CHISƆSI 'A SƆ MƆƐ NU 28:8 - Yataa 'a Dɔbɛnɛ Nama

⁸ A tima chɛ a, nn‑na a wan Pubiɔsi fa tan fan sa ɔ gbandi ɔ. Chima an na‑a bɔn a ma, a basan wii chɛ a. A sin, Pɔɔ ta‑a wan a kɔndɔn‑da, mbɛ a‑a samunɛ chɛ a ma. A sin‑na a boo bun kɛn dechee Pubiɔsi fa gbandien chɛ ma, a gbu baun‑da.

CHISƆSI 'A SƆ MƆƐ NU 28:8 ပူးပေါင်းရင်းမြစ်များ

MATIU 10:1

Chɛ gbakɔ, mbɛ Chisɔsi‑a a fɛ denɛ n chee, an mɔ tan kun ma fea ni. A‑a an chee, a‑a gbasaya be wan an ma, nyina yama n gbain koe a mɔɛ n fɛ. A yɛ to, a‑a gbasaya be wan an ma, mɔɛ n baun koe a an 'na gbandi n gbɛɛ ɔ.

MATIU 10:8

Wo gbandi mɔɛ n baun, mbɛ wo‑a fɔɛ a yɛ chɛ n sun da a, miin faenɛ ɛ. Wo mɔɛ chɛ n baun, gboo ma gbandi yama ɛ miin ma, mbɛ wo‑a nyina yama n gbain mɔɛ n fɛ. N‑na gbasaya chɛ be wo ma gbama an na. N ma fen bia ni wo boo ɔ. Chɛ an fɛ mu, wo wɛɛ, wo ta, wo ni mɔɛ n deman. Wo ma an dɔ tisa fen kɔ fen ko a.

MATIU 12:13

Mbɛ a‑a a fɔ kamin chɛ ma, a ɔ, “I boo ɔ tan.” Mbɛ kamin chɛ‑a a boo ɔ tan. Mbɛ a ma‑a yɔ a boo dɔndɔɛ, a baun‑da fion.

MATIU 9:18

Chisɔsi to‑a koɔ an na mɔɛ chɛ n tena, mbɛ a yen ko, ya ɔ sɔ dɔndɔ na‑a a tena. Mbɛ a‑a a kumbai gbangban Chisɔsi chen na, a ɔ, “N 'na den musuma fa‑a ka sanche. Chɛɛ mɔ ta, i ni i boo bun a ma, min mbe a ma, a fɔɛ ni yɛ to a ma.”

MAKI 16:18

Ni an‑na ka n bɛɛ bia, a ee ko ma‑a an na. Chɛ ma, an ni bɔɛɛ wɛɛ min, a ee ko ɔ ko ma‑a an na. An mbe an boo bun‑da wan gbandi mɔɛ n ma, mbɛ an baun‑da.”

MAKI 5:23

A‑a a disa, a sɔɛ gbɛɛ a, a ɔ, “N 'na den musuenɛ e na fa‑a. I dimu, na i ni i boo bun a ma, a ni baun, a fɔɛ ni yɛ to a ma.”

MAKI 6:5

A nii ma kun ni, kamaya ko kan kɔ kan ma koe a nɔ. A‑a min ma dechee, a na‑a a boo bun gbandi mɔɛ dɔ n fan ma, mbɛ an baun‑da.

MAKI 7:32

Mɔɛ dɔ n na‑a kaminɛ a, Chisɔsi tena, min too nii koe a min, a sin, a koɔ koe wɛɛ ni gbɛɛ. An na‑a Chisɔsi ma nande wan, an dɔ, a ni a boo bun a ma, a baun koe a.

DUKU 13:13

Mbɛ a‑a a boo bun musu chɛ ma. Mbɛ a ya kɔɔɛ a, musu chɛ sɔ‑a den, mbɛ a‑a tando be Yataa ma.

DUKU 4:40

Tee bea‑a kɛn, mɔɛ n na‑a wan mɔ sɛsɛ a Chisɔsi tena, gbandi yama sɛsɛ ni miin ma. Mbɛ a‑a a boo bun buɛ min dɔ an gbɛɛ ma dɔndɔ dɔndɔɛ a, an baun‑da ka wan ta‑a gbɛɛ.

CHISƆSI 'A SƆ MƆƐ NU 28:7

Mɔɛ min ni nɔ mansa a, an yii tin chɛ ɔ, a tɔ ni Pubiɔsi. Sɛnɛ wa ni wan a boo ɔ nɔ, nn baima tanda chɛ ɔ. A bu ɔ dia‑a kaka, a‑a nn yen kɛn. Nn ni wan a 'a sondaya a, tee sawa ko a, a sin‑na nn bia wan chɛndɛ chɛ.

CHISƆSI 'A SƆ MƆƐ NU 28:9

Chɛ sin ma‑a kɛn dechee, gbandi mɔɛ tɔɛ chɛ n gbɛɛ, an yii tin chɛ ɔ, an na‑a wan Pɔɔ tena, an sin baun‑da wan.

CHISƆSI 'A SƆ MƆƐ NU 9:40

Mbɛ Pita‑a an gbɛɛ a bɔ dumu gbu ɔ, mbɛ a‑a a kumbai gbangban, a‑a samunɛ chɛ. Mbɛ a‑a a ya a mun su chɛ ma, mbɛ a‑a a fɔ, a ɔ, “Tabita, i kɔɔ sɔ.” Mbɛ a ya kɔɔɛ a, Tabita‑a a ya a ka. A sin‑na Pita yen kɛn, a‑a a kɔɔ sɔ wan, mbɛ a si‑a.

GBOO SAA KƆYINDI KO A 12:28

Yataa‑a sɔ tena koe ɔ bɛn fan, Chisianɛ n tɛ chɔchi ɔ. A saa ma‑a min na, a‑a a boo sɔ wan Chasi 'a sɔ mɔɛ n ma. A fean bɔɛ mu, a wan Yataa 'a gbonka chɛ mɔɛ n fan na. A sawan bɔɛ mu, mɔɛ n kan mɔɛ n fan na. Chɛ gbakɔ, mɔɛ miin mbe kamaya koe n ma, ni chɛ nu gbasaya be‑a miin ma, mɔɛ n danda koe a, deman koe a an ma, an sɔ koe wɛɛ a chia chɛndɛ ma, a basan kamaya bai n fɔ koe a, miin dɔ ee gbɛ ka dechee.

GBOO SAA KƆYINDI KO A 12:9

Nyina chɛ an mbe a ma to, mɔɛ dɔndɔɛ wɛɛ, ɛ a kai fa Chisɔsi a gban. Mbɛ mɔɛ dɔndɔɛ wɛɛ, a‑a gbasaya be a ma, mɔɛ n baun koe a gbandi n dɔ.