CHISƆSI 'A SƆ MƆƐ NU 27:3 - Yataa 'a Dɔbɛnɛ Nama

³ Tee dɔndɔɛ ma, mbɛ nn che‑a Sidon duu ɔ. Chudiɔsi‑a Pɔɔ bia wan chɛndɛ chɛ, mbɛ a‑a a boo ka a ma. A ɔ, Pɔɔ ni ta, a ni a dia nyɔɛ n yen, basan koe a a ma, mbɛ a yɛ‑a.

CHISƆSI 'A SƆ MƆƐ NU 27:3 ပူးပေါင်းရင်းမြစ်များ

MATIU 11:21

“Wo wan, wo wɛn mbe ka Koyasin duu ɔ, ni wo wɛn mbe Besaida, koe miin mbe wo tan‑da, an mbe yaua‑a gba wo ko a. N‑na kamaya koe sɛsɛ n ma wan wo 'a duu n dɔ. Mɔɛ miin mbe ka Taya duu ɔ, a basan Sidon duu ɔ a, ni an na‑a ko bonda chɛ n dɔ yen fan, an nii ma‑a ka yɔ wo wan. An na‑a an kan kɔ sɔ an 'na ko yama n na suun gbɔɔ. An ni ma‑a gbɛ di chɛ an na an 'na ko yama n ko a.

CHISƆSI 'A SƆ MƆƐ NU 12:20

Mansa Ɛdɔdi faa tɛen fan ni gbɛ Taya duu ɔ mɔɛ n ma, an bɛ Sidon mɔɛ n na. A sin, an duu fea chɛ ɔ mɔɛ n na‑a wan kaina dɔndɔɛ. An‑na kai Basɔsi pɛn tan, min ni Mansa Ɛdɔdi 'a kata kun ma, ni a boo fenɛ gbɛɛ. An‑na a ɔ tisa wan, an dɔ, a ni an deman, an ni koɔ Mansa Ɛdɔdi tena. An toen ni, Mansa Ɛdɔdi faa ni chima an boo ɔ, koe min na mu, an 'na daun fenɛ ni ka nɔ, a 'a chɛnyɛ chɛ an dɔ.

CHISƆSI 'A SƆ MƆƐ NU 24:23

Mbɛ a‑a a fɔ soya gbakoo chɛ ye, min ni pimbi chenɛ kun ma, a ɔ, an ma Pɔɔ a bɔ pimbi chen chɛ a. Chɛɛ a ɔ, an ni a ma, Pɔɔ ni bun fia sima bia‑a. A sin, a ɔ, an ma Pɔɔ dia nyɔɛ kan kɔ kan bai basan koe a a ma.

CHISƆSI 'A SƆ MƆƐ NU 27:1

A tima che‑a, dɔbɛnɛ chɛ‑a wan nn si koe a dɛndɛ ɔ, a ta Itadi chɛnyɛ ɔ. An‑na Pɔɔ be wan, a basan pimbi chenɛ a sa mɔɛ dɔ mende n na, Chudiɔsi dɔndɔ ma. Chudiɔsi chɛ, a ni soya gbakoo an na, soya chɛmɛ dɔndɔ ko a, an ni miin chee, an dɔ, Domi Kun Ti Wa Soya nu.

CHISƆSI 'A SƆ MƆƐ NU 27:43

Chɛɛ soya gbakoo chɛ, a nii ma to ni Pɔɔ ni fa. Mbɛ a‑a an na gban, an 'na dɔbɛn chɛ, a ta koe a ya ɔ ma. A‑a min ma dechee, a‑a a fɔ wan an gbɛɛ ye dɛndɛ chɛ ɔ, a ɔ, mɔɛ miin kosan nɔɔɛ chɛ‑a, an pɛn ni tin yii chɛ ɔ, an ni nɔɔɛ chɛ, a ta tindi ma.

CHISƆSI 'A SƆ MƆƐ NU 28:16

A sin, nn che‑a kɛn Domi duu ɔ, an‑na a ma wan, Pɔɔ ma‑a a kun ma chenɛ a. Chɛɛ soya mɔɛ ya gba ni wan a fɛ.