CHISƆSI 'A SƆ MƆƐ NU 26:10 - Yataa 'a Dɔbɛnɛ Nama

¹⁰ N‑na chɛ an ma Chuusaɛn duu ɔ. N‑na a ma wan, Chu mɔɛ n tɛ mɔɛ nu Yataa a, an 'na mansa, a‑a gbasaya be n ma, n‑na Yataa 'a mɔɛ n sa pimbi chenɛ a. Chɛ dechee nii ma, chɛɛ an ni kɛn kaa a tɛ‑a, an fa koe ma, n‑na toa si wan a kɔɔ.

CHISƆSI 'A SƆ MƆƐ NU 26:10 ပူးပေါင်းရင်းမြစ်များ

CHISƆSI 'A SƆ MƆƐ NU 7:58

mbɛ an‑na a konkon a bɔ an duu chɛ ɔ. Mbɛ an bun‑da a ma bon bon‑da, a fa koe a. Miin ni ka sii n na, an 'na doma kun ma doma nu, an‑na an bɔ wan, mbɛ an‑na an to kamin tɔngbɔ dɔndɔ boo ɔ, min tɔ ni Sɔɔ.

CHISƆSI 'A SƆ MƆƐ NU 8:1

Sɔɔ‑a toa si, Sitibin fa koe kɔɔ. Sitibin fa‑a kɛn, mɔɛ n‑na a kuu sɔ wan ko ma gbaaenɛ sa‑a chɛ n ma Chuusaɛn, miin na‑a an kai fa Chisɔsi a. A ka Chisɔsi 'a sɔ mɔɛ chɛ n ma, mɔɛ tɔɛ chɛ n gbɛɛ miin na‑a an kai fa Chisɔsi a, an dɔ fasan‑da wan a ɔ ben‑da gbɛɛ Chudia chɛnyɛ ɔ, a basan Samayia a.

CHISƆSI 'A SƆ MƆƐ NU 8:3

Chɛɛ Sɔɔ bun‑da wan ta si‑a chɔchi mɔɛ n gbu kɔɔ. A ni don fan chen kan kɔ kan na, a ɛ ta‑a mɔɛ chɛ n bia‑a, miin‑na an kai fa Chisɔsi a. A‑a musu n konkon fan, an bɛ mɔ kaima n na, a‑a an da a tɔn pimbi chenɛ a.

CHISƆSI 'A SƆ MƆƐ NU 9:21

Mbɛ mɔɛ miin gbɛɛ‑a a da a kuiɛ chɛ a min ka, an na fii‑a wan. Mbɛ an dɔ, “Wuo, kamin chɛ an ni mɔɛ n fa pan Chuusaɛn, miin ni kamin chɛ fai, min mu Chisɔsi a. An ma chɛ a? A gbu sin, a na‑a nɛ ka mɔɛ chɛ n fan gbu bia koe a, ta koe a an na Chu n tɛ mɔɛ nu Yataa a, an 'na mansa n tena. Ae?”

CHISƆSI 'A SƆ MƆƐ NU 9:26

Sɔɔ ta‑a wan Chuusaɛn, mbɛ a ta‑a Chisɔsi fɛ denɛ n tena. A toen ni an ni sa an kaa a. Chɛɛ an nii ma dan ni a a, mbɛ a wan Sɔɔ wɛɛ mu gbɛ an dɔndɔ an na. A sin, an gbɛɛ chiandenɛ ni a wan Sɔɔ gbu ma.

CHISƆSI 'A SƆ MƆƐ NU 9:32

Tima che‑a wan, Pita ni ben ben Chisɔsi fɛ mɔɛ chɛ n kun ma. Tima dɔndɔ a, a ta‑a wan Yataa 'a mɔɛ n kɔndɔn‑da, miin ni si ɔ Dida duu ɔ.

CHISƆSI 'A SƆ MƆƐ NU 9:41

Mbɛ Pita‑a a bia a boo ma, mbɛ a basan‑da a ma, a kɔɔ sɔ koe a, a ni sɔ. Mbɛ Pita‑a mɔɛ chɛ n gbɛɛ chee, miin na‑a an kai fa ka Chisɔsi a, a basan fuinya musu chɛ n na, mbɛ a‑a musu chɛ a yɛ an ma, a fɔɛ ɛ a sun da a.

GBOO SAA KƆYINDI KO A 15:9

Koe min na mu, Chasi 'a sɔ mɔɛ chɛ n gbɛɛ, an benden mu n ma. N gbu sin, mɔ a tenden ma n na, a chee koe a a 'a sɔ mɔɛ a. Koe min na mu, n‑na ko ma gbaaenɛ sa wan Yataa 'a mɔɛ n ma, chɔchi ɔ.

Gboo Kadesia Ko A 1:13

Chɛɛ wo gbu, wo na‑a a a min fan, n ni Chu n 'na sawa n bia buɛ min dɔ gbau gbau, a si Yataa fai koe ma. N‑na ko yawaenɛ sa wan mɔɛ n ma, a yama boo a, chɔchi ɔ. N gbu toen ni, n ni an kasaa wan.

Gboo Ɛfisɔsi Ko A 1:1

N fan Pɔɔ, n fan mbe gboo chɛ nyɛn tena. Chisɔsi Chasi 'a sɔ mɔɛ mu n na, yɔ Yataa toen ni buɛ min dɔ a ni ma. N fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, wo wɛn mbe a a tun tena wo kai fa koe a Chisɔsi Chasi a, Ɛfisɔsi duu ɔ.

KO Ɔ NUNDENƐ 17:6

Mbɛ n‑na a ɔ yen, mbɛ musu chɛ gbɛ tɔɛ ni, mɔɛ chɛ n wii a, Yataa 'a mɔɛ chɛ nu, an na‑a miin fa, bea koe a Chisɔsi fɛ. N‑na a yen kɛn, n da ɔ gbaa‑a wan.