Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHISƆSI 'A SƆ MƆƐ NU 4:17 - Yataa 'a Dɔbɛnɛ Nama

17 Chɛɛ min mbe a ma, an ma na a ma mɔ dɔ mende n ni a ɔ sɔn, mmɔ an na si gbau gbau. Mbɛ an ma bai kan kɔ kan sa to mɔɛ n tena, a si Chisɔsi chɛ ma.”

အခန်းကိုကြည့်ပါ။ ကော်ပီ




CHISƆSI 'A SƆ MƆƐ NU 4:17
25 ပူးပေါင်းရင်းမြစ်များ  

Chɛ an‑na a fɔ, soya n na ta a kamba chɛ ma, an ni a kun ma fɛn chɛndɛ chɛ, aan tee sawan bɔɛ ma. Chɛ ɛ a ma‑a wan, a fɛ denɛ n mbe ee na‑a che‑a an ni a su kanka. Mbɛ an yɛ‑a, an‑na fania fɔ mɔɛ n ye, mbɛ a wan Chisɔsi‑a a kɔɔ sɔ a ka saya ɔ. Fania chɛ nɛnɛ, a dankama nɛn chɛ, ɛ na‑a ben‑da a saa gbɛɛ ma.”


A sin, an ya a ka‑a wan. Mbɛ Chisɔsi‑a an na si gbau gbau, a ɔ, “Wo ma a ma, mɔ ɔ mɔ ni chɛ ɔ sɔn.”


Chɛɛ an mbe a ma‑a wan wo ni tɔɔ, n bakoe fɛ. An mbe chɛ ma‑a wan, koe min na mu, an ma Fa Yataa sɔn, min‑na n sɔ.


Chɛ gbakɔ, Chu kuti wa chɛ, an‑na Pita n na si wan to gbau gbau, mbɛ an‑na an boo ka. Koe min na mu, mɔɛ n gbɛɛ ni wan Yataa tando‑a, koe chɛ ko a, min ma‑a ka. An fandi gbu kuti ɔ, an kuiɛ nii ma bɛn ni kaina dɔndɔɛ, a si ni an mbe an tɔɔ buɛ min dɔ.


Chu n tɛ mɔɛ nu Yataa a, an 'na mansa nu, ni ya ɔ sɔɛ chɛ min ni Yataa 'a kata kun ma fɛn poesi chɛ n ya ɔ, bai chɛ‑a an na fii wan. An nii ma a ɔ sɔn, fen ma‑a Chisɔsi 'a sɔ mɔɛ chɛ n na.


Mbɛ a‑a a fɔ an ye, a ɔ, “Nn‑na a ma din fan wo tena, mbɛ wo ma mɔɛ n kan to, a si Chisɔsi chɛ wakoe ma. Chɛɛ wo a ɔ yen, wo‑a koe min ma. Wo‑a a ma mɔɛ n gbɛɛ, miin mbe Chuusaɛn, an‑na a a min, wo‑a bai miin sa a si a ma. A sin, wo toen mu wo ni a fa koe dɛn nn fan na.”


Wo wan yɔn ti nu, wo wɛɛ, wo wo 'a yɔnɛ n bia a buɛ chɛ ɔ. Wo sɛmbɛ a ma koe a, tima ɔ tima ko a, an ni chian wo ma. Wo ni a ɔ sɔn, mbɛ wo bɛ an na, wo e min ko a, ɛ banda bu ɔ wan. A sin, a ee mɔ gbu n tɛ bɔ, ɛnden bɛɛ a.


A sin, Mansa Chisɔsi 'a sakana bai chɛ, ɛ che tena wan kan kɔ kan, a ka wo tena. A ma che ni mɔɛ chɛ n dechee ma, miin mbe Masidonia, a basan Akaya a. Nn fan mbe ee bai dɔ gbɛɛ fɔ to, a si a ma. Koe min na mu, nn ma ta kan kɔ kan, mɔɛ n ban‑da a a min‑da.


Bai yama n sa‑a wan a ma, chɛɛ a nii ma a ta ɔ nyɔn ni ɛnden bɛɛ a. A na‑a ko yawaenɛ n bɛɛ ɔ bia wan, chɛɛ a nii ma a wandi ma chian ni. A ni a ta gbɛɛ kai fa dechee Yataa an ma, min mbe tea kaa tɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ