CHISƆSI 'A SƆ MƆƐ NU 24:24 - Yataa 'a Dɔbɛnɛ Nama

²⁴ Tee kuunden gbakɔ, Kɔfana Fedisi na‑a wan, an fea a 'a musu Dusida a, min ni Chu mɔɛ a. Mbɛ a‑a mɔɛ n sɔ, an ni ta Pɔɔ bi. Mbɛ an‑na an too ma sɔ wan Pɔɔ ma, a ɛ bai ɔ yian‑da, a si kaifa ma Chisɔsi Chasi a.

CHISƆSI 'A SƆ MƆƐ NU 24:24 ပူးပေါင်းရင်းမြစ်များ

MAKI 6:20

Mansa Ɛdɔdi chianden fan ni Chɔn bakoe ma. Koe min na mu, Chɔn ni mɔ tandenɛ an na, Yataa chen kɔɔ, min ni tenchen Yataa ko a. Chɛ na‑a a ma wan, Mansa Ɛdɔdi‑a a konde gbain. A toen ni a too ma sɔ koe a, Chɔn ni ma koɔ‑a. Chɛɛ chɛ gbɛɛ ɔ, a da a bai ni Mansa Ɛdɔdi kɔndɔ fii wan, tima ɔ tima ko a.

DUKU 19:3

A toen ni a ni mɔɛ chɛ gbu yen, an ni min chee Chisɔsi. Chɛɛ a ni wuu, a nii che Chisɔsi yen‑da, koe min na mu, fanka da a ni koo.

DUKU 23:8

Mansa Ɛdɔdi‑a Chisɔsi yen kɛn, a bu ɔ dia‑a wan kaka. Koe min na mu, tima ɔ yansama ko a, a yen sɔɛ ni wan a a. A na‑a a ma tɔɛ a min fan, a sin ni gbɛ a 'a yiinachii ɔ, mbɛ a ni Chisɔsi yen kamaya koe n ma‑a.

CHISƆSI 'A SƆ MƆƐ NU 16:31

Mbɛ Pɔɔ an fea Sidasi a, an dɔ te, “I kai fa Mansa Chisɔsi a, mbɛ i‑a bauncha ma sɔn, a basan i 'a chen 'na mɔɛ n gbɛɛ a.”

CHISƆSI 'A SƆ MƆƐ NU 20:21

N‑na dasi gbau gbau be wan Chu mɔɛ n ma, ni miin bɛɛ ma Chu mɔ a, a si an kan kɔ sɔ koe a, an 'na ko yama n na, an ni an ya a mun Yataa ma. A yɛ to, a si an kai fa koe ma mmɔ 'a mansa Chisɔsi a.

CHISƆSI 'A SƆ MƆƐ NU 24:25

Pɔɔ‑a koe n tɛnsɛ wan, a si koe n ma Yataa chen kɔɔ, tea ɛ koe miin dɔ. A yɛ to, ni mɔɛ e kun buɛ min dɔ, i ni tachɛ i wandi a chɛndɛ chɛ. A‑a koe n tɛnsɛ wan to, a si gbɛmbo tee ma, min mbe na tena. Kɔfana Fedisi chian‑da wan, mbɛ a ɔ, “E ka‑a gbɛ ta‑a. N mbe i chee‑a wan to, ni n‑na tima ma sɔn, tima min na.”

CHISƆSI 'A SƆ MƆƐ NU 26:22

Chɛɛ a ka a tee chɛ ma, a sɔ bi ma, Yataa basan‑da wan n ma. A sin, n mbe bi nɛ sɔ ɔ, bai ɔ yian koe a wo gbɛɛ a, a ni ma mɔ chenama n na, chɛ ma, an ni ma chɛ n bɛɛ a, baa ee miin ma. N mbe ka min fɔ tena wo ye, Yataa 'a gbonka chɛ mɔɛ n bɛɛ, an‑na an ko dɔndɔ gbe chɛ an fɔ wo ye. Mosisi wɛɛ, a‑a an fɔ,

Gboo Kadesia Ko A 2:16

Chɛ gbɛɛ ɔ, mmɔ wɛn mu Chu mɔɛ n na, mmɔ ni a ɔ sɔn, mbɛ mɔɛ ɛ wai min chɛ, an mbe ee a ma, Yataa ni a ya mɔ tandenɛ a, a tena. Chɛɛ chɛ ɛ bɔ kai fa an dɔ, mɔɛ ɛ min chɛ Chisɔsi Chasi a. Chɛ ko a, mmɔ wɛɛ mmɔ‑a mmɔ kai fa Chisɔsi Chasi a, min mbe a ma, Yataa ni mmɔ ya mɔ tandenɛ n na, a tena, mmɔ 'a kaifa chɛ ko a. A ee bɔ wai an dɔ, sawa ɛ a ma, mɔɛ ɛ min chɛ. Koe min na mu, ni wai ta fɛ chia a mu, sawa ɛ a ma mɔɛ ɛ min chɛ, Yataa ee mɔ ɔ mɔ ya mɔ tandenɛ a, a tena.

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

Gboo Kadesia Ko A 3:2

N mbe chɛ an fɔ tena dechee wo ye. Wo bea koe a sawa chɛ fɛ, an mbe ee a ma, Yataa Nyina ni bea wo fɛ. Chɛɛ wo dan sakana bai chɛndɛ chɛ a, ni wo‑a a min, an mbe a ma, ɛ bea wo fɛ.

1 CHƆN 5:1

Mɔ ɔ mɔ min mbe dan‑da a a, mbɛ Chisɔsi an mu Chasi a, kunka mansa, a mɔɛ chɛ mu Yataa 'a denɛ an na. A yɛ to, mɔ ɔ mɔ min toen mu Fa Yataa a, a ni to a 'a denɛ n bɛɛ a.

CHUDA 1:3

N dia nyɔɛ nu, n toen ni kaka n ni gboo chɛ nyɛn a si bauncha ma, Chisɔsi‑a min be mmɔ ma. Chɛɛ n yiima dɔndɔɛ‑a a fɔ wan n ye, mbɛ n ni wo faa nande, wo ni butuinɛ chɛ, wo 'a danaya ko a Yataa a. Danaya chɛ sin, Yataa an‑na a ma, mmɔ‑a a ma sɔn, a sin mbe ee mun to.

KO Ɔ NUNDENƐ 14:12

Chɛ gbɛɛ‑a a yian fan ka, mbɛ faabia an nyin Yataa 'a mɔɛ n ko a. Mɔɛ chɛ nu, miin mbe Yataa 'a sawa bia chɛndɛ, an kai faenɛ ɛ Chisɔsi a gban.