CHISƆSI 'A SƆ MƆƐ NU 24:22 - Yataa 'a Dɔbɛnɛ Nama

²² Mbɛ Kɔfana Fedisi, min‑na ko ɔ ko ɔ sɔn, a si Chisɔsi 'a chia chɛ ma, a‑a kuti da a tɔn fan a tee chɛ a. Mbɛ a‑a a fɔ an ye, a ɔ, “N mbe wo 'a bai sa‑a wan, ni soya n kun ti Disiyasi na‑a tima min na.”

CHISƆSI 'A SƆ MƆƐ NU 24:22 ပူးပေါင်းရင်းမြစ်များ

MATIU 2:7

Mbɛ Mansa Ɛdɔdi‑a sonda chɛ n chee, miin‑na tɔmbuaka sɔn ka. An dechee chɛ tɛ ɔ, a‑a a ɔ gbɛ chɛndɛ chɛ a ka an na, tɔmbuaka chɛ bɔ‑a tima min gbu a.

CHISƆSI 'A SƆ MƆƐ NU 18:20

An‑na a ɔ tisa kɛn, a ma koe a nɔ tima ɔ yansama ko a, a nii ma dɔn ni.

CHISƆSI 'A SƆ MƆƐ NU 19:40

Ni mmɔ ma mmɔ kun ma fɛn ni koe chɛ a, min ma‑a ka bi, Domi gbakoo n mbe kunɛ si‑a wan mmɔ kun ma, gbunɛ a bea koe a. Mmɔ dɔndɔ wɛɛ ee che‑a a fɔ‑a, mbɛ tea ɛ wan mmɔ 'a faatɛ chɛ gbɛɛ ɔ bi.”

CHISƆSI 'A SƆ MƆƐ NU 24:10

Mbɛ kɔfana chɛ, a‑a a boo kai Pɔɔ ma, koɔ koe a. Mbɛ Pɔɔ‑a a fɔ, a ɔ, “N‑na a ɔ sɔn fan, mbɛ i mɛen mu mɔɛ n 'na bai sa‑a chɛnyɛ chɛ ɔ, nɛ i 'a kuti chɛ ɔ. Chɛ an fɛ mu, n bu ɔ diaen mu, koɔ koe a n fandi ko a, i chen kɔɔ.

CHISƆSI 'A SƆ MƆƐ NU 24:14

Chɛɛ n mbe dɔn tena chɛ an ma, i chen kɔɔ. Mbɛ nn bemba n ta bemba n 'na Yataa chɛ, n mbe an fai, a sɔ koe a chia chɛ fɛ, Chisɔsi‑a min yian, a sɔ koe a a fɛ. An‑na a fɔ an ma, mbɛ tea chia ma chɛ a. Chɛɛ n danden fan mu ko ɔ ko a, min mbe sawa chɛ ɔ, Yataa na‑a min be Mosisi ma, a basan koe chɛ n na, miin mbe Yataa 'a gbonka chɛ mɔɛ n 'na gboo n dɔ.

CHISƆSI 'A SƆ MƆƐ NU 24:24

Tee kuunden gbakɔ, Kɔfana Fedisi na‑a wan, an fea a 'a musu Dusida a, min ni Chu mɔɛ a. Mbɛ a‑a mɔɛ n sɔ, an ni ta Pɔɔ bi. Mbɛ an‑na an too ma sɔ wan Pɔɔ ma, a ɛ bai ɔ yian‑da, a si kaifa ma Chisɔsi Chasi a.

CHISƆSI 'A SƆ MƆƐ NU 24:6

A sin gbu, a toen ni a ni baa bɔ Yataa 'a kata chɛ ma, min‑na a ma, nn‑na a bia. Ni i‑a a ɔ tisa, i‑a a ɔ yen‑da wan, mbɛ nn‑na bai miin gbɛɛ ɔ yian, a si a ma, mbɛ nn ma saman ni kan kɔ kan.”

CHISƆSI 'A SƆ MƆƐ NU 25:26

Chɛɛ ko gbu ee nɔ, n mbe min nyɛn, a si a ma, kun ti wa chɛ tena. Chɛ an fɛ mu, n na‑a Pɔɔ chɛ a, wo gbɛɛ chen kɔɔ, a bɛɛ bɛɛ i wan Mansa Akipa, wo wandi ni a a bai kɔɔ gbɛngbɛn. Koe ɛ ma‑a wan nɔ, n mbe min nyɛn.

CHISƆSI 'A SƆ MƆƐ NU 26:3

Tea gbu bɛɛ bɛɛ mu, mbɛ i‑a Chu manda n sɔn fan, a basan kɔɔsa chɛ n na, an mbe miin bia. Chɛ an fɛ mu, n mbe i disa tena, i ni i too be n ma chɛndɛ chɛ.

CHISƆSI 'A SƆ MƆƐ NU 9:2

mbɛ a‑a a ɔ tisa, gboo be koe a a ma. Gboo nyɛndenɛ chɛ, ɛ kun fan a ni a wakoe ɔ yian, ya ɔ sɔɛ chɛ n na, Chu n 'na samun chɛ chenɛ n na, Damasikɔsi duu ɔ. A na‑a chɛ ma koe min na, a toen ni, ni a‑a mɔ ɔ mɔ tan, min‑na a sɔ chia chɛ fɛ, Chisɔsi‑a min yian ka a sɔ koe a a fɛ, a ni a bia. A ni ma mɔ kaima a, chɛ ma, musu wɛɛ, a ni na a a Chuusaɛn duu bu ɔ.