a ma nyin, wo ni kuɔ fɔ fɔɛ chɛ ma sɔn. A yen ko gbɛ, nn bɛɛ, nn‑na nn ya a yɛ chɛ n ma, miin ma Chu mɔ a.

CHISƆSI 'A SƆ MƆƐ NU 14:3

Pɔɔ an fea Banabasi a, an ni wan nɔ an duu chɛ ɔ, tima ɔ yansama ko a. An ni bai sa wan faagbɛa a, a si Mansa Chisɔsi ma. Mansa Chisɔsi sin gbu‑a a ɔ yian fan, mbɛ sakana bai chɛ, an mbe min sa, a si a 'a koadia demanɛ ma, tea bai nu mu. Chisɔsi ni a ma wan, sɔ mɔɛ chɛ n ni kamaya ko wa sɛsɛ n ma, an kun ma a a.

CHISƆSI 'A SƆ MƆƐ NU 19:8

Kau sawa ko a, Pɔɔ ni ta wan Chu n 'na samun chɛ chen chɛ a, a sin ni koɔ wan nɔ faagbɛa a. A ni koe n tɛnsɛ wan, an bɛ an na, a sin ni an disa wan, a si Yataa 'a mansaya wakoe ma.

CHISƆSI 'A SƆ MƆƐ NU 26:26

Koe min na mu, Mansa Akipa‑a koe chɛ n gbɛɛ ɔ sɔn fan. A sin fan tena mu, n mbe koɔ tena ka, ko ɔ ko boo ee n na. Koe min na mu, n yiima a koen fan mu, mbɛ a chen kɔɔ mu, koe chɛ n gbɛɛ ma‑a. Koe min na mu, an nii ma chɛ ni a ɔ nun dɔ.

CHISƆSI 'A SƆ MƆƐ NU 28:31

A ni bai sa wan an tena, a si Yataa 'a mansaya ma. A yɛ to, a ni mɔɛ n kan fan, a si Mansa Chisɔsi Chasi ma. A nii chɛ ma nun dɔ, mɔ ɔ mɔ sin nii a a gban.

CHISƆSI 'A SƆ MƆƐ NU 4:13

Chu kuti wa chɛ a fii‑a wan, a ɔ yen koe a Pita an fea Chɔn na, an ni bai sa tena buɛ min dɔ yaagbɛa a. Kun ti chɛ n‑na a ɔ sɔn fan, mbɛ mɔ gbama gbama ni Pita n na, miin gbu nii ma gboo sɔn ba chɛ. A yɛ to, an‑na a ɔ sɔn fan to a tima chɛ a, mbɛ an ni wan tee Chisɔsi fɛ.

CHISƆSI 'A SƆ MƆƐ NU 4:21

Chɛ gbakɔ, Chu kuti wa chɛ, an‑na Pita n na si wan to gbau gbau, mbɛ an‑na an boo ka. Koe min na mu, mɔɛ n gbɛɛ ni wan Yataa tando‑a, koe chɛ ko a, min ma‑a ka. An fandi gbu kuti ɔ, an kuiɛ nii ma bɛn ni kaina dɔndɔɛ, a si ni an mbe an tɔɔ buɛ min dɔ.

CHISƆSI 'A SƆ MƆƐ NU 4:31

An ban‑da kɛn samunɛ chɛ‑a, an na sɔnden ni ka kaina, Yataa‑a a ma wan, nɔ ɔ samba‑a gbigbi. A sin, Yataa Nyina ni wan gbɛ an gbɛɛ fɛ gban. Mbɛ an‑na a kuu sɔ Yataa 'a sakana bai sa‑a, faagbɛa a.

CHISƆSI 'A SƆ MƆƐ NU 9:27

Chɛɛ Banabasi basan‑da wan Sɔɔ ma, a yian koe a Chisɔsi 'a sɔ mɔɛ chɛ n na. A‑a a ɔ yian fan an na, Mansa Chisɔsi bɔ‑a buɛ min dɔ Sɔɔ ya a, kɛn a ni ta tena Damasikɔsi. A yɛ to, Mansa Chisɔsi koɔ‑a buɛ min dɔ a tena. Banabasi yɛ‑a wan to, a‑a a ɔ yian, Sɔɔ na‑a Yataa bai sa buɛ min dɔ faagbɛa a, mɔɛ n tena Damasikɔsi, a si Chisɔsi ma.

CHISƆSI 'A SƆ MƆƐ NU 9:28

Chɛ ko a, an dɔn‑da wan, an bɛ ni ma Sɔɔ a. A ka gbɛ a tee chɛ gbu sin ma, a ben ben‑da Chuusaɛn gbɛɛ ɔ, ɛ ta‑a bai sa‑a, a si Mansa Chisɔsi ma, faagbɛa wandi a.

GBOO SAA KƆYINDI KO A 14:13

Chɛ an fɛ mu, mɔɛ min mbe kamaya bai n fɔ, mɔ ee miin dɔ gbɛ ka dechee, a ni samunɛ chɛ, gbasaya ni ma nɔ a a ben koe a.

GBOO FEAN BƆƐ KƆYINDI KO A 3:12

Chɛ an fɛ mu, yiinatɛ chɛ sima ɛ ka buɛ min dɔ nn dɔ, chian mbe ee nn dɔ.

Gboo Fiipai Ko A 1:14

N mbe sa ɔ pimbi chenɛ min sin na, Mansa Chisɔsi‑a a ma gbɛ, n suun ma nyɔɛ chɛ n sɛsɛ Chasi ɔ, an faa sɔ‑a gbɛ a ko a. An mbe ee chian to ɛnden bɛɛ a, a 'a sakana bai chɛ ɔ yian koe a mɔɛ n na.

Gboo Saa Tɛsadonika Ko A 2:2

Wo‑a a ɔ sɔn fan, nn‑na tɔɔya min dɔ bia Fiipai duu ɔ, nn mbe na to na‑a wo tena Tɛsadonika. An‑na nn bia buɛ min dɔ, a yama yama boo a. Chɛɛ chɛ gbɛɛ ɔ, Yataa‑a nn sɔɛ don fan a 'a sakana bai chɛndɛ ɔ yian koe a. An 'na chɛɛ ma nyɔncha ma a ma ni, nn ni sɛmbɛ ɛnden bɛɛ a.

2 TIMOTI 4:17

Chɛɛ Mansa Chisɔsi sɔ‑a wan n kɔ gban, a‑a a ma n che‑a a 'a sakana bai fɔ‑a chɛndɛ chɛ. Chɛ‑a a ma wan, mɔɛ miin ma Chu mɔ a, an gbɛɛ‑a a a min. A sin to, a‑a n kun ka wan.