CHISƆSI 'A SƆ MƆƐ NU 4:26 - Yataa 'a Dɔbɛnɛ Nama

²⁶ Mbɛ dunya ɔ mansa n‑na an fandi ma bɛn, mbɛ kun ti n na kan‑da kaina dɔndɔ, butuin chɛ koe a Mansa Yataa a, an fea kunka mansa a, a‑a a boo sɔ min ma.’

CHISƆSI 'A SƆ MƆƐ NU 4:26 ပူးပေါင်းရင်းမြစ်များ

DUKU 4:18

“Mansa Yataa Nyina ɛ n fɛ, koe min na mu, Mansa Yataa‑a a boo sɔ n ma, sakana bai chɛndɛ chɛ ɔ yian koe a yɔn tɔɛ n na. A‑a n sɔ a fɔ koe a mɔɛ n ye, miin mbe bia ɔ, mbɛ an mbe bɔ‑a wan a ɔ, mbɛ ya te tɔɛ chɛ n bɛɛ, an mbe kaina yen‑da wan to. A‑a n na na, chɛ n bɔ koe a mɔɛ chɛ n 'na gbasaya kɔɔ, miin mbe an yɔn bia chɛ tena.

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

GBOO IBU MƆƐ N KO A 1:9

I toen mu tea an na, i ma to ni sawa yɔnɛ a. Chɛ an fɛ mu, n fan Yataa, i 'a Yataa, n‑na n boo sɔ i ma, ma koe a basɔmaya ɔ, min mu buɔdia a i tena, a ben i bɔɛ n ma.”

KO Ɔ NUNDENƐ 11:15

Mbɛ maeka wɔnfean bɔɛ‑a a ta buu fɛ. Mbɛ maeka nu banda bu ɔ, n‑na an kuiɛ a min, an mbe koɔ‑a gbankon, an dɔ, “Mmɔ 'a mansa Yataa, an fea kunka mansa a, a‑a a boo sɔ min ma, gbasaya ɛ gbɛ dechee an fan boo ɔ, ma koe a mansa a dunya chɛ gbɛɛ kun ma. A sin, Yataa ɛ ma‑a wan a 'a mansaya chɛ ɔ, kuɔ fɔ ni kuɔ fɔ ko a.”

KO Ɔ NUNDENƐ 12:10

Mbɛ n‑na mɔɛ koɔ kuiɛ a min, a ka banda bu ɔ. A koɔ‑a gbankon, a ɔ, “Mmɔ 'a Yataa‑a chɛɛ fo gbɛ. Ɛ a 'a gbasaya a tachɛ wan gbɛ, a 'a mansaya dunya kun ma. Yataa 'a Chasi wɛɛ, mmɔ kun ka mansa, ɛ a 'a gbasaya yian‑da wan dunya ɔ. Nyina yama n 'na mansa chɛ ee to sɔ ɔ Yataa chen kɔɔ, a ee to nɔ, kun yama si koe a mmɔ bɔɛ n kun ma su ɔ tee. Nyina yama chɛ fesan‑da nɔ, a a dɛ‑a dunya ɔ.

KO Ɔ NUNDENƐ 17:17

Koe min na mu, Yataa an‑na a chɛ an faa ɔ, an yiima bɛn‑da kaina dɔndɔ, kuiɛ dɔndɔɛ ɔ, an ni an 'na mansaya be soe yama chɛ ma. Yataa faa ma koe ni a a, an ni ma soe yama chɛ kɔɔ, aan Yataa 'a dɔbɛnɛ gbɛɛ kunɛ a ni bia chɛndɛ chɛ.