CHISƆSI 'A SƆ MƆƐ NU 24:17 - Yataa 'a Dɔbɛnɛ Nama

¹⁷ “N‑na san sɛsɛ ya wan, n ka‑a kɛn Chuusaɛn duu ɔ. Chɛɛ chɛ gbakɔ, n ta‑a wan nɔ, fen den be koe a yɔn tɔɛ n ma, a yɛ to, yasi bɔ koe a Yataa tena.

CHISƆSI 'A SƆ MƆƐ NU 24:17 ပူးပေါင်းရင်းမြစ်များ

CHISƆSI 'A SƆ MƆƐ NU 20:16

Pɔɔ yiima ɔ bɛnden fan ni, a ni Ɛfisɔsi ma sangba. Koe min na mu, a nii ma to ni tima kan kɔ kan yayi koe a Esia chɛnyɛ ɔ. A toen ni tachɛ a gbandi ma an chɛ koe a. Ni a ni bɛn fan, a ni che Chuusaɛn duu ɔ, tee chɛ ma, an ni min chee Pɛndekɔsi.

CHISƆSI 'A SƆ MƆƐ NU 20:31

Chɛ an fɛ mu, wo wo wandi kun ma fɛn, mɔ bonda chɛ n boo ɔ. Wo wo yii na chii, mbɛ su ɔ tee a, n ni wo a si wan. N‑na chɛ ma wan san sawa ko a, di a n ya a.

CHISƆSI 'A SƆ MƆƐ NU 21:26

Mbɛ Pɔɔ‑a mɔɛ chɛ n ya, tee dɔndɔɛ ma, mbɛ an bɛ gbɛɛ an na, an‑na manda chɛ a tachɛ, an ma ko koe a Yataa tena. Mbɛ a don‑da Yataa 'a kata ɔ, a fɔ koe a, ni ɛ tima yuu ya‑a, aan an ma ko tima chɛ ni ban. A tima chɛ a mu, yasi ɛ bɔ‑a an gbɛɛ ko a, dɔndɔ dɔndɔɛ a.

CHISƆSI 'A SƆ MƆƐ NU 24:26

A tima dɔndɔ gbe chɛ a, a ni wan a yii ma, mbɛ Pɔɔ ɛ don too ɔ woo be‑a wan a ma. Chɛ an fɛ ni, a ni Pɔɔ chee wan pɛɛpɛɛ, chia ɔ bɔɛ chɛ koe a.

GBOO DOMI KO A 15:31

Wo samunɛ chɛ n ko a, min mbe a ma, mɔɛ miin ma dan ni ka Chisɔsi Chasi a Chudia chɛnyɛ ɔ, an ma na ko yama ma n na. A yɛ to, Yataa 'a mɔɛ miin mbe Chuusaɛn duu ɔ, n mbe demanɛ min chɛ‑a an na, an bu ɔ ni dia a ko a.

GBOO FEAN BƆƐ KƆYINDI KO A 8:6

Chɛ ko a, nn bɛɛ, nn‑na a din fan Taitɔsi ma, min‑na wai chɛ kuu sɔ, a ni a a tun. A ni basan wo ma, wo ni wai chɛ nɛnɛ a ban, min mu koadia wai a.

GBOO FEAN BƆƐ KƆYINDI KO A 8:9

Koe min na mu, wo‑a koadia deman chɛ ɔ sɔn fan, mmɔ 'a mansa Chisɔsi Chasi‑a min chɛ. Mbɛ a nyanden ni wɛɛ, chɛɛ chɛ gbɛɛ ɔ, wo ko a, a‑a a wandi ma yɔn tɔɛ a. A‑a chɛ ma, min mbe a ma, a 'a yɔncha chɛ ɔ, wo wɛɛ ni ma nyan tɔɛ n na.

GBOO FEAN BƆƐ KƆYINDI KO A 9:12

Koe min na mu, wo e wai min chɛ tena ka, a ee Yataa 'a mɔɛ n ma gbɔsɔɛ an bɔ tena dechee. Chɛɛ ɛ a ma tena wan, mɔ sɛsɛ n ni Yataa wai bɔ.

Gboo Kadesia Ko A 2:10

An dechee mu, miin‑na nn dɔ tisa, yɔn tɔɛ n deman koe a tima ɔ tima ko a. A sin, koe chɛndɛ chɛndɛ gbu an nii nɛ, n ma bɛnden ni min ma koe a.