CHISƆSI 'A SƆ MƆƐ NU 26:20 - Yataa 'a Dɔbɛnɛ Nama

²⁰ N‑na a ɔ yian Damasikɔsi pɛn, mbɛ n‑na a ɔ yian Chuusaɛn duu ɔ wɛɛ. A yɛ to, n‑na a ɔ yian Chudia chɛnyɛ gbɛɛ ɔ, ni mɔɛ chɛ n tena, miin nii ma Chu mɔɛ n na. N‑na a ɔ yian fan an gbɛɛ a, mbɛ an ni an kan kɔ sɔ an 'na ko yama n na, an ni an ya a mun Yataa ma. A sin, an ni koe n ma, yɔ mɔɛ nu, miin‑na an kan kɔ sɔ an 'na ko yama n na.

CHISƆSI 'A SƆ MƆƐ NU 26:20 ပူးပေါင်းရင်းမြစ်များ

MATIU 3:2

A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.”

MATIU 3:8

Wo chɛ chɛ wai n ni a ɔ yian, mbɛ wo‑a wo kan kɔ sɔ wo 'a ko yama n na.

MATIU 4:17

A ka gbɛ a tima chɛ ma, Chisɔsi‑a a kuu sɔ wan Yataa 'a bai sa‑a. A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.”

MATIU 9:13

Chɛ an fɛ mu, mɔɛ miin mu mɔ tandenɛ n na Yataa tena, n ma na ni an fan ko a. Chɛɛ mɔɛ miin mbe ee sɔ ɔ Yataa 'a chia ma, n na‑a an fan ko a. Yataa‑a a fɔ wan a 'a gboo ɔ, a ɔ, wo e na to yasi bɔ‑a a tena, a ɔ, wo ni chinchimaya an yian dechee wo nyɔn na. Wo a ma, wo ni a ɔ gbɛ, bai chɛ ɛ fen fɔ tena.”

MAKI 6:12

Mbɛ an gbɛɛ ta‑a, an‑na Yataa bai sa, an dɔ, an ni an kan kɔ sɔ an 'na ko yama n na.

DUKU 1:16

Ɛ a ma‑a wan Isɔɛɛ mɔɛ sɛsɛ n ni yɛ an 'na Mansa Yataa chen kɔɔ.

DUKU 13:3

N ni a ma din wo tena, a ee ka wan ɛnden bɛɛ a. A sin, ni wo ma wo kan kɔ sɔ ni wo 'a ko yama n na, wo wɛɛ, wo gbɛɛ ɛ kasaa‑a wan.

DUKU 13:5

N ni a ma din wo tena, mbɛ a ee ka ɛnden bɛɛ a. Ni wo sin ma wo kan kɔ sɔ ni wo 'a ko yama n na, wo wɛɛ gbɛɛ ɛ kasaa‑a wan.”

DUKU 15:10

A chia dɔndɔ gbe chɛ a, n ni a ma din wo tena, mbɛ ni mɔ dɔndɔ gbe, min mbe ee sɔ ɔ Yataa 'a chia ma, ni a‑a a kan kɔ sɔ a 'a ko yama an na, maeka n bɛɛ bu ɔ dia‑a ka wan.”

DUKU 15:7

A chia dɔndɔ gbe chɛ a, n ni a ma din wo tena, mbɛ ni mɔ dɔndɔ gbe, min mbe ee sɔ ɔ Yataa 'a chia ma, ni a‑a a kan kɔ sɔ a 'a ko yama an na, buɔdia chenama ɛ ma‑a wan banda bu ɔ. An buɔdia chɛ sin gbu benden mu buɔdia chɛ ma, min sien mu mɔ bi kɔnɔntɔ kun ma kɔnɔntɔɛ chɛ n ma, miin‑na an yii na chii an fandi a, mbɛ mɔ tandenɛ mu an na. Mbɛ an sin kan kɔ sɔ ee to an ma.”

CHISƆSI 'A SƆ MƆƐ NU 11:18

An‑na bai chɛ a min kɛn, an sɛmbɛ‑a wan a ma nyin koe a. Mbɛ an‑na Yataa tando, an dɔ te, “Mbɛ Yataa deman‑da mɔɛ chɛ n bɛɛ ma, miin ma Chu mɔ a. A‑a chia sa wan an bɛɛ ye, an ni an kan kɔ sɔ an 'na ko yama a, mbɛ an‑na kuɔ fɔ fɔɛ ma sɔn.”

CHISƆSI 'A SƆ MƆƐ NU 15:19

“Chɛ an fɛ mu, n ta yiima ɔ, n ma to ni mmɔ ni mɔɛ chɛ n tɔɔ, miin ma Chu mɔ a, miin mbe an ya a mun tena Yataa tena.

CHISƆSI 'A SƆ MƆƐ NU 17:30

Tima min na ni wo nii ma a ɔ sɔn, wo ni koe miin ma tena, Yataa‑a a ya ka a nɛnɛ a. Chɛɛ sanche gbɛ, ɛ a fɔ tena mɔ ɔ mɔ ye, dunya gbɛɛ ɔ, mbɛ an ni an kan kɔ sɔ an 'na ko yama n na.

CHISƆSI 'A SƆ MƆƐ NU 2:38

Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ.

CHISƆSI 'A SƆ MƆƐ NU 20:21

N‑na dasi gbau gbau be wan Chu mɔɛ n ma, ni miin bɛɛ ma Chu mɔ a, a si an kan kɔ sɔ koe a, an 'na ko yama n na, an ni an ya a mun Yataa ma. A yɛ to, a si an kai fa koe ma mmɔ 'a mansa Chisɔsi a.

CHISƆSI 'A SƆ MƆƐ NU 26:17

N mbe ma‑a i kun bɔ‑a Chu mɔɛ n boo ɔ, an bɛ chɛ n na, miin ma Chu mɔ a. N mbe na tena i sɔ‑a miin tena,

CHISƆSI 'A SƆ MƆƐ NU 26:19

“Chɛ an fɛ mu, Mansa Akipa, n nii ma koe chɛ kɔɔsa bia ni, n‑na min dɔ yen, a ka banda bu ɔ, yɔ n ni cho ɔ wan.

CHISƆSI 'A SƆ MƆƐ NU 3:19

Chɛ an fɛ mu, wo wo kan kɔ sɔ wo 'a ko yama n na, mbɛ wo‑a wo ya a mun Yataa ma, min mbe a ma, a ni a boo bɔ wo 'a ko yama n dɔ.

CHISƆSI 'A SƆ MƆƐ NU 9:15

Chɛɛ Mansa Chisɔsi‑a a fɔ wan a ye, a ɔ, “Ta, mɔna chɛ mu, n‑na n boo sɔ min ma, wai chɛ koe a n ko a. A ni n bakoe ɔ yian mɔɛ n na, miin ma Chu mɔɛ n na, a basan mansa n na, an bɛ Isɔɛɛ mɔɛ n na.

CHISƆSI 'A SƆ MƆƐ NU 9:35

Mɔɛ gbɛɛ, miin ni ka Dida duu chɛ ɔ, an fea Saon na, an‑na kamin chɛ yen fan tachɛ a. Mbɛ an gbɛɛ‑a an ya a mun, Mansa Chisɔsi ma, a tima chɛ a gbɛ.

GBOO DOMI KO A 2:4

Wo e Yataa wakoe bia tena baa baa an na, koe min na mu, a chinchinden mu wo ma. A faa ma gbandi wo tɔɔya koe a a ya kɔɔɛ a, a sin mbe a faa bia wan wo a tima sɛsɛ ko a. A nyin wo ni a ɔ sɔn, mbɛ Yataa ɛ chinchin tena wan wo ma. Koe min na mu, ɛ chia yian tena wan wo a faachima ɔ, wo ni wo kan kɔ sɔ wo 'a ko yama n na.

GBOO FEAN BƆƐ KƆYINDI KO A 3:16

Chɛɛ koa chɛ, ɛ ka wan mɔɛ ya a, tima ɔ tima dechee, ni mɔɛ a a ya a mun Mansa Chisɔsi ma.

GBOO FEAN BƆƐ KƆYINDI KO A 7:10

Koe min na mu, faayɔnɛ min mu Yataa 'a dɔbɛnɛ a, ɛ a ma wan mmɔ ni mmɔ kan kɔ sɔ ko yama ma a, a ni na bauncha a. A sin, n ni ma‑a a ɔ sɔn‑da ee a ɔ. Chɛɛ faayɔnɛ min mbe bɔ mɔgbuya ta chia a, ɛ na kuɔ fɔ saya an na.

Gboo Ɛfisɔsi Ko A 4:17

Sanche gbɛ, n mbe chɛ an fɔ tena, n ni a kɔ din, Mansa Chisɔsi 'a gbasaya ɔ. Wo ma ma, yɔ mɔɛ chɛ nu, miin ma Yataa sɔn, an mbe koe n ma buɛ min dɔ. An mbe an yii na chii buɛ min dɔ, wooya wa an mbe a ɔ.

Gboo Saa Tɛsadonika Ko A 1:9

Mɔɛ chɛ n gbɛɛ mbe wan bai sa‑a, a si nn bia buɛ ma, wo boo ɔ, nn na‑a wo kɔndɔn‑da tima min na. A yɛ to, a si wo‑a wo kan kɔ sɔ buɛ min dɔ fen chɛ n na, miin ma Yataa a. Wo‑a chɛ ma tea Yataa an fai koe a, min mbe ma‑a nɔ kuɔ fɔ ko a.

KO Ɔ NUNDENƐ 16:11

Chɛɛ an ma an kan kɔ sɔ ni an 'na ko yama n na. An sin‑na bai yama n sa wan Yataa ma, min mbe banda bu ɔ. Koe min na mu, an 'na tɛɛ chɛ n ni an tɔɔ tena wan kaka.

KO Ɔ NUNDENƐ 2:21

N‑na tima be a ma, a kan kɔ sɔ koe a, a 'a ko yama n na, chɛɛ a ma to ni a ni a boo bɔ ko tɛ chɛ ɔ.

KO Ɔ NUNDENƐ 2:5

Wo wo yii na chii, wo ni buɛ min dɔ a kɔma a, mbɛ wo‑a wo kan kɔ sɔ wo 'a ko yama n na, wo ni yɛ wo chɛ chɛ wai kɔma n dɔ. Ni chɛ ma, n mbe na‑a wan, mbɛ n‑na wo 'a dambo si fen chɛ ka a sɔ gba ɔ, n‑na a ya, wo tɔɔ koe a.

KO Ɔ NUNDENƐ 3:3

Chɛ an‑na a fɔ, wo wo yii na chii, wo kan‑da min na, a yɛ to, wo‑a min na min. Wo wo too ma sɔ a ma, wo ni wo kan kɔ sɔ wo 'a ko yama n na. Ni wo ma wo kunɛ kɔɔ sɔ ni, n mbe na‑a wo tɛnɛ‑a wan, yɔ kanka ɛ a ma buɛ min dɔ. Wo ee na‑a tima gbu wɛɛ sɔn‑da, n mbe na‑a tima min na, wo tɔɔya koe a.