CHISƆSI 'A SƆ MƆƐ NU 26:11 - Yataa 'a Dɔbɛnɛ Nama

¹¹ Tima sɛsɛ ko a, n‑na an na mɔnɛ wan, Chu n 'na samun chɛ chenɛ n na. A sin to, n‑na butuin chɛ wan, a ma koe a, an ni Yataa main. Mbɛ n yɛ‑a, faatɛ wa ɔ, n‑na ko yawaenɛ sa an ma. N ni ta wan duu wa dɔ mende n bɛɛ ɔ, chɛnyɛ dɔ mende n dɔ.

CHISƆSI 'A SƆ MƆƐ NU 26:11 ပူးပေါင်းရင်းမြစ်များ

MATIU 10:17

Wo wo kun ma fɛn, a mu min na, an mbe wo bia‑a wan, an ni ta wo a gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na.

MAKI 13:9

“Chɛɛ wo wo wandi kun ma fɛn. An mbe wo bia‑a wan, an ni ta wo a, gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na. An mbe wo bia‑a wan, an ni ta wo a, chɛnyɛ ti n tena, an mbe ta‑a wan wo a, mansa wa n chen kɔɔ. An mbe chɛ gbɛɛ si‑a wan wo a, a si n bakoe ma. Chɛɛ wo e kun‑da wan Yataa 'a sakana bai chɛndɛ ɔ yian‑da an na.

MAKI 3:28

A ɔ, “N ni chɛ ma din wo tena, mbɛ Yataa ɛ mɔɛ n to‑a wan nɔ, an 'na ko yama n ko a, a basan main chɛ n na, an mbe miin chɛ n na.

DUKU 15:17

“Chɛɛ ko bonda chɛ si‑a kɛn a a, a danka a, a‑a yiimatɛ ma sɔn fan gbɛ, mbɛ a ɔ, ‘Daun fenɛ ɛ wan fa 'a wai chɛ mɔɛ n gbɛɛ boo ɔ, an mbe min daun a tɔɛ ɛ to. Chɛɛ n sin yen ko gbɛ nɛ, n mbe fa‑a kɔnkɔɛ a.

DUKU 21:12

Chɛɛ koe chɛ n gbɛɛ mbe e na to ma‑a, an mbe wo bia‑a wan, mbɛ an‑na ko ma gbaaenɛ sa wo ma. An mbe ta‑a wan wo a, wo gbɛmbo koe a, mmɔ 'a samun chɛ chenɛ n na, mbɛ an‑na wo sa pimbi chenɛ a. An mbe na‑a wan wo a, mansa n chen kɔɔ, an bɛ kun ti n na. An mbe chɛ gbɛɛ si‑a wan wo a, a si n bakoe ma.

DUKU 6:11

Mbɛ sawa kan mɔɛ chɛ n faa tɛ‑a a ɔ benden ba a, an bɛ Fayisii chɛ n na. Mbɛ an bun‑da a tɛnsɛ‑a an nyɔn tɛ ɔ, ni an mbe fen ma Chisɔsi a.

CHISƆSI 'A SƆ MƆƐ NU 13:45

Chu mɔɛ chɛ nu, an‑na fanka wa chɛ yen kɛn, toomaya‑a an faa fa wan gban. Mbɛ an‑na Pɔɔ da a bai gbɛɛ kɔɔsa bia, an yɛ‑a to, an‑na a main.

CHISƆSI 'A SƆ MƆƐ NU 18:6

An‑na a kɔɔsa bia wan, mbɛ an‑na bai yama gbɛɛ sa a ma. An‑na chɛ ma kɛn, Pɔɔ‑a a 'a doma ɔ gbɔngbɔn fan, ma koe a dasi a an tena. Mbɛ a‑a a fɔ an ye, a ɔ, “Ni wo ma bauncha ma sɔn ni, wo ee wo tɛɛ si‑a to n ma. Wo e wo tɛɛ si‑a gbɛ wo wandi an ma. A ka gbɛ sanche ma, n mbe Yataa bai sa‑a gbɛ chɛ n fan tena, miin ma Chu mɔ a.”

CHISƆSI 'A SƆ MƆƐ NU 22:19

“Mbɛ n dɔ te, ‘Mansa, an‑na a ɔ sɔn fan tea gbu a, n ni koe miin si i 'a mɔɛ n na. Nn 'na samun chɛ chenɛ kan kɔ kan na, n ni ta kaina, n ni an gbasi wan, n mbe yɛ, n mbe an sa pimbi chenɛ a, a si kaifa ma, an mbe min chɛ i a.

CHISƆSI 'A SƆ MƆƐ NU 22:5

Chu n tɛ mɔ wa Yataa a, ni Chu kuti wa ɔ mɔɛ n gbɛɛ, an mbe kun fan an ni siiya bɔ chɛ ma. N‑na gboo nyɛndenɛ ma sɔn, a ka an fan na, ta koe a mmɔ suun ma nyɔɛ n tena, Damasikɔsi duu ɔ. A sin, n ni ta tena nɔ, chɛ n bɛɛ bia koe an na, n ni na an na, an chiienɛ ɛ, Chuusaɛn duu ɔ, an tɔɔya koe a.

CHISƆSI 'A SƆ MƆƐ NU 9:1

Chɛɛ a tima chɛ a, Sɔɔ ni wan tun ko ma gbaaenɛ sa‑a mɔɛ chɛ n ma, miin na‑a an kai fa Mansa Chisɔsi a. A sin, a toen fan ni to, a ni an fa. Mbɛ a ta‑a Chu n 'na tɛ mɔ wa chɛ tena,

CHIMISI 2:7

An fan mbe baa bɔ tena mɔɛ chɛ tɔɛ chɛndɛ ma, Chisɔsi Chasi, min ta mu wo a.

2 PITA 2:16

Chɛɛ a 'a sofɛ na‑a a ma wan, a sɛmbɛ a wooya ko bonda chɛ ma koe a. Sofɛ chɛ na‑a koɔ wan a tena, mɔ gbu kuiɛ ɔ, mbɛ a‑a a ma tɔɔ an kun dɔ ban koe chɛ n ko a.