CHISƆSI 'A SƆ MƆƐ NU 24:25 - Yataa 'a Dɔbɛnɛ Nama

²⁵ Pɔɔ‑a koe n tɛnsɛ wan, a si koe n ma Yataa chen kɔɔ, tea ɛ koe miin dɔ. A yɛ to, ni mɔɛ e kun buɛ min dɔ, i ni tachɛ i wandi a chɛndɛ chɛ. A‑a koe n tɛnsɛ wan to, a si gbɛmbo tee ma, min mbe na tena. Kɔfana Fedisi chian‑da wan, mbɛ a ɔ, “E ka‑a gbɛ ta‑a. N mbe i chee‑a wan to, ni n‑na tima ma sɔn, tima min na.”

CHISƆSI 'A SƆ MƆƐ NU 24:25 ပူးပေါင်းရင်းမြစ်များ

MATIU 22:5

Chɛɛ an mɔɛ chɛ n ma an too ma sɔ ni, kai chɛ 'a sakana chɛ ma. Mɔɛ dɔndɔɛ ta‑a wan a 'a sɛnɛ ɔ, dɔndɔɛ sin ta‑a fee fen ma tachɛ tena. An dɔ n ta‑a an ma gbɔsɔɛ n dɔ.

CHƆN 16:8

Ni n sin‑na a ma a na‑a, ɛ a ma‑a wan, mɔɛ dɔ nu dunya chɛ ɔ, an ni a ɔ sɔn fen mu ko yama a. A yɛ to, an ni a ɔ sɔn, an mbe ma buɛ min dɔ an ni tan Yataa tena. Mbɛ a yɛ‑a to, a‑a a ɔ yian an na, Yataa ɛ kaa a tɛ‑a buɛ min dɔ.

CHISƆSI 'A SƆ MƆƐ NU 10:42

A sin‑na a fɔ wan nn ye, a ɔ, nn ni Yataa bai sa mɔɛ n tena. Mbɛ nn‑na siiya bɔ, a si a wakoe ma. A ɔ yian koe a, mbɛ Yataa‑a a wan Chisɔsi an yian, kaa a tɛ koe a, chɛndɛ ba n ko a, an bɛ fuɛ n na.

CHISƆSI 'A SƆ MƆƐ NU 17:13

Chɛɛ Chu mɔɛ chɛ nu Tɛsadonika, an‑na a a min kɛn, mbɛ Pɔɔ ɛ Yataa bai sa‑a Bɛyia wɛɛ, an na‑a wan nɔ. Mbɛ an bun‑da mɔ fanka chɛ a sɛ‑a Pɔɔ ma, gbunɛ a bea koe a.

CHISƆSI 'A SƆ MƆƐ NU 17:2

Mbɛ Pɔɔ don‑da nɔ, yɔ a ta manda ni buɛ min dɔ. A sin wichi sawa ko a, an bɛ an na, an ni koe n tɛnsɛ wan, an nyɔn tɛ ɔ, Yataa 'a gboo ɔ.

CHISƆSI 'A SƆ MƆƐ NU 17:32

An‑na a a min kɛn gbɛ, Pɔɔ‑a bai sa, a si mɔ gbu kɔɔ sɔ koe ma, a ka saya ɔ, dɔ n‑na a ma yɛn fan. Chɛɛ dɔ n sin, an dɔ, “Nn mbe to‑a wan to, nn ni bai a min, a si koe chɛ ma.”

CHISƆSI 'A SƆ MƆƐ NU 2:37

Mɔɛ chɛ n‑na bai chɛ a min kɛn, an faa mɔnɛ‑a wan. An sin‑na a fɔ wan Pita ye, an bɛ a bɔɛ sɔ mɔɛ n na, an dɔ, “Nn 'na mɔɛ nu, nn mbe fen ma gbɛ?”

CHISƆSI 'A SƆ MƆƐ NU 24:15

Yiinatɛ dɔndɔ gbe chɛ, an mbe n dɔ, nn bɛ an na, a si Yataa ɛ min ma‑a. Mbɛ mɔ gbu kan kɔ kan, min tanden mu, ni min ma tan ni, ni a fa‑a, Yataa ɛ an mɔɛ chɛ kɔɔ sɔ wan to, a ka saya ɔ.

CHISƆSI 'A SƆ MƆƐ NU 24:26

A tima dɔndɔ gbe chɛ a, a ni wan a yii ma, mbɛ Pɔɔ ɛ don too ɔ woo be‑a wan a ma. Chɛ an fɛ ni, a ni Pɔɔ chee wan pɛɛpɛɛ, chia ɔ bɔɛ chɛ koe a.

CHISƆSI 'A SƆ MƆƐ NU 26:28

Mbɛ Mansa Akipa‑a a fɔ Pɔɔ ye, a ɔ, “I toen mu gbɛ, i ni n ma Chisianɛ a, a ɔ wuuma wuuma chɛ a. Ae?”

CHISƆSI 'A SƆ MƆƐ NU 9:6

Chɛɛ i kɔɔ sɔ, i ni ta Damasikɔsi duu wa chɛ ɔ. Mɔɛ ɛ a ɔ yian‑da wan i a nɔ, e koe min ma.”

GBOO DOMI KO A 12:1

N bɔ Chisianɛ nu, Yataa 'a chinchincha koo mmɔ tena. Chɛ an fɛ mu, n mbe wo disa tena, min mbe a ma, wo ni wo wandi be a 'a wai ko a. Wo ni ma tenchen an ko a. Wo wo fɔɛ gbɛɛ be a ma, wo ni ma yasi a a ko a, min mbe na faachima a a tena. Chia chɛndɛ gbu sin mu chɛ an na, Yataa fai koe a.

GBOO DOMI KO A 14:12

Chɛ an fɛ mu, mmɔ gbɛɛ, dɔndɔ, dɔndɔɛ a, mmɔ ɛ a ɔ yian‑da wan Yataa a, mmɔ ɛ wai min chɛ‑a dunya chɛ ɔ.

GBOO DOMI KO A 2:16

Chɛ an fɛ mu, koe chɛ n gbɛɛ ɛ ma‑a wan tee chɛ ma, Yataa ɛ a ma‑a tee min na Chisɔsi Chasi ni kaa tɛ koe ma, miin mbe nun dɔ mɔɛ n yiima ɔ. N mbe bai chɛ an fɔ tena mɔɛ n ye, sakana bai chɛndɛ chɛ ɔ, n mbe min dɔ yian ka.

GBOO SAA KƆYINDI KO A 4:5

Chɛ an fɛ mu, wo ma a a gbandia, kaa a tɛ koe a mɔ ɔ mɔ ma, tima ya ɔ, Mansa Chisɔsi e na to na‑a. A wan mbe koe n na bɔ‑a ya a ma, miin mbe nun dɔ, ni koe nu miin mbe mmɔ faa ɔ. A sin, tando min nyin, Yataa ɛ a be‑a wan mɔ ɔ mɔ ma, a be koe nyin mɔɛ miin ma.

GBOO FEAN BƆƐ KƆYINDI KO A 5:10

Koe min na mu, mmɔ gbɛɛ, mmɔ ɛ sɔ‑a wan Chisɔsi chen kɔɔ tee dankama tee ma, a ni kaa a tɛ mmɔ wakoe ma. Ɛ mmɔ gbɛmbo‑a wan dɔndɔ dɔndɔɛ a. Mɔ ɔ mɔ sin mbe koe miin ma‑a, dunya ma gboo chɛ ɔ, an koe n ni nyan, an ni yaua wan, mɔ ɔ mɔ ɛ an pawa ma sɔn‑da.

GBOO FEAN BƆƐ KƆYINDI KO A 6:2

A mu min na, Yataa‑a a fɔ wan a 'a gboo ɔ, a ɔ, “Tima min na n ni basan wo ma, n‑na n ya a mun fan wo ma. Mbɛ n‑na wo deman bauncha sɔn tee ma.” A yen ko, tima che‑a, Yataa basan koe a wo ma. Bi tee chɛ, a mu tee an na, bauncha ma sɔn koe a.

Gboo Kadesia Ko A 3:22

Chɛɛ Yataa 'a gboo ɔ te, dunya gbɛɛ, ɛ ko yama 'a gbasaya an kɔɔ. Chɛ ko a, Yataa na‑a tooɔdia min chɛ, ɛ a be‑a chɛ n fan ma, miin mbe an kai fa‑a Chisɔsi Chasi a.

Gboo Kadesia Ko A 5:23

A yɛ to, mɔɛ ni a ma chima, a sin, mɔɛ e kun fan i faa ma. Chɛ nɛnɛ nu, sawa kan kɔ kan mbe ee sɔ an na.

2 TIMOTI 4:1

Chisɔsi Chasi ɛ ma‑a tima min na a 'a mansaya ɔ, ɛ mɔɛ gbɛɛ gbɛmbo‑a wan, fuɛ n bɛ chɛndɛ ba n na. Chɛ an fɛ mu, Yataa an fea Chasi a, an mbe mɔ yen tena wan. N mbe na tena chɛ an ma din‑da i tena gbau gbau.

TAITƆSI 1:8

Chɛɛ mɔɛ min ya kɔɔɛ di sonda n tena, ko chɛndɛ ko a di min ye. Mɔɛ min mbe yiinatɛ bɔ a tachɛ buɛ a, a tanden mu, baa ɛ a boo ɔ Yataa ko a, a sin kosan a wandi bia‑a.

GBOO IBU MƆƐ N KO A 12:21

An koe ma chianden ni sai ma, min‑na a ma, Mosisi‑a a fɔ, a ɔ, “N mbe samba tena wan, chiandia a.”

GBOO IBU MƆƐ N KO A 3:13

Chɛɛ wo wo nyɔn faa ma nande, tee ɔ tee ko a. Wo chɛ ma bi, tima min na wɛ Yataa ma sɛmbɛ ni deman koe a wo ma. Chɛ ni a ma, ko yama ma na chenɛ sɔ wo kɔɔ, a ni wo bun, wo ni too ɔ gbɛa bɔ Yataa a.

GBOO IBU MƆƐ N KO A 4:1

Chɛ an fɛ mu, tooɔdia ɛ wɛ ka nɔ tima min na, mmɔ don koe a suin tena chɛ, Yataa‑a min dɔ bɛn, mmɔ chiandenɛ ni ma, kɔkɔɛ mmɔ dɔ nu, mmɔ ee na‑a kun‑da don koe a suin tena chɛ.

GBOO IBU MƆƐ N KO A 6:2

Mmɔ ma an kan to, a si yii chɛ koe ma mɔɛ n kunɛ ɔ Yataa chia a. A yɛ to, boo bunɛ mɔɛ n ma, an ni dua ma sɔn, ni mɔɛ kɔɔ sɔ koe a, a ka saya ɔ, a basan kaa a tɛ a, min mbe ma‑a nɔ kuɔ fɔ ko a.

GBOO IBU MƆƐ N KO A 9:27

A sin yianden mu ka wan, mbɛ mɔ ɔ mɔ kan kɔ kan mbe fa gba dɔndɔ gbe wan, mbɛ a gbakɔ, Yataa‑a gbɛmbo chɛ.

CHIMISI 2:19

Wo dandenɛ mu a a, mbɛ Yataa ɛ dɔndɔ gbe. Chɛ ma a kun wo ko a. Nyina yama n bɛɛ, an danden fan mu chɛ a, an sin mbe samba wan, a ma chianɛ a.

1 PITA 3:15

Chɛɛ Chasi ma chianɛ ni ma wo faa ɔ, wo ni baa be a wan mansa ma. Wo ma bɛndenɛ ni ma, tima ɔ tima ko a, mɔɛ n 'na tisa yɛman koe a. Ni an‑na wo ɔ tisa, a si yiinatɛ ma min mbe wo ɔ, wo a ɔ yian an na.

2 PITA 1:6

A yɛ to, wo wo 'a Yataa yiima ma munda wo tachɛ buɛ n na fɔɛ ɔ. Mbɛ wo‑a faabia sa wo tachɛ buɛ kun ma fɔɛ ɔ. Mbɛ wo yɛ‑a to, wo ma‑a mɔɛ n na, Yataa wakoe ɛ miin faa ɔ kaka.

1 CHƆN 3:10

Yataa 'a denɛ nu, ni Sitana 'a denɛ nu, mmɔ ɛ na tena an tɛ bɔɛ sɔn‑da ka wan. Mɔɛ min mbe ee tan‑da, Yataa 'a den ma a mɔɛ chɛ a, n mbe ee baa mɔɛ chɛ ma, min ma to ni a suun ma nyɔɛ a.

1 CHƆN 3:7

N 'na denɛ nu, wo tima ya, mɔɛ n ma na wo bun. Mɔɛ min mbe tea koe ma, mɔ tandenɛ mu an na Yataa tena, yɔ Chisɔsi tanden mu buɛ min dɔ.