CHISƆSI 'A SƆ MƆƐ NU 27:1 - Yataa 'a Dɔbɛnɛ Nama

¹ A tima che‑a, dɔbɛnɛ chɛ‑a wan nn si koe a dɛndɛ ɔ, a ta Itadi chɛnyɛ ɔ. An‑na Pɔɔ be wan, a basan pimbi chenɛ a sa mɔɛ dɔ mende n na, Chudiɔsi dɔndɔ ma. Chudiɔsi chɛ, a ni soya gbakoo an na, soya chɛmɛ dɔndɔ ko a, an ni miin chee, an dɔ, Domi Kun Ti Wa Soya nu.

CHISƆSI 'A SƆ MƆƐ NU 27:1 ပူးပေါင်းရင်းမြစ်များ

MATIU 27:54

Domi soya gbakoo chɛ, min ni Chisɔsi a tɛ tena, a‑a a ɔ yen min ma‑a. A 'a soya n bɛɛ, an‑na a ɔ yen fan. An‑na a ɔ yen kɛn duu gboo samba‑a, a basan koe chɛ n gbɛɛ a miin ma‑a, chiandia‑a an gboo fa wan. Mbɛ an dɔ, “Kamin chɛ ni Yataa 'a denɛ chɛndɛ chɛndɛ gbu an na.”

DUKU 23:47

Domi soya gbakoo chɛ, min ni ka Chisɔsi ma fɛn‑da, a‑a a ɔ yen min ma‑a. Mbɛ a‑a tando be Yataa ma, a ɔ, “Tea gbu ko a, mɔ tandenɛ ni kamin chɛ a.”

DUKU 7:2

Soya gbakoo dɔndɔ ni wan nɔ, min ka‑a Domi chɛnyɛ ɔ. Soya chɛmɛ dɔndɔ ni wan a kɔɔ. Bɔi denɛ ni wan a boo ɔ, min bakoe a ni di a ye gbeden. Bɔi den chɛ gbandi‑a wan, min‑na a ma, ɛnden fan na‑a to a ni fa.

CHISƆSI 'A SƆ MƆƐ NU 10:1

Kamin dɔndɔ ni wan nɔ Sisayea duu ɔ, min tɔ ni Kɔniyɔsi. A ni soya gbakoo dɔndɔ an na, Domi soya chɛmɛ dɔndɔ kun ma. Chɛ ni kaka dɔndɔ an na, soya chɛ n tɛ ɔ, an ni miin chee, an dɔ, Itadi mɔɛ n 'na soya nu.

CHISƆSI 'A SƆ MƆƐ NU 10:22

Mbɛ an dɔ, “Kaminɛ min mbe soya chɛmɛ dɔndɔɛ chɛ n ya ɔ, an‑na nn sɔ. A tɔ mu Kɔniyɔsi. A ɛ kooya be wan Yataa ma, a sin tanden mu. A sin to, Chu mɔɛ n gbɛɛ‑a basɔmaya be wan a ma. Maeka an bɔ‑a Kɔniyɔsi chɛ ya a, mbɛ a‑a a fɔ a ye, a ɔ, a ni i chee a 'a chenɛ a. A ɔ, a ni i da a bai a min, e min fɔ‑a.”

CHISƆSI 'A SƆ MƆƐ NU 16:10

Pɔɔ ban‑da kɛn dechee an koe chɛ ɔ yen‑da, a ya kɔɔɛ a, a wan Pɔɔ ni ma, ni nn fan, nn bun‑da nn ma bɛn‑da, ta koe a Masidonia chɛnyɛ ɔ. Koe min na mu, nn‑na nn yii na chii wan, mbɛ Yataa an‑na nn chee ka, ta koe a nɔ. Chɛ ni a ma, nn ni sakana bai chɛndɛ chɛ ɔ yian nɔ mɔɛ n na, a si Chisɔsi ma.

CHISƆSI 'A SƆ MƆƐ NU 18:2

Kɔyindi ni, a‑a Chu mɔ dɔndɔ tan, min tɔ ni Akuida, a sin suun‑da Pɔndɔsi chɛnyɛ ɔ wan. A na nama ni ka, a ka Itadi chɛnyɛ ɔ, an fea a 'a musu Pisida a. Koe min na mu, Domi kun ti wa chɛ, min tɔ ni Kaudiyɔsi, a na‑a sawa a ben fan, mbɛ Chu mɔɛ n gbɛɛ ni bɔ Domi duu ɔ. Pɔɔ ta‑a wan an yen koe a,

CHISƆSI 'A SƆ MƆƐ NU 19:21

Koe chɛ n gbɛɛ gbakɔ, Pɔɔ‑a a yiima ɔ bɛn fan, Yataa Nyina 'a gbasaya ɔ, ben koe a Masidonia chɛnyɛ ɔ, a basan Akaya a, ta koe a Chuusaɛn duu ɔ. A‑a a fɔ wan, a ɔ, “Ni n ta‑a Chuusaɛn, n mbe che‑a wan Domi bɛɛ.”

CHISƆSI 'A SƆ MƆƐ NU 21:32

A ya kɔɔɛ a, a‑a soya gbakoo dɔ n ya, an bɛ soya n na, mbɛ an yii‑a butuin chɛ mɔɛ chɛ n kun ma. Mɔɛ chɛ n‑na a yen kɛn na‑a, an bɛ soya chɛ n na, an sɛmbɛ‑a wan Pɔɔ gbasi koe a.

CHISƆSI 'A SƆ MƆƐ NU 22:26

Soya gbakoo chɛ‑a bai chɛ a min kɛn, a ta‑a wan an kun ti tena, mbɛ a ɔ, “E fen ma‑a gbɛ? A yen ko, kamin chɛ mu Domi mɔɛ an na.”

CHISƆSI 'A SƆ MƆƐ NU 23:11

Mbɛ a yɛɛ dɔndɔ gbe chɛ ma, Mansa Chisɔsi na‑a, a sɔ‑a Pɔɔ baima. Mbɛ Chisɔsi gbu ɔ, “I ma chian. I‑a a ɔ yian buɛ min dɔ, mɔɛ n na Chuusaɛn duu ɔ, i‑a koe min dɔ sɔn, a si n ma, e an ma tena to pan bɛɛ Domi duu ɔ.”

CHISƆSI 'A SƆ MƆƐ NU 23:17

Mbɛ soya gbakoo dɔndɔ, Pɔɔ‑a a chee. Mbɛ a‑a a fɔ a ye, a ɔ, “Ta n ye kamin tɔngbɔɛ chɛ a, wo kun ti chɛ tena. Bai chenama an mbe a da a, a ɔ yian koe a a a.”

CHISƆSI 'A SƆ MƆƐ NU 24:23

Mbɛ a‑a a fɔ soya gbakoo chɛ ye, min ni pimbi chenɛ kun ma, a ɔ, an ma Pɔɔ a bɔ pimbi chen chɛ a. Chɛɛ a ɔ, an ni a ma, Pɔɔ ni bun fia sima bia‑a. A sin, a ɔ, an ma Pɔɔ dia nyɔɛ kan kɔ kan bai basan koe a a ma.

CHISƆSI 'A SƆ MƆƐ NU 25:12

Mbɛ Kɔfana Fesɔsi‑a a kun puin kɛn a 'a gbakoo n ma, mbɛ a ɔ, “I‑a a fɔ wan, i ɔ, i 'a bai a ni ta Domi kun ti wa tena, a sin, e ta tena gbɛ nɔ wan.”

CHISƆSI 'A SƆ MƆƐ NU 25:25

Chɛɛ n ma che ni, ko yama kan kɔ kan dɔ yen‑da, kamin chɛ‑a min ma, n mbe kaa a tɛ min ma, a ni fa. A sin, a wandi ban‑da ka buɛ min dɔ a fɔ‑a, mbɛ a 'a bai ni ta Domi kun ti wa tena, n dɔn‑da a ta koe ma nɔ.

CHISƆSI 'A SƆ MƆƐ NU 27:11

Chɛɛ soya gbakoo chɛ, a ma a too ma sɔ ni Pɔɔ ma, mɔɔ dɛndɛ wii mɔɛ chɛ, ni dɛndɛ ti n‑na min fɔ, a‑a a too ma sɔ an fan ma.

CHISƆSI 'A SƆ MƆƐ NU 27:43

Chɛɛ soya gbakoo chɛ, a nii ma to ni Pɔɔ ni fa. Mbɛ a‑a an na gban, an 'na dɔbɛn chɛ, a ta koe a ya ɔ ma. A‑a min ma dechee, a‑a a fɔ wan an gbɛɛ ye dɛndɛ chɛ ɔ, a ɔ, mɔɛ miin kosan nɔɔɛ chɛ‑a, an pɛn ni tin yii chɛ ɔ, an ni nɔɔɛ chɛ, a ta tindi ma.

CHISƆSI 'A SƆ MƆƐ NU 27:6

Nɔ ni soya gbakoo chɛ‑a dɛndɛ tan, a ka Adɛsandia duu ɔ, min ni ta tena Itadi chɛnyɛ ɔ. Mbɛ a‑a nn na sɛ an dɛndɛ gbu ɔ.

CHISƆSI 'A SƆ MƆƐ NU 28:1

Nn kun bɔ‑a kɛn a ɔ, mbɛ nn‑na a ɔ gbɛ, mbɛ an yii tinɛ chɛ, an ni a chee, an dɔ, Mata.

CHISƆSI 'A SƆ MƆƐ NU 28:16

A sin, nn che‑a kɛn Domi duu ɔ, an‑na a ma wan, Pɔɔ ma‑a a kun ma chenɛ a. Chɛɛ soya mɔɛ ya gba ni wan a fɛ.

GBOO IBU MƆƐ N KO A 13:24

Wo wo 'a ya ɔ sɔɛ n gbɛɛ kɔndɔn n ye, a basan Yataa 'a mɔɛ n gbɛɛ a. Mmɔ suun ma nyɔɛ nu Chasi ɔ, miin mbe Itadi chɛnyɛ ɔ, an bɛɛ ni wo kɔndɔn.