CHISƆSI 'A SƆ MƆƐ NU 24:5 - Yataa 'a Dɔbɛnɛ Nama

⁵ Koe min na mu, nn‑na a ɔ yen gbɛ, mbɛ kamin chɛ mu mɔ gbu yama yama an na. A wan mbe gbunɛ a bea kan kɔ kan, Chu mɔɛ n mbe kaina min kan kɔ kan dunya ma. A yɛ to, a wan mu ya ɔ sɔɛ a dɔbɛn chɛ ko a, an mbe min chee, an dɔ, Nasaɛti mɔɛ n 'na dɔbɛnɛ.

CHISƆSI 'A SƆ MƆƐ NU 24:5 ပူးပေါင်းရင်းမြစ်များ

MATIU 10:25

An mbe kan chɛ mɔɛ bia buɛ min dɔ, an mbe a 'a kan denɛ wɛɛ bia ka wan. Bɔi denɛ wɛɛ, an mbe a ti bia buɛ min dɔ, an mbe a wɛɛ bia ka wan. An‑na suun ya ɔ sɔɛ chee ka buɛ min dɔ, an dɔ, Bɛɛsɛbu, an mbe sika a to nyɔn chee koe a tɔ dɔ mende a suun chɛ ɔ?

MATIU 2:23

Mbɛ a ta‑a, a si‑a Nasaɛti duu ɔ. Chɛ‑a a ma wan, Yataa na‑a min na ben a 'a gbonka chɛ mɔɛ n dɔ, a ni bɔ a a. A ɔ, “An mbe na‑a a chee‑a wan Nasaɛti mɔɛ a.”

MAKI 1:24

a ɔ, “Chisɔsi, Nasaɛti mɔɛ, i ma nn tɔɔ. I na‑a nn kasaa koe an na? N‑na a ɔ sɔn fan, i mu mɔɛ min na. I wan mu mɔɛ a tenchen, Yataa‑a min sɔ, a 'a wai chɛ koe a.”

DUKU 23:19

Baabasi chɛ ni mɔɛ an na, an na‑a min sa pimbi chenɛ a, butuin chɛ koe a Domi mansa n na Chuusaɛn duu ɔ. A yɛ to, a na‑a mɔɛ fa wan.

DUKU 23:2

Nɔ ni, an‑na a kuu sɔ kunɛ si‑a a kun ma, an dɔ, “Kamin chɛ an mbe ben‑da nn 'na mɔɛ n sɔ‑a chia yama n ma, ɛ ta‑a a fɔ‑a an ye, a ɔ, an ma chɛnyɛ pawa chɛ Domi kun ti wa tena. Mbɛ a yɛ‑a, a‑a a wandi chee Chasi a, min mu mansa a.”

DUKU 23:25

Mbɛ a‑a a boo ka kamin chɛ a, an toen ni min na, kaminɛ min ni pimbi chenɛ a butuin chɛ koe a Domi mansa n na, a basan mɔ fa koe a. Mbɛ a‑a Chisɔsi be a fa mɔɛ n ma, min ni an faa ma koe a.

DUKU 23:5

Chɛɛ tima chɛ gbu a ni, an‑na a kɔ din gbasaya wandi gbu a, an dɔ, “Ɛ kanɛ min chɛ tena, ɛ a ma tena wan gbun ba ni gbasi Chudia chɛnyɛ chɛ gbɛɛ ɔ. A‑a a kuu sɔ Kadidi chɛnyɛ ɔ wan, mbɛ sanche gbɛ a che‑a nɛ a 'a kan chɛ‑a.”

CHISƆSI 'A SƆ MƆƐ NU 15:5

Chɛɛ mɔɛ miin kai faen ni ka Chisɔsi a, Chu mɔɛ dɔ n ni wan an tɛ ɔ, miin ni dɔbɛn chɛ ɔ, an ni min chee, an dɔ, Fayisii dɔbɛnɛ. An‑na an kɔɔ sɔ wan, mbɛ an dɔ, “A nyin fan mmɔ ni an na kamincha. A sin to, mmɔ ni a din an ma, an ni a sɔ sawa chɛ n gbɛɛ fɛ, Yataa‑a miin be Mosisi ma.”

CHISƆSI 'A SƆ MƆƐ NU 21:28

An‑na yee tɛ wan, an dɔ te, “Nn bɔ Isɔɛɛ mɔɛ nu, wo na, wo ni basan nn ma. Kamin chɛ, an mbe ben tena bai yama sa‑a, a si mmɔ 'a mɔɛ n ma. An mbe a fɔ tena to mɔ ɔ mɔ ye, mbɛ an ma ma sawa chɛ n kɔɔ, Yataa‑a sawa miin be Mosisi ma. Ɛ bai yama n dechee an sa, a si mmɔ 'a Yataa 'a kata chɛ wɛɛ ma. A yɛ to, a‑a Yataa 'a kata chɛ tana yɔn, don koe a nɛ mɔɛ n na, miin ma Chu mɔ n na.”

CHISƆSI 'A SƆ MƆƐ NU 22:22

Mɔɛ chɛ nu, an‑na an too ma sɔ wan Pɔɔ ma, aan a che‑a bai chɛ kaina chɛ ma. Mbɛ an‑na yee tɛ, an dɔ, “Wo mɔ bonda chɛ ka dunya ɔ ka! Koe min na mu, a ma nyin, a ni ma fɔɛ chɛ ɔ!”

CHISƆSI 'A SƆ MƆƐ NU 24:14

Chɛɛ n mbe dɔn tena chɛ an ma, i chen kɔɔ. Mbɛ nn bemba n ta bemba n 'na Yataa chɛ, n mbe an fai, a sɔ koe a chia chɛ fɛ, Chisɔsi‑a min yian, a sɔ koe a a fɛ. An‑na a fɔ an ma, mbɛ tea chia ma chɛ a. Chɛɛ n danden fan mu ko ɔ ko a, min mbe sawa chɛ ɔ, Yataa na‑a min be Mosisi ma, a basan koe chɛ n na, miin mbe Yataa 'a gbonka chɛ mɔɛ n 'na gboo n dɔ.

CHISƆSI 'A SƆ MƆƐ NU 24:4

N ma to ni, n ni ta to pɔɔ, i 'a tima yɔn koe a. Chɛ an fɛ mu, n mbe i disa tena, i ni i too ma sɔ bai kundu ɛndenɛ chɛ ma, n mbe na tena min dɔ yian tena i a, nn gbɛɛ ko a.

CHISƆSI 'A SƆ MƆƐ NU 25:7

An na‑a kɛn Pɔɔ a, Chu mɔɛ miin ka‑a Chuusaɛn duu ɔ, an sɔ‑a wan gbɛɛ Pɔɔ 'a tindanɛ. Mbɛ an Chu mɔɛ n bun‑da kun sɛsɛ si‑a Pɔɔ kun ma, an nii che toa si‑a miin kɔɔ.

CHISƆSI 'A SƆ MƆƐ NU 26:5

Tima ɔ tima ko a, an‑na a ɔ sɔn fan, mbɛ a saa gbu a, n ni dɔbɛn chɛ an dɔ, min nii sai bɔ. An dɔbɛn chɛ, Yataa fai koe a, an ni min chee, an dɔ, Fayisii dɔbɛnɛ. Ni an mbe dɔn‑da wan, an mbe che wan siiya bɔ‑a chɛ ma.

CHISƆSI 'A SƆ MƆƐ NU 28:22

Chɛɛ chɛ gbɛɛ ɔ, nn toen mu, nn ni i wandi kanɛ ɔ kuiɛ a min, nn ni i ta yiima sɔn. Koe min na mu, koe min sien mu Chisian dɔbɛn chɛ ma, nn‑na a ɔ sɔn fan, mbɛ kan kɔ kan, mɔɛ n mbe a ma nyin fan.”

CHISƆSI 'A SƆ MƆƐ NU 5:17

Mbɛ Chu n tɛ mɔ wa Yataa a, ni miin gbɛɛ ni a fɛ, miin ni Sadusii mɔɛ n na, an gbɛɛ too‑a wan yama yama Chisɔsi 'a sɔ mɔɛ chɛ n na. An gbɛɛ faa bɔ‑a wan.

CHISƆSI 'A SƆ MƆƐ NU 6:13

Mbɛ an na‑a mɔɛ n na, fania siiya chɛ koe a, a si Sitibin ma. Mbɛ an mɔɛ chɛ n‑na a fɔ, an dɔ te, “Tima ɔ tima kamin chɛ ɛ bai yama n fan fɔ, a si Yataa 'a kata chɛ ma, min mbe tenchen a ko a. Ɛ a fɔ to, a si sawa chɛ n ma, Yataa‑a miin be Mosisi ma.

GBOO SAA KƆYINDI KO A 11:19

Tɛnɛ ko ma chɛ a n tena. A gbu nyin fan, wo ni ma sɔ ɔ wo nyɔn kanɛ ɔ. Chɛ an mbe a ma‑a, tea ɛ miin boo ɔ, an ma ni gbɛ chɛndɛ chɛ.

GBOO SAA KƆYINDI KO A 4:13

Ni an‑na nn ma yaua, nn mbe bai chɛndɛ an sa, a si an ma. Sanche wɛɛ, an mbe nn bia yɔ bubuu, an‑na nn ya mɔ gbu tɔɛ a banɛ n na, dunya chɛ ɔ.

1 PITA 2:19

Yataa faa ɛ chima wan, ni wo‑a ko yawaenɛ n dɔ bia. Koe nu, wo sɔn dɔ ko ma miin na. Chɛ ni ma wo yiima ɔ, mbɛ chɛ ɛ ma wan Yataa chen kɔɔ.