CHISƆSI 'A SƆ MƆƐ NU 3:19 - Yataa 'a Dɔbɛnɛ Nama

¹⁹ Chɛ an fɛ mu, wo wo kan kɔ sɔ wo 'a ko yama n na, mbɛ wo‑a wo ya a mun Yataa ma, min mbe a ma, a ni a boo bɔ wo 'a ko yama n dɔ.

CHISƆSI 'A SƆ MƆƐ NU 3:19 ပူးပေါင်းရင်းမြစ်များ

MATIU 13:15

A ɔ, koe min na mu, mɔɛ mu wo a, wo ma ma bɛn ni ko ɔ ko ɔ yen koe a. A ɔ, wo ma ma bɛn ni a ɔ gbɛ koe wɛɛ a, a sin wo too ɔ gbɛ kaka. A ɔ, ni chɛ ma, wo ni koe n dɔ yen‑da wan, wo ni koe n dɔ gbɛ, wo sin too ɔ nii gbɛ‑a ka. A ɔ, chɛ ni a ma‑a wan, wo ni wo ya a mun a ma, mbɛ a sin, a ni wo baun‑da wan.’ ”

MATIU 18:3

Mbɛ Chisɔsi ɔ, “N ni a ma din wo tena, ni wo ma wo sɔnɛ mun ni, wo ni ma yɔ den mɛsɛ nu, wo ee don‑da Yataa 'a mansaya kɔɔ.

DUKU 1:16

Ɛ a ma‑a wan Isɔɛɛ mɔɛ sɛsɛ n ni yɛ an 'na Mansa Yataa chen kɔɔ.

DUKU 22:57

Chɛɛ Pita‑a kɔɔsa bia chɛ wan bai chɛ ma, a ɔ, “N bian musu, n ma kamin chɛ sɔn.”

CHISƆSI 'A SƆ MƆƐ NU 1:6

Mbɛ an na kan‑da kɛn kaina dɔndɔɛ, an‑na Chisɔsi ɔ tisa, an dɔ te, “Mansa, tima gbu an che‑a ka gbɛ i boo ɔ, Isɔɛɛ mɔɛ n 'na mansaya a yɛ koe a to an ma?”

CHISƆSI 'A SƆ MƆƐ NU 11:18

An‑na bai chɛ a min kɛn, an sɛmbɛ‑a wan a ma nyin koe a. Mbɛ an‑na Yataa tando, an dɔ te, “Mbɛ Yataa deman‑da mɔɛ chɛ n bɛɛ ma, miin ma Chu mɔ a. A‑a chia sa wan an bɛɛ ye, an ni an kan kɔ sɔ an 'na ko yama a, mbɛ an‑na kuɔ fɔ fɔɛ ma sɔn.”

CHISƆSI 'A SƆ MƆƐ NU 11:21

A sin, Mansa Yataa 'a gbasaya ni wan an kun ma. Mɔ sɛsɛ sin‑na an kai fa wan Mansa Chisɔsi a, mbɛ an‑na an ya a mun a ma.

CHISƆSI 'A SƆ MƆƐ NU 15:3

Mbɛ chɔchi mɔɛ chɛ n‑na an ma saa kɛn, an ben‑da wan Fonisia chɛnyɛ ɔ, an fea Samayia chɛnyɛ a. An ni a ɔ yian fan mɔɛ n na, mbɛ mɔɛ miin ma ka Chu mɔ a, an‑na an kai fa buɛ min dɔ Chisɔsi a. An sin ma‑a wan buɔdia wa a, suun ma nyɔɛ chɛ n gbɛɛ tena, Chasi ɔ.

CHISƆSI 'A SƆ MƆƐ NU 17:26

A‑a mɔ gbu gbɛɛ nyan dunya chɛ ɔ, a bɔ mɔ kaima dɔndɔ gbe an dɔ. Mbɛ a‑a an na fasan dunya chɛ gbɛɛ ɔ ben‑da. A wandi gbu sin fan‑na a ɔ bɛn, mbɛ mɔ gbu n ni ma dunya gbɛɛ ɔ. Mɔɛ n sin mbe kaina min chee an 'na chɛnyɛ n na, a wan‑na a ɔ bɛn to an ma koe a nɔ, an tima chɛ kɔɔ.

CHISƆSI 'A SƆ MƆƐ NU 2:38

Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ.

CHISƆSI 'A SƆ MƆƐ NU 3:20

Ni wo‑a chɛ ma, Mansa Yataa ɛ wo faa ma nande‑a wan, mbɛ a‑a Chisɔsi a na to wo tena, a na‑a a boo sɔ kunka mansa min ma, na koe a, a ni wo baun.

CHISƆSI 'A SƆ MƆƐ NU 3:21

Chisɔsi chɛ ɛ to‑a banda bu ɔ wan, aan tima ni che, tima min na Yataa ɛ fen kɔ fen nyan‑da to a nama a. Ɛ ma‑a wan, yɔ a 'a gbonka chɛ mɔɛ chɛ nu, miin ni tenchen a ko a, an‑na a gbonka buɛ min dɔ suun.

GBOO DOMI KO A 11:25

N suun ma nyɔɛ nu Chasi ɔ, tea ɛ wan nɔ, min dɔ nunden mu wo ma tee. N toen mu, n ni an tea chɛ an dɔ yian wo a. Ni wo sin‑na a ɔ gbɛ, wo ee a a tun‑da dɔpanda bɔ koe a. An tea gbu yen ko gbɛ. Chu mɔɛ n sɛsɛ na‑a tooɔgbɛa bɔ wan, dan koe a Yataa a. An sin mbe to‑a an tooɔgbɛa chɛ an dɔ aan, mbɛ wo wɛn ma Chu mɔ a, wo‑a wo kai fa Yataa a. Wo gbɛɛ, Yataa na‑a a boo sɔ ka wo ma, ma koe a a ta mɔɛ n na.

GBOO FEAN BƆƐ TƐSADONIKA KO A 1:10

Chɛ an mbe ma‑a, ɛ na‑a tima min na an tee wa chɛ ma, tando ma sɔn koe a, a basan basɔmaya a. A ma sɔn koe a, a ka a ta mɔɛ chɛ n gbɛɛ a, miin kai faen mu a a. Wo wɛɛ, wo e ma‑a wan an tɛ ɔ. Koe min na mu, wo‑a wo kai fa sakana bai chɛ a, nn‑na min fɔ wo ye.

GBOO FEAN BƆƐ TƐSADONIKA KO A 1:7

Mbɛ wo wɛn sin na‑a an ko yawaen chɛ ɔ bia, Yataa ɛ bauncha be‑a wan wo ma. Ɛ a be‑a wan n bɛɛ ma, a basan nn bɔɛ n bɛɛ a. Ɛ chɛ ma‑a wan, tima min na Yataa ɛ Mansa Chisɔsi yian‑da, a ka banda bu ɔ, an bɛ a 'a maeka wa n na.

2 TIMOTI 2:25

A mu mɔɛ an na, min mbe tima ya, a chɛɛ ma nyɔɛ n gba yama yian koe a an na, a faa chimaenɛ ɔ. Koe min na mu, kɔkɔɛ Yataa ɛ a ma‑a wan, an ni an kan kɔ sɔ an 'na ko yama a, mbɛ an‑na an ya a mun tea ma.

GBOO IBU MƆƐ N KO A 4:1

Chɛ an fɛ mu, tooɔdia ɛ wɛ ka nɔ tima min na, mmɔ don koe a suin tena chɛ, Yataa‑a min dɔ bɛn, mmɔ chiandenɛ ni ma, kɔkɔɛ mmɔ dɔ nu, mmɔ ee na‑a kun‑da don koe a suin tena chɛ.

1 PITA 2:25

A saa a, wo ni wan ben‑da wo kun ye, yɔ sa miin toenɛ a ɔ. Chɛɛ wo ya a yɛ‑a gbɛ Yataa ma, min mbe wo kun ma fɛn.

2 PITA 3:8

Chɛɛ n dia nyɔɛ nu, wo ma nyina ko dɔndɔɛ chɛ ma. Mbɛ tee tɛ bɔ ee Mansa Yataa tena. Tee dɔndɔɛ fea san wu dɔndɔ a, fen dɔndɔ gbe an nɛ a chen kɔɔ.

KO Ɔ NUNDENƐ 21:4

Ɛ di gbɛɛ ka‑a wan an ya a. Saya ee ma‑a to nɔ, n mbe ee baa sanka di chɛ koe ma, chɛ ma, di gbama gbama, tɔɔya wɛɛ ee ma‑a nɔ. Koe min na mu, koe kɔma n gbɛɛ, miin ni ma tee, an gbɛɛ ban‑da tuin‑da.”