CHISƆSI 'A SƆ MƆƐ NU 26:16 - Yataa 'a Dɔbɛnɛ Nama

¹⁶ Chɛɛ i kɔɔ sɔ, i ni sɔ. Koe min na mu, n‑na n fandi yian i a, n boo sɔ koe mu i ma, wai chɛ koe a n ye. I ni siiya bɔ mɔɛ tɔɛ n tena, a si koe chɛ n ma, i‑a miin dɔ yen bi, a yɛ to, n mbe a ma‑a, e min dɔ yen‑da ya ɔ ma.

CHISƆSI 'A SƆ MƆƐ NU 26:16 ပူးပေါင်းရင်းမြစ်များ

CHISƆSI 'A SƆ MƆƐ NU 1:25

i 'a sɔ mɔya wai chɛ chɛ koe a. Chudasi‑a a to gbɛ, ta koe a pan, a bɛnden mu kaina.”

CHISƆSI 'A SƆ MƆƐ NU 20:24

Chɛɛ ni n 'na wai chɛ koe mu, n ma n ta fɔɛ chɛ ya ni fen kɔ fen na. Wai chɛ, Mansa Chisɔsi‑a min be n ma, n ni a a ban koe mu. N ni sakana bai chɛndɛ chɛ ɔ yian mɔɛ n na, a si Yataa 'a koadia demanɛ ma.

CHISƆSI 'A SƆ MƆƐ NU 21:19

Pɔɔ‑a an gbɛɛ kɔndɔn fan. Mbɛ a si‑a ko ɔ ko ma, a‑a a ɔ yian an na, dɔndɔ dɔndɔɛ a. A‑a a ɔ yian fan, Yataa na‑a koe miin chɛ mɔɛ chɛ n ye, miin nii ma ka Chu mɔ a. Chɛ sin bɔ‑a a wan Pɔɔ 'a wai an dɔ.

CHISƆSI 'A SƆ MƆƐ NU 22:10

“Mbɛ n‑na dɔ tisa chɛ wan, n dɔ te, ‘Mansa, n mbe fen ma gbɛ?’ “Mbɛ Mansa Chisɔsi ɔ te n ma, ‘I kɔɔ sɔ, i ni don Damasikɔsi duu ɔ. E ma‑a nɔ wan, mbɛ ko ɔ ko ɔ yian‑da i a, Yataa‑a koe min dɔ bɛn i ko a, a ma koe a.’

CHISƆSI 'A SƆ MƆƐ NU 23:11

Mbɛ a yɛɛ dɔndɔ gbe chɛ ma, Mansa Chisɔsi na‑a, a sɔ‑a Pɔɔ baima. Mbɛ Chisɔsi gbu ɔ, “I ma chian. I‑a a ɔ yian buɛ min dɔ, mɔɛ n na Chuusaɛn duu ɔ, i‑a koe min dɔ sɔn, a si n ma, e an ma tena to pan bɛɛ Domi duu ɔ.”

CHISƆSI 'A SƆ MƆƐ NU 26:15

“Mbɛ n‑na a fɔ, n dɔ te, ‘Nyɔn mu chɛ a?’ “Mbɛ mansa chɛ ɔ, ‘N fan mu, n fan Chisɔsi, e ko ma gbaaenɛ sa tena ka min ma.

CHISƆSI 'A SƆ MƆƐ NU 6:4

Mbɛ nn tana sin, nn ma gbɔsɔɛ ɛ ma‑a dechee samun chɛ an na, ni Yataa 'a bai sa koe a.”

GBOO DOMI KO A 1:5

Yataa‑a a ma wan, Chasi 'a duaya ɔ, nn ma‑a a 'a sɔ mɔɛ a. A‑a chɛ ma, min mbe a ma, nn ni a ma mɔɛ n gbɛɛ dunya ɔ, danaya ni ma an dɔ Yataa ko a, mbɛ an‑na kooya be Chisɔsi ma.

GBOO DOMI KO A 15:16

A‑a a boo sɔ wan n ma, ma koe a Chisɔsi Chasi 'a wai chɛ mɔɛ a, mɔɛ chɛ n ko a, miin ma ka Chu mɔ a. N mbe wai chɛ wan an ye, yɔ Yataa 'a tɛ mɔɛ. N mbe Yataa 'a sakana bai sa wan an tena. Chɛ ɛ ma, min mbe a ma, Yataa ni a boo si an kɔɔ, yɔ yasi miin mbe tenchen a ko a. An ni ma yasi chɛ a, Yataa Nyina wandi gbu‑a min be tenchen a ma.

GBOO FEAN BƆƐ KƆYINDI KO A 4:1

Chɛ an fɛ mu, nn faa ee yɔn wai chɛ chɛ koe a. Koe min na mu, Yataa 'a chinchincha ɔ mu, a‑a wai chɛ be nn ma a chɛ koe a.

GBOO FEAN BƆƐ KƆYINDI KO A 5:18

Yataa an‑na koe chɛ n gbɛɛ ma, mmɔ ko a. A wan‑na a ma, Chasi‑a a ma, mmɔ ma‑a Yataa dia nyɔɛ a, mmɔ bɔ‑a chɛɛ ma nyɔncha ɔ. A sin fan‑na nn sɔ, mɔ dɔ mende n ma sawan koe a Yataa tena, dia nyɔncha ɔ.

Gboo Kadesia Ko A 1:12

Koe min na mu, mɔ gbu an ma a be ni n ma, mɔ ɔ mɔ wɛɛ ma n kan ni a ma. Chɛɛ koe ɔ nunden chɛ, Chisɔsi Chasi wandi gbu, an‑na a ɔ yian n na.

Gboo Kadesia Ko A 2:2

Chisɔsi na‑a koe min dɔ yian n na, an na‑a a ma, n sɛ‑a Chuusaɛn. A sin, n‑na a sa wan an kɔɔ, chɛɛ nn dechee ni bɛnɛ ɔ, nn bɛ an 'na gbakoo n na. N‑na sakana bai chɛndɛ chɛ ɔ yian an na, n na‑a min dɔ yian mɔɛ chɛ n na, miin ma Chu mɔ a. N‑na chɛ ma, min mbe a ma, n‑na wai min chɛ, a ma na to n ma gbama gbama a.

Gboo Ɛfisɔsi Ko A 3:3

N‑na a sima ɔ yian fan wo a gboo ɔ, a si koe chɛ ma, min dɔ nunden ni, Yataa‑a a ɔ yian buɛ min dɔ n na.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

Gboo Kɔdɔsai Ko A 1:25

A sin, wo ko a, Yataa‑a n ma wan a 'a wai chɛ mɔɛ a, basan koe a chɔchi ma. A‑a chɛ ma, min mbe a ma, a 'a sakana bai chɛndɛ chɛ ɔ ni yian wo a chɛndɛ chɛ.

Gboo Kɔdɔsai Ko A 1:7

Wo‑a a min ka wan Ɛpafasi a, nn bɛ ɛ Yataa 'a wai chɛ min na. A mu mɔɛ an na, min ko a di nn ye, koe min na mu, ɛ Chasi 'a wai chɛ tena nɔ danaya ɔ, nn ko a.

Gboo Saa Tɛsadonika Ko A 3:2

Mbɛ Timoti sin, nn‑na a sɔ wo tena. Mmɔ suun ma nyɔɛ chɛ, nn bɛ ɛ wai chɛ tena min na Yataa ko a, sakana bai chɛndɛ sa koe a, a si Chasi ma. Nn‑na a ta wo tena, a ni a ma, wo ɔ ni gbɛa, wo ni wo kai fa Chisɔsi a gbau gbau.

1 TIMOTI 1:12

N mbe Chisɔsi Chasi wai bɔ tena, mmɔ 'a mansa. An‑na a yii na chii n na, mbɛ n danayaen fan mu wai chɛ koe a a ko a. A‑a gbasaya wɛɛ be n ma a chɛ koe a.

1 TIMOTI 4:6

Ni i gboo ɔ ma fa ni dasi chɛ be koe a suun ma nyɔɛ n ma, ni i‑a Chisian danaya ɔ bai sa i faa ɔ, a basan kan chɛndɛ a, i bea‑a min fɛ chɛ gbɛɛ ɔ, e ma‑a wan wai chɛ mɔɛ chɛndɛ a Chisɔsi Chasi ko a.

2 TIMOTI 4:5

Chɛɛ i tana, sɔ chidi. Ko yawaenɛ ɔ bia, i ni i sɔɛ gbɛɛ chɛ Yataa 'a sakana bai chɛndɛ ɔ yian koe a mɔɛ n na. I 'a wai gbɛɛ chɛ, Yataa 'a wai chɛ mɔɛ ɛ min chɛ.