CHISƆSI 'A SƆ MƆƐ NU 27:17 - Yataa 'a Dɔbɛnɛ Nama

¹⁷ Nn‑na a bɔ wan yii ɔ, mbɛ nn‑na a a sɛ dɛndɛ wa chɛ bu ɔ. Mbɛ an‑na yuu chii gban dɛndɛ wa chɛ 'a tindanɛ, a ɔ gbɛa koe a. An chianden fan ni, min mbe a ma, dɛndɛ chɛ ma na si tɛɛ kuu ma yii kɔɔ, Dibia chɛnyɛ baima. Chɛ‑a a ma wan, an‑na koa chɛ a mɔndɔ mɔndɔ, min ni fia ya ka dɛndɛ chɛ a bui koe a, min mbe a ma, fia wandi ni ta dɛndɛ gbu a.

CHISƆSI 'A SƆ MƆƐ NU 27:17 ပူးပေါင်းရင်းမြစ်များ

CHISƆSI 'A SƆ MƆƐ NU 27:16

Fia chɛ sin‑na nn 'na dɛndɛ chɛ tundun fan, aan nn‑na kaina dɔndɔ a ben, yii tinɛ dɔɔma ɔ. An yii tinɛ chɛ tɔ ni Kauda, fia nii ma nn ya kɔɔ tawa ni kaina min. Nɔ ni, nn‑na nn ma chɛɛ chɛ, ya kɔɔ sisi a, dɛndɛ dɔɔma chɛ, nn ni min sawan nn gbaa, a ɔ bɛn koe a.

CHISƆSI 'A SƆ MƆƐ NU 27:26

Chɛɛ dɛndɛ chɛ ɛ a fo tena wan mmɔ a, yii tinɛ dɔndɔ ɔ.”

CHISƆSI 'A SƆ MƆƐ NU 27:29

An chianden fan ni, nn 'na dɛndɛ ma na bɛn senɛ n ma, min‑na a ma, mbɛ an‑na kundu wa naanin na yii yii ɔ, min chiien ni dɛndɛ chɛ ma, a gbaa chia a. Chɛ n fan mbe a ma, dɛndɛ ee bui, ni a sɔ‑a. Mbɛ an bun‑da Yataa fai‑a, banda ɔ ka koe a.

CHISƆSI 'A SƆ MƆƐ NU 27:40

Mbɛ an‑na yuu chɛ n tɛ kundu wa chɛ n ma, mbɛ an to‑a gbaa yii chɛ kɔɔ. Mbɛ an yɛ‑a to, an‑na yuu chɛ n fuin kɔn chɛ n ma, miin ni dɛndɛ chɛ mun a ta tena. Mbɛ an‑na koa chɛ a sɛ, kɔnɛ ma dɛndɛ chɛ ya ɔ, fia si koe a ɔ, dɛndɛ chɛ a ta koe ma ya ɔ. Mbɛ dɛndɛ gbu, a‑a a kuu sɔ ta‑a tindi ma.

CHISƆSI 'A SƆ MƆƐ NU 27:41

Chɛɛ dɛndɛ chɛ ya ɔ chia gban‑da wan kaina chɛ, tɛɛ kuu‑a kɔnkɔɛ nyan kaina yii kɔɔ. A nii che ka‑a a gba ɔ. Mbɛ fia wa dɛgbɛ chɛ, a‑a a ma, yii gbugbu chɛ‑a dɛndɛ chɛ ɔ, a gbaa chia ɔ tɛka tɛka‑a gbɛɛ.