CHISƆSI 'A SƆ MƆƐ NU 3:12 - Yataa 'a Dɔbɛnɛ Nama

¹² Pita‑a mɔɛ chɛ n yen kɛn an na tindanɛ, a‑a a fɔ an ye, a ɔ, “N bɔ Isɔɛɛ mɔɛ nu, kamin chɛ baun koe ma wo kɔndɔ fii. Wo ma nn ma fɛn ya dɔ mende a. A ma ma wo yii ma, mbɛ nn 'na gbasaya ɔ mu, nn‑na chɛ ma. An ma a fɔ ni, nn mbe a ma wan, Yataa faa ni chima kaka, min‑na a ma, nn‑na a ma kamin chɛ‑a tachɛ chɛ.

CHISƆSI 'A SƆ MƆƐ NU 3:12 ပူးပေါင်းရင်းမြစ်များ

CHƆN 7:18

Mɔɛ min mbe kanɛ chɛ, a wandi kun ma a a, a toen mu a ni a wandi an na buu fɛ. Chɛɛ mɔɛ min toen mu, mɔɛ min‑na a sɔ, a ni tando ma sɔn, a mɔɛ chɛ tea mɔɛ mu. A ee fania kan kɔ kan fɔ.

CHISƆSI 'A SƆ MƆƐ NU 13:26

“N suun ma nyɔɛ nu, wo wɛn mu Ebeami cheeya n na, ni wo wɛɛ, wo wɛn ma Chu mɔ a, chɛɛ wo wɛn mbe kooya be Yataa ma, wo chɛ a min. Sakana bai chɛ, min mbe na bauncha a, a naen mu mmɔ gbɛɛ an ko a.

CHISƆSI 'A SƆ MƆƐ NU 2:22

Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma.

CHISƆSI 'A SƆ MƆƐ NU 3:11

Kamin chɛ min baun‑da ka, a boo ni wan tun Pita a, an fea Chɔn n na. Mbɛ an che‑a kaina chɛ Yataa 'a kata ɔ, an ni min chee, an dɔ, Mansa Sɔɔmon 'na Pɛsa. Mɔɛ chɛ n gbɛɛ‑a bui sa wan a a an tena, an na fiienɛ ɛ.

CHISƆSI 'A SƆ MƆƐ NU 3:13

Ebeami ni Yataa min fai, Aisaki ni min fai, Chekɔpi wɛɛ ni min fai, mmɔ bemba n ta bemba n bɛɛ n‑na Yataa min fai, an‑na basɔmaya wa chɛ be a 'a wai chɛ mɔɛ Chisɔsi ma. Chɛɛ wo to‑a wan nɔ, wo‑a a bia, mbɛ wo‑a a be ya ɔ sɔɛ n ma. Mbɛ wo yɛ‑a, Kɔfana Padeti chen kɔɔ, a ni a yii na chii tena kɛn Chisɔsi chɛ boo ka koe a, wo‑a kɔɔsa bia chɛ wan a wakoe ma.

GBOO DOMI KO A 11:1

Chɛɛ n mbe chɛ an fɔ tena gbɛ. Yataa nii ma Isɔɛɛ mɔɛ n na yɛ ni a boo kɔ. A nii ma chɛ ma ni ɛnden bɛɛ a. N fandi gbu wɛɛ, Isɔɛɛ mɔɛ mu n na. Ebeami an mu n bemba a. N bɔ‑a Bɛnchamin 'na dambi an dɔ.

GBOO DOMI KO A 9:4

An mu Isɔɛɛ mɔɛ n fan na, Yataa‑a a boo sɔ miin ma, a ɔ, a ta mɔɛ mu an na. A na‑a an ma wan a 'a denɛ n na, mbɛ a‑a a ɔ yian an na, a kamayaen mu buɛ min dɔ. A na‑a a 'a dɔbɛnɛ n chɛ wan an na, mbɛ a‑a a 'a sawa wɛɛ be Mosisi ma an ko a. Yataa na‑a a ɔ yian fan to an na, an mbe a fai buɛ min dɔ teaya ɔ. Yataa na‑a tooɔdia sɛsɛ chɛ wan an na.

GBOO FEAN BƆƐ KƆYINDI KO A 3:5

Nn fandi gbu, an ma a fɔ ni, mbɛ nn mbe kun fan nn ni wai chɛ chɛ nn ta gbasaya a. Nn 'na gbasaya, ɛ ka Yataa an tena.

KO Ɔ NUNDENƐ 7:13

Mbɛ gbakoo chɛ n dɔndɔ, a‑a n dɔ tisa, a ɔ, “Mɔɛ chɛ nu koa gbɛ ɔ, nyɔn n mbe ee nɛ, an sin ka‑a gbɛ mende?”