N fan, Mɔ Gbu 'a Denɛ, n mbe na tena wan fa‑a, yɔ a nyɛnden mu buɛ min dɔ Yataa 'a gboo ɔ, a si n ma. Chɛɛ ɛ yaua‑a gba mɔɛ chɛ ko a, min mbe n ma tachɛ‑a. Ni a nii ma suun ni, a ni nyan‑da wan a ko a.”
N fan, Mɔ Gbu 'a Denɛ, n mbe na tena wan fa‑a, yɔ Yataa‑a a ɔ bɛn buɛ min dɔ. Chɛɛ koe chɛ miin mbe mɔɛ chɛ tan‑da, a yau gba a ko a, mɔɛ min mbe n ma tachɛ‑a.”
Chɛ e na to ma‑a, Yataa wandi gbu na‑a a ɔ bɛn fan gbae a faa gbɛɛ a, mbɛ tima ɛ che‑a wan Chisɔsi ni be wo ma. A sin, wo e a ma‑a wan, mɔɛ miin mbe ee don Yataa 'a sawa kɔɔ, an ni a gbangban kɔn gbengbandenɛ ma, a ni fa nɔ.
Nn ma min chɛ‑a mɔ dɔndɔɛ a, nn bɛ Chasi a, an fɛ mu Yataa‑a a boo sɔ nn ma gbɔɔ, min mbe a ma, nn ni ma tenchen a ko a. Koe min na mu, a toen ni chɛ an ni ma, a sin‑na chɛ an dɔ bɛn. A sin, kan kɔ kan, ɛ a ma wan, yɔ a‑a a ɔ bɛn buɛ min dɔ.
Chɛ an fɛ mu, mɔɛ chɛ nu, tooɔdia chɛen ni miin na, Yataa toen ni a ni a ɔ yian an na, mbɛ ɛ bai min fɔ, an mbe ma. A sɔnɛ chɛ ee a ɔ, bai fɔ koe a bi, mbɛ a‑a a ka a gba ɔ sinan. Chɛ an na‑a a ma, a‑a a kai, a da a bai kun ma.