CHISƆSI 'A SƆ MƆƐ NU 4:22 - Yataa 'a Dɔbɛnɛ Nama

²² Kamin chɛ min baun‑da ka kamaya chia chɛ a, a suun sanɛ benden fan ni gbɛ san bi naanin ma.

CHISƆSI 'A SƆ MƆƐ NU 4:22 ပူးပေါင်းရင်းမြစ်များ

MATIU 9:20

A yen ko, musu dɔndɔ ni wan nɔ. An musu chɛ, musu n 'na kau ma gbandi an ni a ma, san tan kun ma fea ko a. Chisɔsi to‑a to ta an na, mbɛ a na‑a Chisɔsi gbaa chia a, mbɛ a tu‑a Chisɔsi 'a doma kai chɛ chen kana a.

DUKU 13:11

Musu dɔndɔ ni wan nɔ, nyina yama ni min fɛ, min‑na a ma, a gbandienɛ ni san tan kun ma sɛi ko a. A ma bundenɛ ni, mbɛ a sin, a nii che a ɔ tan‑da ɛnden bɛɛ a.

CHƆN 5:5

Kamin dɔndɔ ni wan nɔ, a tima chɛ a, min gbandienɛ ni san bi sawa kun ma sɛi ko a.

CHƆN 9:1

Chisɔsi to‑a ta an na, mbɛ a‑a kaminɛ yen, min suun‑da a fiondenɛ ɛ.

CHISƆSI 'A SƆ MƆƐ NU 3:2

An che‑a kɛn nɔ kata chɛ ɔ, an ta‑a wan don koe a a da dɔndɔɛ a, an ni min chee, an dɔ, Kata Da Nyima. An kata chɛ da a, kamin dɔndɔ ni wan nɔ si ɔ. A namaaenɛ ni, a ka a suun tima ma. An ni ta wan an kamin chɛ a tee ɔ tee a kata chɛ da a, fenɛ fuin koe a mɔɛ n ma, miin ni na Yataa 'a kata chɛ ɔ, samun chɛ koe a.

CHISƆSI 'A SƆ MƆƐ NU 4:21

Chɛ gbakɔ, Chu kuti wa chɛ, an‑na Pita n na si wan to gbau gbau, mbɛ an‑na an boo ka. Koe min na mu, mɔɛ n gbɛɛ ni wan Yataa tando‑a, koe chɛ ko a, min ma‑a ka. An fandi gbu kuti ɔ, an kuiɛ nii ma bɛn ni kaina dɔndɔɛ, a si ni an mbe an tɔɔ buɛ min dɔ.

CHISƆSI 'A SƆ MƆƐ NU 4:23

An‑na an boo ka kɛn dechee Pita a, an fea Chɔn na, an yɛ‑a wan an bɔɛ n tena. An‑na a ɔ yian fan an bɔɛ chɛ n na, Chu n tɛ mɔɛ nu Yataa a, an 'na mansa nu, an bɛ Chu gbakoo n na, an na‑a bai min fɔ an fan Pita n ye.

CHISƆSI 'A SƆ MƆƐ NU 9:33

An duu chɛ ɔ, kamin dɔndɔ ni wan nɔ, min tɔ ni Ainɛasi. A namaaenɛ ni. A sin, san sɛin ko a, a nii ma che ni puin‑da a sa sofa gbu a.