CHISƆSI 'A SƆ MƆƐ NU 27:16 - Yataa 'a Dɔbɛnɛ Nama

¹⁶ Fia chɛ sin‑na nn 'na dɛndɛ chɛ tundun fan, aan nn‑na kaina dɔndɔ a ben, yii tinɛ dɔɔma ɔ. An yii tinɛ chɛ tɔ ni Kauda, fia nii ma nn ya kɔɔ tawa ni kaina min. Nɔ ni, nn‑na nn ma chɛɛ chɛ, ya kɔɔ sisi a, dɛndɛ dɔɔma chɛ, nn ni min sawan nn gbaa, a ɔ bɛn koe a.

CHISƆSI 'A SƆ MƆƐ NU 27:16 ပူးပေါင်းရင်းမြစ်များ

CHISƆSI 'A SƆ MƆƐ NU 16:10

Pɔɔ ban‑da kɛn dechee an koe chɛ ɔ yen‑da, a ya kɔɔɛ a, a wan Pɔɔ ni ma, ni nn fan, nn bun‑da nn ma bɛn‑da, ta koe a Masidonia chɛnyɛ ɔ. Koe min na mu, nn‑na nn yii na chii wan, mbɛ Yataa an‑na nn chee ka, ta koe a nɔ. Chɛ ni a ma, nn ni sakana bai chɛndɛ chɛ ɔ yian nɔ mɔɛ n na, a si Chisɔsi ma.

CHISƆSI 'A SƆ MƆƐ NU 27:15

A‑a dɛndɛ chɛ ɔ ma ma‑a wan a yama boo a, nn nii ma che ni min dɔ bia‑a, ta koe ya ɔ chia a. Nn bɛɛ, nn‑na nn boo ka dɛndɛ gbu a, an fia boo ɔ.

CHISƆSI 'A SƆ MƆƐ NU 27:17

Nn‑na a bɔ wan yii ɔ, mbɛ nn‑na a a sɛ dɛndɛ wa chɛ bu ɔ. Mbɛ an‑na yuu chii gban dɛndɛ wa chɛ 'a tindanɛ, a ɔ gbɛa koe a. An chianden fan ni, min mbe a ma, dɛndɛ chɛ ma na si tɛɛ kuu ma yii kɔɔ, Dibia chɛnyɛ baima. Chɛ‑a a ma wan, an‑na koa chɛ a mɔndɔ mɔndɔ, min ni fia ya ka dɛndɛ chɛ a bui koe a, min mbe a ma, fia wandi ni ta dɛndɛ gbu a.

CHISƆSI 'A SƆ MƆƐ NU 27:30

Wai chɛ mɔɛ chɛ nu, dɛndɛ chɛ ɔ, an toen ni an ni bɔ dɛndɛ gbu ɔ, an ni an nun. An‑na dɛndɛ ɛnden chɛ, dɛndɛ wa chɛ bu ɔ, an‑na a fuin fan, mbɛ an‑na a a yii yii ɔ. An‑na a ma, yɔ an mbe ka ta tena kundu wa dɔ mende n fan na yii‑a, dɛndɛ wa chɛ ya ɔ.