CHISƆSI 'A SƆ MƆƐ NU 4:1 - Yataa 'a Dɔbɛnɛ Nama

¹ Pita ni tun koɔ tena wan, an fea Chɔn na, mbɛ mɔɛ dɔ n na‑a, an‑na an tan. An mɔɛ chɛ n ni Chu n tɛ mɔɛ n fan na Yataa a, ni mɔɛ min ni ka Yataa 'a kata kun ma fɛn poesi n ya ɔ, a basan mɔɛ n na, an ni miin chee, an dɔ Sadusii mɔɛ nu.

CHISƆSI 'A SƆ MƆƐ NU 4:1 ပူးပေါင်းရင်းမြစ်များ

MATIU 16:12

Mbɛ an‑na a ɔ gbɛ wan gbɛ, mbɛ a ni an na si tena a si kanɛ an ma, Fayisii chɛ n ni min chɛ mɔɛ n na, an bɛ Sadusii n na. Chɛɛ a nii koɔ tena a si yisinɛ an ma, an mbe min chɛ biidi ɔ.

MATIU 22:16

Mbɛ an‑na an fɛ mɔɛ dɔ n na ta Chisɔsi tena, a basan Mansa Ɛdɔdi fɛ mɔɛ dɔ n na. An che‑a kɛn a ma, an dɔ, “Ticha, nn‑na a ɔ sɔn fan, mbɛ danaya tɔɛ mu i a. A yɛ to, e mɔɛ n kan Yataa 'a bai miin gbɛɛ a, tea mu a a. I ma i gbɔsɔ ni, mɔ gbu ɛ min fɔ a si i ma, chɛɛ e tea an na tachɛ tun. A yɛ to, nn‑na a ɔ sɔn fan, mbɛ e tea be tea ti an ma.

MATIU 27:20

Chɛɛ Chu n tɛ mɔɛ nu Yataa a, an 'na mansa n yiima ni dama, an bɛ Chu gbakoo n na. An don‑da wan fanka chɛ ɔ, min mbe a ma, an ni Kɔfana Padeti ɔ tisa, a ni a boo ka Baabasi a, an ni Chisɔsi be a fa koe a.

MATIU 27:41

Chu n tɛ mɔɛ nu Yataa a, an 'na mansa n bɛɛ, an‑na a ma yɛn ka wan. Chu sawa kan mɔɛ n bɛɛ, a basan an 'na gbakoo n na, an‑na a ma yɛn fan.

MATIU 3:7

Chɔn‑na a ɔ yen, mbɛ Chu mɔ kuun chɛ nu, an ni miin chee Fayisii nu, a basan chɛ n na, miin ni Sadusii a, an na‑a a tena. An dɔ, a ni yii chɛ an kunɛ ɔ, Yataa chia a. Chɛɛ a ɔ, “Wo yauaen ba chɛ nu, yɔ ka. Wo ee che wo nun‑da Yataa 'a mɔnɛ ma, min mbe wo ko a.

DUKU 20:1

Tee dɔndɔ a, Chisɔsi ni wan mɔɛ n kan‑da Yataa 'a kata ɔ, ɛ ta‑a Yataa 'a sakana bai chɛndɛ ɔ yian‑da an na. Mbɛ mɔɛ miin ni Chu n tɛ ɔ Yataa a, an 'na mansa nu, an na‑a a tena, an bɛ Chu n 'na sawa kan mɔɛ n na, a basan Chu gbakoo n na.

DUKU 22:4

Mbɛ a ta‑a wan mɔɛ chɛ n tena, miin mbe Chu n tɛ ɔ Yataa a, an 'na mansa chɛ nu, a basan poesi n ya ɔ sɔɛ n na, Yataa 'a kata kun ma. Mbɛ a‑a a kun puin an na, a si Chisɔsi ma tachɛ koe ma.

CHƆN 15:20

N da a bai chɛ ni to wo yii ma, n na‑a min fɔ wo ye, mbɛ bɔi den mbe ee nɔ, min benden mu a kan mɔ ma. Ni an‑na a ma wan n tɔɔ‑a, wo wɛɛ, an mbe a ma‑a ka wan wo ni tɔɔ. Chɛɛ ni an dɔ nu, an na‑a an too ma sɔ wan n da a kuiɛ ma, mbɛ an mbe an too ma sɔ‑a wan wo ta wɛɛ ma.

CHƆN 18:3

Mbɛ Chudasi na‑a an kaina chɛ, ɛ na‑a an bɛ Domi chɛnyɛ ɔ soya kuunɛ n na. An bɛ ni poesi n na na‑a, miin ni Yataa 'a kata kun ma fɛn. Fayisii mɔɛ dɔ nu, an bɛ Chu n tɛ mɔɛ nu Yataa a, an 'na mansa nu, an fan na‑a an sɔ. Chɛɛ chɛ feanka n ni wan an boo ɔ, ni sanku manɛ, a basan dambo n na.

CHISƆSI 'A SƆ MƆƐ NU 4:6

An gbɛɛ bɛn‑da wan, an bɛ Chu n 'na tɛ mɔɛ wa a, Yataa tena. An tɛ mɔ wa chɛ tɔ ni Anasi. Kayafasi wɛɛ, Chɔn, ni Adɛsanda, a basan mɔɛ tɔɛ chɛ n na, miin bɛɛ na‑a bɔ an tɛ mɔ wa dambi chɛ ɔ, an bɛɛ ni wan nɔ, an bɛn dɔndɔ gbe chɛ ɔ.

CHISƆSI 'A SƆ MƆƐ NU 5:17

Mbɛ Chu n tɛ mɔ wa Yataa a, ni miin gbɛɛ ni a fɛ, miin ni Sadusii mɔɛ n na, an gbɛɛ too‑a wan yama yama Chisɔsi 'a sɔ mɔɛ chɛ n na. An gbɛɛ faa bɔ‑a wan.

CHISƆSI 'A SƆ MƆƐ NU 5:24

Chu n tɛ mɔɛ nu Yataa a, an 'na mansa nu, ni ya ɔ sɔɛ chɛ min ni Yataa 'a kata kun ma fɛn poesi chɛ n ya ɔ, bai chɛ‑a an na fii wan. An nii ma a ɔ sɔn, fen ma‑a Chisɔsi 'a sɔ mɔɛ chɛ n na.

CHISƆSI 'A SƆ MƆƐ NU 5:26

Mbɛ a tima chɛ a gbɛ, ya ɔ sɔɛ chɛ, ni poesi miin ni a kɔɔ, an ta‑a Yataa 'a kata chɛ ɔ, mbɛ an na‑a Chisɔsi 'a sɔ mɔɛ chɛ n na. An nii ma gbasaya kan kɔ kan din ni an ma, na koe an na. Koe min na mu, an chianden fan ni, mbɛ ni an‑na gbasaya din an ma, mɔɛ n mbe an ma bon bon‑da wan.

CHISƆSI 'A SƆ MƆƐ NU 6:12

Bai chɛ‑a a ma wan, mɔɛ n gbɛɛ a kan‑da, an bɛ basan Chu gbakoo n na, ni Chu n 'na sawa kan mɔɛ nu. Mbɛ an gbɛɛ faa tɛ‑a Sitibin ma, min‑na a ma, an‑na a bia, mbɛ an na‑a a a Chu kuti wa ɔ.

CHISƆSI 'A SƆ MƆƐ NU 6:7

Mbɛ a ka gbɛ a tima chɛ ma, Yataa 'a bai a fasan‑da wan a ɔ gbɛɛ ɛ. Chisɔsi fɛ denɛ n da a koa‑a wan gbeden Chuusaɛn duu ɔ, mbɛ Chu n tɛ mɔɛ nu Yataa a, an sɛsɛ‑a an boo si sakana bai chɛndɛ chɛ kɔɔ.