Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHISƆSI 'A SƆ MƆƐ NU 3:15 - Yataa 'a Dɔbɛnɛ Nama

15 A sin, wo‑a Chisɔsi fa wan, gbasaya ɛ min boo ɔ, kuɔ fɔ fɔɛ be koe a. Chɛɛ Yataa‑a Chisɔsi gbu kɔɔ sɔ wan, a ka saya ɔ. Nn sin mbe siiya bɔ tena wan chɛ ma.

အခန်းကိုကြည့်ပါ။ ကော်ပီ




CHISƆSI 'A SƆ MƆƐ NU 3:15
29 ပူးပေါင်းရင်းမြစ်များ  

Wo wandi gbu‑a koe chɛ n gbɛɛ ɔ yen. Wo an dɔ yian mɔ ɔ mɔ a.


A wan mbe fɔɛ chɛndɛ be. An fɔɛ chɛ, an mu manɛ a mɔ gbu ko a.


N fɛ mɔɛ nu, n mbe kuɔ fɔ fɔɛ an be‑a an ma, min mbe a ma, an mbe ee fa‑a, an ni to saya ɔ. Mɔ ɔ mɔ ee che an bɔ‑a n boo ɔ.


Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.


Koe min na mu, i‑a gbasaya be n ma, mɔ gbu n gbɛɛ kun ma dunya ɔ. Gbasaya min mbe a ma, n ni a ma, chɛ n gbɛɛ ni kuɔ fɔ fɔɛ ma sɔn, i‑a miin be n ma, ma koe a n fɛ.


Mbɛ Chisɔsi ɔ, “Ni i na‑a Yataa 'a wai nyima sɔn fan mɔɛ n tena, a sin, i na‑a n sɔn fan, n fɛn mbe ka koɔ‑a i tena, i ni tisa dɔ mende an chɛ‑a n na. A sin, n ni yii be‑a wan i ma, min mbe fɔɛ be mɔ gbu ma.”


Chɛɛ mɔ ɔ mɔ min mbe yii chɛ min, n mbe min be‑a a ma, a kanɛ a ee gbaa‑a to kuɔ fɔ. N mbe yii chɛ min be‑a a ma, ɛ ma‑a wan a faa ɔ. A sin, an yii chɛ ɔ ee tɛ‑a, ɛ a ma‑a wan, a ni kuɔ fɔ fɔɛ ma sɔn.”


N Fa ɛ a ma wan, mɔɛ n mbe fɔɛ ma sɔn. A chia dɔndɔ gbe chɛ a, n bɛɛ, a 'a denɛ, a‑a a ma, n mbe fɔɛ be.


Chɛɛ Yataa‑a a bɔ wan saya 'a mɔnɛ boo ɔ, a‑a a ma, Chisɔsi chɛ‑a a kɔɔ sɔ a ka saya ɔ. Koe min na mu, saya nii che gbasaya din‑da a ma ɛnden bɛɛ a.


Chisɔsi wandi gbu ni, Yataa‑a min na sɔ a ka saya ɔ. Nn gbɛɛ sin mu wan sii n na chɛ ko a.


An faa tɛ‑a wan Pita ma, an fea Chɔn na. Koe min na mu, an dɔ, an mbe mɔɛ n kan‑da, a si Chisɔsi kɔɔ sɔ koe ma, a ka saya ɔ. An dɔ, kan chɛ, ɛ a ɔ yian tena wan, mbɛ tea mu a a, mbɛ Yataa ɛ a ma wan mɔɛ ni a kɔɔ sɔ, a ka saya ɔ.


Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.


A gbu sin, a nyɛnden mu ka wan Yataa 'a gboo ɔ, mbɛ mɔ kaima saa saa, min tɔ ni Adami, Yataa‑a fɔɛ be wan a ma. Mbɛ Adami dankama sin, a mu Yataa Nyina an na, min mbe fɔɛ be.


a‑a a kun tɛ Chasi an dɔ, kɛn a‑a a kɔɔ sɔ, a ka saya ɔ. Mbɛ a‑a a ma, a‑a a si kaina ma bɛndenɛ banda bu ɔ, a boo nyima ɔ.


Mmɔ ni mmɔ yii sɔ Chisɔsi ma, tima ɔ tima ko a. A wan mbe a ma, mmɔ ɛ mmɔ kai fa Yataa a, a ka fɔɛ kuu sɔ tena ma, a ta a danka a. An‑na a gbangban tima min bɛɛ a kɔn gbengbandenɛ ma, a nii ma a boo bɔ ni mmɔ wakoe ɔ. Koe min na mu, a na‑a a ɔ sɔn fan, mbɛ chia dɔndɔɛ a, buɔdia wa an mbe a ya ɔ. A nii ma a ya ni mauma ko kan kɔ kan na, fa koe a kɔn gbengbandenɛ ma. A sin mbe sanche gbɛ si ɔ wan, basɔmaya ɔ Yataa 'a mansaya sea boo nyima ɔ.


Yataa an na‑a fen kɔ fen na dan, a sin fan mbe fɔɛ be fen kɔ fen ma. A na‑a a ma wan, mɔ sɛsɛ ma‑a a 'a denɛ n na, mbɛ an don‑da a waa banda bu ɔ. A ni chɛ ma tena tima min na, a na‑a a yii na chii wan, mbɛ a nyin Chisɔsi ni ma mɔɛ n baun mɔɛ chɛndɛ a. Chɛ ni bɔ tɔɔya chɛ ɔ, a wan Chisɔsi ni na tena min dɔ bia‑a. A wan mbe chia a ka‑a, mɔ gbu n gbɛɛ ni bauncha ma sɔn.


A sin, a na‑a ma wan mɔɛ a, min da faenɛ ɛ gban, Yataa tena. Chɛ‑a a ma wan, a ma‑a mɔɛ a, min mbe na kuɔ fɔ fɔɛ a mɔɛ n ko a, miin mbe kooya be‑a a ma.


Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.


Mbɛ a ɔ te n ma to, a ɔ, “N ban‑da koe chɛ n gbɛɛ chɛ‑a. N fan mbe a ma fen fen mbe a kuu sɔ, n fan mbe a ma to fen fen mbe danka. Mɔ ɔ mɔ min kanɛ a gbaaen mu, n mbe yii be‑a wan a ma. N mbe yii be‑a wan an ma, min ka‑a yii chɛ ɔ, yii min mbe fɔɛ be mɔɛ ma gbama gbama ko a.


Chɛ gbakɔ, maeka chɛ‑a yii chɛ yian n na, yii min mbe fɔɛ be. An yii chɛ kunɛ ɛ Yataa 'a mansa sea chɛ tena wan, an fea sa tɔngbɔɛ chɛ a. Yii gbu ɛ yii‑a, a kɔɔ gbɛenɛ ɛ fo, ɛ ma‑a mia mia yɔ mɛmɛ.


Yataa Nyina an fea sa tɔngbɔɛ 'a sɛnama a, an dɔ, “Mansa Chisɔsi, na fo.” Chɛ a min mɔɛ wɛɛ, a ni a fɔ, a ɔ, “Mansa Chisɔsi, na fo.” Mɔ ɔ mɔ min kanɛ a gbaaen mu, a ni na wɛ. Mɔ ɔ mɔ min toen mu na koe a, fɔɛ be yii chɛ min koe a, a ee ka na‑a, a sɔnkɔ be ee a ma.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ