CHISƆSI 'A SƆ MƆƐ NU 28:2 - Yataa 'a Dɔbɛnɛ Nama

² Mɔɛ miin sin ni nɔ an kaina chɛ, an‑na ko chɛndɛ min ma nn na, a ɔ gbɛ, an nyɔn sima a ɔ yen koe a. Koe min na mu, an‑na ta a dɛn fan, mbɛ an‑na an boo si nn gbɛɛ kɔɔ, buɔdia ɔ. Sona an ni na tena, a sin, kaina chimaen fan ni kaka.

CHISƆSI 'A SƆ MƆƐ NU 28:2 ပူးပေါင်းရင်းမြစ်များ

MATIU 10:42

N ni a ma din wo tena, mbɛ ni mɔ ɔ mɔ‑a yii chima kɔpu dɔndɔɛ wɛɛ be n fɛ denɛ den tachɛen bɛɛ ma, koe min na mu, ɛ n 'na fɛ dencha a, Yataa ɛ tɔnɔnɛ be‑a wan mɔɛ chɛ ma.”

CHƆN 18:18

Chima an ni na tena a tima chɛ a, min‑na a ma, tɛ mɔ wa chɛ 'a bɔi denɛ chɛ n dɔ nu, an bɛ Yataa 'a kata kun ma fɛn poesi chɛ n na, an‑na ta chɛ chɛmbu ɔ. A sin, an tindanden fan ni a a, an mbe an gbaa‑a. Mbɛ Pita wɛɛ na‑a an tena, a sɔ‑a, a bun‑da a gbaa‑a.

CHISƆSI 'A SƆ MƆƐ NU 27:3

Tee dɔndɔɛ ma, mbɛ nn che‑a Sidon duu ɔ. Chudiɔsi‑a Pɔɔ bia wan chɛndɛ chɛ, mbɛ a‑a a boo ka a ma. A ɔ, Pɔɔ ni ta, a ni a dia nyɔɛ n yen, basan koe a a ma, mbɛ a yɛ‑a.

CHISƆSI 'A SƆ MƆƐ NU 28:3

Pɔɔ‑a sɔ chii kai wan, a bun‑da a chɛ‑a ta chɛ a. Pɔɔ ni kɛn sɔɛ chɛ chɛ‑a ta chɛ a, mbɛ win chɛ‑a a ma, ka yama bɔ‑a, mbɛ a dɛn‑da a boo a.

CHISƆSI 'A SƆ MƆƐ NU 28:4

Duenɛ chɛ nu, an‑na ka chɛ yen kɛn, dɛn dɔ Pɔɔ boo a, an dɔ an nyɔn ma, an dɔ, “Mɔ fa mɔɛ an nɛ kamin chɛ a. Kɔɔsa bia ee chɛ ma. A bɔ‑a wɛɛ boo ɔ boo yii chɛ ɔ, a fɔɛ ɛ a sun da a, chɛɛ mmɔ 'a musu yataa, min mbe tea kaa a tɛ, a‑a a pawa. A kun mbe ee bɔ tena chɛ nɛnɛ ɔ.”

GBOO DOMI KO A 1:14

Koe min na mu, n gbɔsɔen fan mu mɔ gbu gbɛɛ ko a. N gbɔsɔen fan mu chɛ n ko a, miin bonchenden mu, a basan chɛ n bɛɛ a, miin ma bonchen ni. A yɛ to, chɛ n ko a, miin‑na koe sɔn, a basan chɛ n bɛɛ a, miin ma ko sɔn.

GBOO DOMI KO A 14:1

Wo wo boo a si wo bɔɛ chɛ n kɔɔ, wo tɛ ɔ, miin 'na Chisian danaya ɔ ma gbɛ. Chɛɛ wo ma wo da a kuiɛ ɔ fan an na, a si koe n ma, miin nyin an ma koe a an boo ɔ, a basan miin ma nyin an ma koe a.

GBOO DOMI KO A 14:3

Mɔɛ chɛ nu, miin daun fen tɛ bɔɛ ee, an ma an kunɛ dɛn chɛ n kun ma, miin mbe an daun fenɛ tɛ bɔ. Mɔɛ chɛ n bɛɛ to, miin mbe an daun fenɛ tɛ bɔ, an ma kaa a tɛ, an ni a fɔ, mbɛ miin mbe ee an daun fen tɛ bɔ, an mbe ko yama an ma ka. Koe min na mu, Yataa ma a boo bɔ ni an mɔɛ chɛ n kɔɔ, miin daun fen tɛ bɔ ee ka.

GBOO DOMI KO A 2:27

A gbu sin, mɔɛ chɛ n yen bɛ, an na ma kamincha nin bɛɛ ka boo ɔ boo, chɛɛ an mbe tachɛ wan sawa chɛ n na chɛndɛ. Chɛ ɛ a ɔ yian‑da wan, mbɛ wo wan Chu nu, wo wɛn na kaminchaen mu bɛɛ, Yataa 'a sawa ɛ wo boo ɔ, mbɛ wo e sawa chɛ yɔn tena wan. Yataa sin mbe kaa a tɛ‑a wan wo wakoe ma.

GBOO SAA KƆYINDI KO A 14:11

Chɛɛ ni n ma chɛnyɛ koɛ sɔn, mɔɛ min mbe a fɔ tena n ye, sonda mu a a n tena. N bɛɛ, n mu sonda an na a wɛɛ tena.

GBOO FEAN BƆƐ KƆYINDI KO A 11:27

N‑na wai chɛ wan n sɔɛ gbɛɛ a. Tima sɛsɛ ko a, n ni chi wan n ya a. Tima sɛsɛ ko a, kɔnkɔɛ‑a n bia wan, n kanɛ a gbaa‑a, a sin n nii daun fen ma sɔn. Tima sɛsɛ ko a, chima ni n bia wan, koa a tenden bɛɛ nii n ma.

Gboo Kɔdɔsai Ko A 3:11

Chɛ an fɛ mu, sɔn nama chɛ ɔ, tɛ bɔ kan kɔ kan mbe ee Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin na kaminchaen mu, an bɛ chɛ n na, miin na ma kamincha ni. Tɛ bɔ ee chɛ n bɛɛ ma, miin ka‑a chɛnyɛ dɔ mende n dɔ, a ee yɔnɛ n ma, a ee fia ɔ mɔɛ n ma, an bɛ mɔɛ n na, miin mu mansaenɛ a. Chɛɛ Chasi an mu koe a, a sin mbe wan gbɛ wo gbɛɛ 'a fɔɛ ɔ.

GBOO IBU MƆƐ N KO A 13:2

Wo ma wo boo bɔ ko chɛndɛ ma koe ɔ, sonda n na. Koe min na mu, mɔɛ dɔ n to‑a ko chɛndɛ ma an na, a yiima wɛɛ nii an dɔ, mbɛ an‑na an boo si maeka n kɔɔ.