CHISƆSI 'A SƆ MƆƐ NU 28:18 - Yataa 'a Dɔbɛnɛ Nama

¹⁸ An ban‑da kɛn n bakoe kɔɔ gbɛngbɛn‑da, an toen ni, an ni n boo ka. Koe min na mu, an nii ma chia kan kɔ kan yen ni, kaa a tɛ koe a, n ni saya ma sɔn.

CHISƆSI 'A SƆ MƆƐ NU 28:18 ပူးပေါင်းရင်းမြစ်များ

CHISƆSI 'A SƆ MƆƐ NU 22:30

Chɛɛ an ban‑da ɔ ka dɔndɔɛ ma, soya n kun ti chɛ, a toen ni kɛn a ni a ɔ sɔn, koe min gbu na‑a a ma, Chu mɔɛ n‑na kunɛ si Pɔɔ kun ma, a‑a a fuin. Mbɛ Chu n tɛ mɔɛ nu Yataa a, an 'na mansa nu, a‑a a fɔ an ye, an bɛ Chu kuti wa ɔ mɔɛ n na, a ɔ, an ni na, an ni bɛn. An bɛn‑da kɛn, a yii‑a wan Pɔɔ a, a‑a a sɔ an chen kɔɔ.

CHISƆSI 'A SƆ MƆƐ NU 23:29

N‑na a kɔɔ gbɛngbɛn fan, n‑na a ɔ yen, mbɛ a ma ko yama kan kɔ kan ma ni, ɛ saya ma sɔn min ko a. Chɛ ma, an ni a sa pimbi chenɛ a. An‑na a bia dechee, an ta sawa n fan ko a, an dɔ, a‑a an yɔn.

CHISƆSI 'A SƆ MƆƐ NU 24:10

Mbɛ kɔfana chɛ, a‑a a boo kai Pɔɔ ma, koɔ koe a. Mbɛ Pɔɔ‑a a fɔ, a ɔ, “N‑na a ɔ sɔn fan, mbɛ i mɛen mu mɔɛ n 'na bai sa‑a chɛnyɛ chɛ ɔ, nɛ i 'a kuti chɛ ɔ. Chɛ an fɛ mu, n bu ɔ diaen mu, koɔ koe a n fandi ko a, i chen kɔɔ.

CHISƆSI 'A SƆ MƆƐ NU 24:22

Mbɛ Kɔfana Fedisi, min‑na ko ɔ ko ɔ sɔn, a si Chisɔsi 'a chia chɛ ma, a‑a kuti da a tɔn fan a tee chɛ a. Mbɛ a‑a a fɔ an ye, a ɔ, “N mbe wo 'a bai sa‑a wan, ni soya n kun ti Disiyasi na‑a tima min na.”

CHISƆSI 'A SƆ MƆƐ NU 25:25

Chɛɛ n ma che ni, ko yama kan kɔ kan dɔ yen‑da, kamin chɛ‑a min ma, n mbe kaa a tɛ min ma, a ni fa. A sin, a wandi ban‑da ka buɛ min dɔ a fɔ‑a, mbɛ a 'a bai ni ta Domi kun ti wa tena, n dɔn‑da a ta koe ma nɔ.