CHISƆSI 'A SƆ MƆƐ NU 3:14 - Yataa 'a Dɔbɛnɛ Nama

¹⁴ A ni tenchen Yataa 'a wai an ko a, a sin, a tanden fan ni Yataa tena. Chɛɛ chɛ gbɛɛ ɔ, wo ban‑da wan a ɔ, mbɛ wo‑a Kɔfana Padeti disa, wo ɔ, a ni a boo ka mɔ fa mɔɛ a wo ye.

CHISƆSI 'A SƆ MƆƐ NU 3:14 ပူးပေါင်းရင်းမြစ်များ

MATIU 27:20

Chɛɛ Chu n tɛ mɔɛ nu Yataa a, an 'na mansa n yiima ni dama, an bɛ Chu gbakoo n na. An don‑da wan fanka chɛ ɔ, min mbe a ma, an ni Kɔfana Padeti ɔ tisa, a ni a boo ka Baabasi a, an ni Chisɔsi be a fa koe a.

MAKI 1:24

a ɔ, “Chisɔsi, Nasaɛti mɔɛ, i ma nn tɔɔ. I na‑a nn kasaa koe an na? N‑na a ɔ sɔn fan, i mu mɔɛ min na. I wan mu mɔɛ a tenchen, Yataa‑a min sɔ, a 'a wai chɛ koe a.”

MAKI 15:11

Chɛɛ a che‑a kɛn an kaina chɛ, Chu n tɛ mɔɛ nu Yataa a, an 'na mansa chɛ n‑na a ma wan, an‑na fanka fanka chɛ a sɛ. An dɔ, an ni yee tɛ Baabasi an boo ka koe a.

MAKI 15:7

A san chɛ a, kamin dɔndɔ min tɔ ni Baabasi, a ni wan pimbi chenɛ a, an bɛ a bɔɛ dɔ mende n na. An ni mɔɛ n fan na, an na‑a miin bia butuin chɛ koe a Domi mansa n na. Baabasi chɛ na‑a mɔɛ an fa, yɔ a bɔɛ chɛ dɔ n bɛɛ.

DUKU 1:35

Mbɛ maeka chɛ ɔ, “Yataa Nyina an mbe ma‑a i fɛ, mbɛ Yataa Wa 'a gbasaya, a‑a a ma, i‑a bu ya. Chɛ an fɛ mu, e denɛ min suun‑da, ɛ ma‑a tenchen Yataa 'a wai an na. A sin, an mbe a chee‑a wan, an dɔ, Yataa 'a denɛ.

DUKU 23:25

Mbɛ a‑a a boo ka kamin chɛ a, an toen ni min na, kaminɛ min ni pimbi chenɛ a butuin chɛ koe a Domi mansa n na, a basan mɔ fa koe a. Mbɛ a‑a Chisɔsi be a fa mɔɛ n ma, min ni an faa ma koe a.

CHƆN 16:10

An sin ma a ɔ sɔn to, koe min nyin a ma koe a, koe min na mu, n mbe yɛ tena Fa Yataa tena wan. A sin, wo ee a a tun‑da to n yen koe a.

CHƆN 18:40

Chɛɛ chɛ ko a, an‑na yee tɛ wan, an dɔ, “A an, an ma. N toen mu i ni i boo ka Baabasi an na.” Baabasi chɛ ni mɔ yama wa an na.

CHISƆSI 'A SƆ MƆƐ NU 13:28

An nii ma chia ɔ chia sɔn ni kaa a tɛ koe a, a fa koe ma. Chɛ gbɛɛ ɔ, an‑na Kɔfana Padeti ɔ tisa wan, a ni a ma, an ni a fa.

CHISƆSI 'A SƆ MƆƐ NU 2:27

Koe min na mu, i wan Yataa ee n to‑a saya a boo ma. E ee dɔn‑da i 'a wai chɛ mɔɛ chɛ, n fɛn‑na n fandi be i ma, n su ni tui kamba ɔ.

CHISƆSI 'A SƆ MƆƐ NU 22:14

Mbɛ a ɔ, ‘Yataa, mmɔ bemba n ta bemba n ni min fai, an‑na a boo sɔ bi i ma, i ni a faa ma koe ɔ sɔn. Chɛ ni a ma, i ni mɔɛ chɛ yen, min tanden mu Yataa tena gbeden, a yɛ to, i ni bai a min, min mbe bɔ‑a a da ɔ.

CHISƆSI 'A SƆ MƆƐ NU 4:27

Tea gbu sin ko a, nɛ ni Chuusaɛn duu chɛ ɔ, an‑na an kun puin kaina, i 'a wai chɛ mɔɛ Chisɔsi Chasi ma, min mbe tenchen i ko a. I‑a i boo sɔ an ma kunka mansa a. Mansa Ɛdɔdi, ni Kɔfana Pɔnchɔsi Padeti, an bɛ an na‑a an kun puin chɛ chɛ, an bɛ mɔɛ chɛ n na miin ma Chu mɔ n na, a basan Isɔɛɛ mɔɛ n gbɛɛ a, ko yama ma koe a kunka mansa chɛ a.

CHISƆSI 'A SƆ MƆƐ NU 5:28

Mbɛ a‑a a fɔ an ye, a ɔ, “Nn‑na a ma din fan wo tena, mbɛ wo ma mɔɛ n kan to, a si Chisɔsi chɛ wakoe ma. Chɛɛ wo a ɔ yen, wo‑a koe min ma. Wo‑a a ma mɔɛ n gbɛɛ, miin mbe Chuusaɛn, an‑na a a min, wo‑a bai miin sa a si a ma. A sin, wo toen mu wo ni a fa koe dɛn nn fan na.”

CHISƆSI 'A SƆ MƆƐ NU 7:52

Yataa 'a gbonka chɛ mɔ kan kɔ kan nii nɔ, ni wo bemba n ta bemba n ma ko ma gbaaenɛ sa ni min ma. An‑na Yataa 'a gbonka chɛ mɔɛ chɛ n fa wan, miin na‑a a gbonka suun, a si Yataa 'a wai chɛ mɔɛ ma. Mbɛ an wai chɛ mɔɛ chɛ, min tanden mu a chen kɔɔ, ɛ na‑a wan. Chɛɛ wo gbu‑a a ma tachɛ gbɛ, mbɛ wo‑a a fa.

GBOO FEAN BƆƐ KƆYINDI KO A 5:21

Mmɔ ko a ni, Yataa‑a ko yama gbɛɛ si Chasi kun ma. Chɛɛ Chasi chɛ nii ma ko yama kan kɔ kan ma ni. Yataa‑a chɛ ma, min mbe a ma, mmɔ ni ma mɔ tandenɛ a a chen kɔɔ. Koe min na mu, mmɔ ma‑a mmɔ dɔndɔɛ a Chasi a.

CHIMISI 5:6

Wo‑a kaa a tɛ, wo‑a mɔɛ chɛ n fa, miin ma ko ɔ ko ma ni. An sin nii ma sɔ ni wo a, wo ni an fa tena tima min na.

1 PITA 3:18

An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.

1 CHƆN 2:1

N 'na denɛ nu, n mbe gboo chɛ nyɛn tena wo tena, min mbe a ma, wo ma na dɛ ko yama ɔ. Chɛɛ ni mmɔ dɔndɔ wɛɛ dɛen fan mu gbɛ ko yama ɔ, mɔɛ ɛ wan mmɔ boo ɔ, min mbe koɔ mmɔ Fa Yataa tena mmɔ ko a. A mɔɛ chɛ mu Chisɔsi Chasi an na, a wɛn tanden mu Yataa tena gbeden.

KO Ɔ NUNDENƐ 3:7

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Fidadɛfia duu ɔ. A ɔ, “N fan, mɔɛ chɛ, n fɛn kan nyɔ ee, n fɛn teaen mu, a sin to, Mansa Defidi 'a chi ɛ n boo ɔ.” A ɔ, “N fan mbe chenɛ da a ka, mɔ ɔ mɔ ee a da a tɔn, a yɛ to, n fan mbe a da a tɔn, mɔ ɔ mɔ ee a da a ka.” A ɔ, “N 'na sakana an nɛ.”