Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHISƆSI 'A SƆ MƆƐ NU 26:9 - Yataa 'a Dɔbɛnɛ Nama

9 “N fandi gbu wɛɛ, n ni n yii na chii wan, ko kan kɔ kan ma koe a, min ni a ma, Chisɔsi tɔɛ ni fa, Nasaɛti mɔɛ chɛ.

အခန်းကိုကြည့်ပါ။ ကော်ပီ




CHISƆSI 'A SƆ MƆƐ NU 26:9
16 ပူးပေါင်းရင်းမြစ်များ  

Chɛɛ an mbe a ma‑a wan wo ni tɔɔ, n bakoe fɛ. An mbe chɛ ma‑a wan, koe min na mu, an ma Fa Yataa sɔn, min‑na n sɔ.


Chɛɛ Pɔɔ ɔ te, “Wo e di chɛ tena ka, n faa yɔn koe an na. Fen mu wo e chɛ ma tena? N ma ma bɛn ni, n sa koe dechee an ko a pimbi chenɛ a, chɛɛ n fa koe wɛɛ gbu a, Chuusaɛn duu ɔ, Mansa Chisɔsi ko a.”


“Chu mɔɛ mu n na. N suun‑da Tasɔsi wan, Sidisia chɛnyɛ ɔ. Chɛɛ n bɔ‑a a ɔ nɛ wan, Chuusaɛn chɛ. Kamadiɛɛ 'a kan denɛ ni n na. A‑a n kan fan chɛndɛ chɛ, mmɔ bemba n ta bemba n ta sawa bia koe a gbau gbau gbu a. A sin, n‑na n fandi be wan, Yataa 'a wai chɛ koe a, n faa gbɛɛ a, n sɔɛ a. N bankan‑da wan, Yataa 'a wai chɛ koe a, yɔ wo wɛɛ, wo wɛn mbe ka bi nɛ.


N‑na mɔnɛ sɛsɛ sa wan mɔɛ chɛ n ma, miin na‑a a sɔ chia chɛ fɛ, Chisɔsi‑a chia min yian, a sɔ koe a a fɛ. N‑na a ma wan, an‑na saya ma sɔn. N‑na an bia wan, kai nu, an bɛ musu n na, n‑na an sa pimbi chenɛ a.


“Mbɛ n‑na a fɔ, n dɔ te, ‘Nyɔn mu chɛ a?’ “Mbɛ a ɔ te n ma, ‘N fan mu, n fan Chisɔsi, min ka‑a Nasaɛti duu ɔ, e ko ma gbaaenɛ sa tena ka min ma.’


Koe min na mu, nn‑na a ɔ yen gbɛ, mbɛ kamin chɛ mu mɔ gbu yama yama an na. A wan mbe gbunɛ a bea kan kɔ kan, Chu mɔɛ n mbe kaina min kan kɔ kan dunya ma. A yɛ to, a wan mu ya ɔ sɔɛ a dɔbɛn chɛ ko a, an mbe min chee, an dɔ, Nasaɛti mɔɛ n 'na dɔbɛnɛ.


“N suun ma nyɔɛ nu, n‑na a ɔ sɔn fan gbɛ, mbɛ ko ɔ gbɛ waiya an‑na a ma, wo‑a chɛ ma Chisɔsi a. An‑na a ma, wo 'a ya ɔ sɔɛ n bɛɛ‑a a ma.


Chɛɛ Pita ɔ, “Kɔpɔ kan kɔ kan mbe ee n boo ɔ, a be koe i ma. Chɛɛ fenɛ min nɛnɛ ɛ n boo ɔ, n mbe a be‑a wan i ma. Chisɔsi Chasi min ka‑a Nasaɛti duu ɔ, a 'a gbasaya ɔ mu, n mbe a fɔ tena i ye, mbɛ i ni i kɔɔ sɔ, i ni tachɛ chɛ.”


Chɛɛ a tima chɛ a, Sɔɔ ni wan tun ko ma gbaaenɛ sa‑a mɔɛ chɛ n ma, miin na‑a an kai fa Mansa Chisɔsi a. A sin, a toen fan ni to, a ni an fa. Mbɛ a ta‑a Chu n 'na tɛ mɔ wa chɛ tena,


A sin, n mbe a ɔ yian‑da wan a a gbɛ, a wɛɛ, ɛ mɔnɛ min nyɔn sima ɔ bia‑a n ko a.”


N danden fan mu a a, mbɛ an‑na an fandi be wan Yataa ma. Chɛɛ an fandi be chɛ, a ma a ɔ yian ni, mbɛ an‑na Yataa wakoe ɔ gbɛ wan chɛndɛ chɛ.


Ko ɔ ko kan kɔ kan, n ta yiima ɔ, Yataa toen ni n ni min ma, n ni a ma wan n sɔɛ gbɛɛ a. N fan ni a ma, ko yawaenɛ ni sa chɔchi mɔɛ n ma. Chu n 'na sawa nan sin, min sien ni tachɛ koe ma a a teaya ɔ, mabɔ nii ma a ɔ.


N na‑a a main fan, mbɛ n‑na ko ma gbaaenɛ si a 'a mɔɛ n na. Chɛɛ Yataa chinchin‑da wan n ma, koe min na mu, danaya nii n dɔ a tima a Chisɔsi Chasi ko a, a sin, n nii ma a ɔ sɔn n ni koe min ma tena.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ