CHISƆSI 'A SƆ MƆƐ NU 3:2 - Yataa 'a Dɔbɛnɛ Nama

² An che‑a kɛn nɔ kata chɛ ɔ, an ta‑a wan don koe a a da dɔndɔɛ a, an ni min chee, an dɔ, Kata Da Nyima. An kata chɛ da a, kamin dɔndɔ ni wan nɔ si ɔ. A namaaenɛ ni, a ka a suun tima ma. An ni ta wan an kamin chɛ a tee ɔ tee a kata chɛ da a, fenɛ fuin koe a mɔɛ n ma, miin ni na Yataa 'a kata chɛ ɔ, samun chɛ koe a.

CHISƆSI 'A SƆ MƆƐ NU 3:2 ပူးပေါင်းရင်းမြစ်များ

DUKU 16:20

Yɔn tɔ dɔndɔ wɛɛ ni wan nɔ, min tɔ ni Dasayɔsi. A gboo gbɛɛ ma banden fan ni tɛɛ mɛsɛ a. An ni na wan a a, nyan tɔɛ chɛ 'a chenɛ da a.

DUKU 18:35

Mbɛ Chisɔsi gbɛn‑da Chɛiko duu baima. A tima chɛ a ni, a‑a ya te tɔ dɔndɔ tan si ɔ chia tɔnfɛ, ɛ fen fuinɛ a.

CHƆN 9:8

Mbɛ mɔɛ chɛ nu, an bɛ ɛ miin na fɔn dɔndɔɛ ɔ, an basan mɔɛ chɛ n na, miin ni a yen tee si ɔ fen fuinɛ a, a fiondenɛ ɛ, an na fii‑a. An dɔ, “Kou, kamin chɛ an mbe ma nɛ si ɔ fen fuinɛ a, an ya a ka‑a ka. An ma chɛ a?”

CHISƆSI 'A SƆ MƆƐ NU 10:31

Mbɛ a‑a a fɔ, a ɔ, ‘Kɔniyɔsi, Yataa‑a i 'a samunɛ a min. A sin, a‑a a ɔ yen, e boo fenɛ miin be yɔn tɔɛ n ma.

CHISƆSI 'A SƆ MƆƐ NU 10:4

A‑a maeka chɛ ma fɛn fan tidan, a chianden ba ɛ. Mbɛ a‑a a ɔ tisa, a ɔ, “Mansa, fen mu?” Mbɛ maeka chɛ ɔ, “Yataa‑a i 'a samunɛ n na min. A‑a a ɔ yen, e boo fenɛ miin be tena yɔn tɔɛ n ma. A sin, a ma bɛnden mu, a ni i 'a samunɛ a bia.

CHISƆSI 'A SƆ MƆƐ NU 14:8

Kamin dɔndɔ ni wan nɔ si ɔ, Diisa duu chɛ ɔ, min nii che sɔ‑a a chen fea gbɛɛ a. A namaaenɛ ni, a ka a suun tima ma. Tee dɔndɔ wɛɛ, a nii ma tachɛ chɛ ni.

CHISƆSI 'A SƆ MƆƐ NU 3:10

Mbɛ an‑na a ma gbɛ, mbɛ kamin chɛ an nii nɛ, min ni si ka fen fuin tena Yataa 'a kata chɛ da a, an ni min chee ka, an dɔ, Kata Da Nyima. An gbɛɛ tɛnɛ‑a wan a a, mbɛ an da ɔ gbaa‑a, a si ko bonda chɛ ma, min ma‑a ka kamin chɛ a.

CHISƆSI 'A SƆ MƆƐ NU 4:22

Kamin chɛ min baun‑da ka kamaya chia chɛ a, a suun sanɛ benden fan ni gbɛ san bi naanin ma.