CHISƆSI 'A SƆ MƆƐ NU 26:7 - Yataa 'a Dɔbɛnɛ Nama

⁷ An tooɔdia dɔndɔ gbe chɛ, mmɔ 'a dambi tan kun ma fea chɛ n gbɛɛ, an yii na tɛen mu an ma sɔn koe a. A sin fan mbe a ma tena, an mbe Yataa fai tena, su ɔ tee a, an faa gbɛɛ a. Mansa Akipa, yiinatɛ chɛ an ko a mu ka, n mbe nɛ sɔ ɔ kuti chen kɔɔ.

CHISƆSI 'A SƆ MƆƐ NU 26:7 ပူးပေါင်းရင်းမြစ်များ

MATIU 19:28

Mbɛ Chisɔsi ɔ, “Wo dan a a, mbɛ a tɔnɔnɛ ɛ koa‑a wan. Tima min na Yataa 'a dunya nama chɛ ɔ na tena, n fan, Mɔ Gbu 'a Denɛ, n mbe si‑a n 'na mansa sea a. Wo wɛɛ wo mɔ tan kun ma fea chɛ nu, wo e si‑a wan mansa sea tan kun ma fea n na. Mbɛ wo ma‑a mansa n na dambi tan kun ma fea chɛ n ko a Chu mɔɛ n tɛ ɔ.

DUKU 2:25

A tima chɛ a, kamin dɔndɔ ni wan Chuusaɛn duu ɔ, min tɔ ni Simiyɔn. Kamin chɛ tanden fan ni Yataa tena. A yɛ to, a Yataa koen ni kaka. A ni gbɛ tima an ma kɔn tena, tima min na, Yataa ɛ di ka‑a Isɔɛɛ mɔɛ n ya a. Yataa Nyina ni wan a fɛ.

DUKU 22:30

Chɛ‑a a ma wan, tima min na Yataa ɛ n 'na mansaya ɔ yian‑da, mmɔ bɛ ɛ daunɛ chɛ‑a wan to, mmɔ ni mmɔ min, daun chɛ bɛn ba chɛ ɔ. A tima chɛ a, wo wɛɛ wo e ma‑a wan mansa n na, mmɔ 'a Isɔɛɛ dambi tan kun ma fea chɛ n kun ma.”

CHISƆSI 'A SƆ MƆƐ NU 20:31

Chɛ an fɛ mu, wo wo wandi kun ma fɛn, mɔ bonda chɛ n boo ɔ. Wo wo yii na chii, mbɛ su ɔ tee a, n ni wo a si wan. N‑na chɛ ma wan san sawa ko a, di a n ya a.

CHISƆSI 'A SƆ MƆƐ NU 24:15

Yiinatɛ dɔndɔ gbe chɛ, an mbe n dɔ, nn bɛ an na, a si Yataa ɛ min ma‑a. Mbɛ mɔ gbu kan kɔ kan, min tanden mu, ni min ma tan ni, ni a fa‑a, Yataa ɛ an mɔɛ chɛ kɔɔ sɔ wan to, a ka saya ɔ.

CHISƆSI 'A SƆ MƆƐ NU 26:2

A ɔ, “Mansa Akipa, n‑na a ya wan, mbɛ n duaen mu bi, koɔ koe a n fandi ko a, i chen kɔɔ. N ni n fandi kun bɔ koe chɛ n gbɛɛ ɔ, Chu mɔɛ chɛ n‑na miin si n kun ma.

CHISƆSI 'A SƆ MƆƐ NU 26:3

Tea gbu bɛɛ bɛɛ mu, mbɛ i‑a Chu manda n sɔn fan, a basan kɔɔsa chɛ n na, an mbe miin bia. Chɛ an fɛ mu, n mbe i disa tena, i ni i too be n ma chɛndɛ chɛ.

CHISƆSI 'A SƆ MƆƐ NU 28:20

Chɛ an fɛ mu gbɛ, n‑na wo chee, wo yen koe a, n ni koɔ wo tena. Koe min na mu, n boo ɔ chiien mu ka yɔɔɛ a, a si an koe chɛ an ma, Isɔɛɛ mɔɛ n yii na tɛen mu min ma.”

Gboo Fiipai Ko A 3:11

Chɛ ko a, n bɛɛ, n ni ma mɔɛ dɔndɔ a, Yataa ɛ min kɔɔ sɔ‑a, a yɛ to fɔɛ ɔ.

Gboo Saa Tɛsadonika Ko A 3:10

Su ɔ tee a, nn mbe samunɛ chɛ tena wo ko a, nn faa gbɛɛ a. Nn mbe a ɔ tisa tena, a ni a ma mmɔ bɛ ni mmɔ nyɔn ye, nn ni wo deman chia dɔ n na, miin nyin wo 'a danaya ko a.

1 TIMOTI 5:5

Fuinya musu chɛndɛ chɛndɛ, mɔ ee min boo ɔ, a yii faen mu Yataa an ma. Su ni tee a, ɛ samunɛ chɛ wan, ɛ ta‑a Yataa ɔ tisa‑a a deman koe a.

CHIMISI 1:1

N fan Chimisi, n fan mbe gboo chɛ nyɛn tena. N mbe wai chɛ tena Yataa an ko a, an fea Mansa Chisɔsi Chasi a. N mbe a nyɛn tena wo wan tena, wo wan Yataa 'a mɔɛ nu, wo wɛn na fasandenɛ ɛ a ɔ gbɛɛ ben‑da dunya ɔ. N mbe wo gbɛɛ kɔndɔn tena kaka.