CHISƆSI 'A SƆ MƆƐ NU 3:6 - Yataa 'a Dɔbɛnɛ Nama

⁶ Chɛɛ Pita ɔ, “Kɔpɔ kan kɔ kan mbe ee n boo ɔ, a be koe i ma. Chɛɛ fenɛ min nɛnɛ ɛ n boo ɔ, n mbe a be‑a wan i ma. Chisɔsi Chasi min ka‑a Nasaɛti duu ɔ, a 'a gbasaya ɔ mu, n mbe a fɔ tena i ye, mbɛ i ni i kɔɔ sɔ, i ni tachɛ chɛ.”

CHISƆSI 'A SƆ MƆƐ NU 3:6 ပူးပေါင်းရင်းမြစ်များ

MATIU 10:9

Ni wo sin ma‑a ta‑a, wo ma ta fen kɔ fen na wo boo ɔ. Wo ma ta kɔpɔ a,

MATIU 7:22

Ni tee chɛ che‑a, Yataa ɛ mɔɛ n gbɛmbo‑a tee min ma, mɔ sɛsɛ n mbe a fɔ‑a wan n ye, an dɔ, ‘Mansa, Mansa, nn ni Yataa bai ɔ yian i wan tɔɛ ɔ. A yɛ to, nn ni nyina yama n gbain i tɔɛ an dɔ, a basan kamaya koe chenama sɛsɛ a, nn ni an chɛ i tɔɛ ɔ wan.’

MAKI 14:8

Musu chɛ‑a koe an ma ka, ɛ che min chɛ‑a, n ko a. A‑a tu min chɛ ka n kunɛ ɔ, a‑a n ma bɛn fan ka, n tɔn koe a, n fa tima ya ɔ.

MAKI 16:17

Mbɛ a sin, chɛ an mbe ma‑a tɔmɔsi a, tee ɔ tee a, chɛ n ko a miin kai faen mu n na. An mbe nyina yama n gbain‑da wan mɔɛ n fɛ, n tɔɛ ɔ, an ni koɔ chɛnyɛ koɛ n dɔ, miin mbe fɔ chɛnyɛ dɔ mende n dɔ.

CHƆN 19:19

Mbɛ Kɔfana Padeti‑a a ma, bai kundu nyɛn‑da gbembe kundu ma, min gbangban‑da kɔn gbengbandenɛ chɛ ma. An bai kundu chɛ ɔ, “Chisɔsi an nɛ, min ka‑a Nasaɛti, Chu n 'na mansa.”

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 16:18

A sin‑na chɛ ma wan tee sɛsɛ ko a, min‑na a ma, Pɔɔ faa tɛ‑a. Mbɛ a‑a a ya a mun an yɔnɛ chɛ ma, a‑a a fɔ nyina yama chɛ ma, a ɔ, “Chisɔsi Chasi tɔɛ ɔ, n mbe a fɔ tena i ye, mbɛ i ni ka den musuen chɛ fɛ.” A ya kɔɔɛ a, nyina yama chɛ ka‑a wan den den chɛ fɛ.

CHISƆSI 'A SƆ MƆƐ NU 2:22

Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma.

CHISƆSI 'A SƆ MƆƐ NU 2:36

Mbɛ Pita a ɔ te gbɛ, “Chɛ an‑na a fɔ, wo gbɛɛ, wo wɛn mbe ka Isɔɛɛ chɛnyɛ chɛ ɔ, wo ni chɛ ɔ sɔn. Mbɛ tea gbu ko a, Chisɔsi chɛ, wo‑a min gbangban ka kɔn gbengbandenɛ ma, Yataa wandi‑a an ma ka kunka mansa a, wo baun mɔɛ.”

CHISƆSI 'A SƆ MƆƐ NU 3:16

Kaifa chɛ sin Chisɔsi a, an‑na a ma, namaa chɛ baun‑da ka. Wo kamin chɛ ma fɛn, wo gbɛɛ‑a a sɔn fan. Kaifa Chisɔsi a, an‑na a ma ka, kamin chɛ baun‑da fɛsɛ fɛsɛ, yɔ wo gbɛɛ‑a a ɔ yen buɛ min dɔ.

CHISƆSI 'A SƆ MƆƐ NU 3:5

Mbɛ a‑a an ma fɛn. A ni wan a yii ma, mbɛ an mbe fen den be tena wan a ma.

CHISƆSI 'A SƆ MƆƐ NU 3:7

Mbɛ Pita‑a namaa tɔɛ chɛ ya, a boo nyima ma, mbɛ a basan‑da a ma, a sɔ koe a. A ya kɔɔɛ a, kamin chɛ samaa, an fea a chen kana n na, an dɔ gbɛa gbɛa‑a.

CHISƆSI 'A SƆ MƆƐ NU 4:10

Nn mbe a ɔ yian‑da wan gbɛ wo a, a basan mɔɛ tɔɛ n gbɛɛ a Isɔɛɛ chɛnyɛ ɔ, kamin chɛ ɛ sɔ ɔ nɛ, mɔɛ min 'na gbasaya ɔ. Nasaɛti duu ɔ mɔɛ chɛ mu, Chisɔsi Chasi, wo‑a min gbangban kɔn gbengbandenɛ ma, mbɛ a fa‑a. Chɛɛ Yataa‑a Chisɔsi kɔɔ sɔ wan, a ka saya ɔ. An Chisɔsi Chasi chɛ 'a gbasaya ɔ mu kamin chɛ, wo e ka min yen tena, a‑a bauncha ma sɔn.

CHISƆSI 'A SƆ MƆƐ NU 4:7

An‑na a ma wan Chisɔsi 'a sɔ mɔɛ chɛ n sɔ‑a an chen kɔɔ. Mbɛ an‑na an dɔ tisa, an dɔ te, “Wo ma‑a ka ma namaa chɛ‑a tachɛ chɛ? Gbasaya minan dɔ mu, wo‑a ko bonda chɛ ma? Nyɔn 'na gbasaya ɔ mu, wo‑a koe chɛ ma?”

CHISƆSI 'A SƆ MƆƐ NU 9:34

Mbɛ Pita‑a a fɔ a ye, a ɔ, “Ainɛasi, Chisɔsi Chasi‑a i baun. I kɔɔ sɔ, i ni i 'a sofa ɔ bɛn.” A ya kɔɔɛ a, Ainɛasi‑a a kɔɔ sɔ.

GBOO SAA KƆYINDI KO A 4:11

A sɔ sanche ma, nn mbe ee daun chɛ tima dɔ a, nn sin kanɛ a ɛ gbaa wan. Nn ma chiienɛ ɛ koa taa an na, nn mbe ee si kaina dɔndɔ, nn sin mbe gbasi ɔ yen ka wan.

GBOO FEAN BƆƐ KƆYINDI KO A 6:10

Faayɔnɛ ɛ nn tan tena wɛɛ, chɛɛ chɛ gbɛɛ ɔ, nn mbe buɔdia bɔ wan tee ɔ tee a. Nn maen mu bɛɛ yɔn tɔɛ n na, chɛɛ nn mbe mɔ sɛsɛ n ma tena wan nyan tɔɛ n na. Nn maen mu mɔɛ n fan na, fen kɔ fen mbe ee miin boo ɔ. Chɛɛ fen kɔ fen gbu, ɛ nn fan boo ɔ.

GBOO FEAN BƆƐ KƆYINDI KO A 8:12

Koe min na mu, ni wo ma bɛnden mu fen be koe a, Yataa‑a a ɔ sɔn fan, wo e che min be‑a. A sin, ni wo‑a a be, ɛ a ya wan. A ee a fɔ, ɛ boo fenɛ ya wan, min mbe ee mɔɛ boo ɔ.

GBOO FEAN BƆƐ KƆYINDI KO A 8:9

Koe min na mu, wo‑a koadia deman chɛ ɔ sɔn fan, mmɔ 'a mansa Chisɔsi Chasi‑a min chɛ. Mbɛ a nyanden ni wɛɛ, chɛɛ chɛ gbɛɛ ɔ, wo ko a, a‑a a wandi ma yɔn tɔɛ a. A‑a chɛ ma, min mbe a ma, a 'a yɔncha chɛ ɔ, wo wɛɛ ni ma nyan tɔɛ n na.

CHIMISI 2:5

N suun ma nyɔɛ nu Chasi ɔ, wo ko a di n ye. Ka n mbe chɛ fɔ wo ye. Dunya chɛ na‑a miin ya yɔn tɔɛ n na, Yataa‑a a boo sɔ an mɔɛ chɛ n fan ma, an nyan‑da a ta chia a. An‑na an kai fa mmɔ 'a mansa Chisɔsi a. A sin, an mbe ma‑a wan a 'a mansaya kɔɔ banda bu ɔ. Mansaya chɛ, a na‑a mɔɛ chɛ n too ɔ dia min na, mɔɛ miin toen mu a a.

1 PITA 4:10

Wo gbɛɛ, Yataa‑a wo dua wan chia sɛsɛ a, dɔndɔ dɔndɔɛ a. An chia chɛ n sin, basan koe a mu wo nyɔn ma. Chɛ an mbe a ɔ yian‑da, mbɛ Yataa‑a koadia demanɛ min chɛ wo a, wo e tachɛ tena wan a a chɛndɛ chɛ.