Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHISƆSI 'A SƆ MƆƐ NU 24:14 - Yataa 'a Dɔbɛnɛ Nama

14 Chɛɛ n mbe dɔn tena chɛ an ma, i chen kɔɔ. Mbɛ nn bemba n ta bemba n 'na Yataa chɛ, n mbe an fai, a sɔ koe a chia chɛ fɛ, Chisɔsi‑a min yian, a sɔ koe a a fɛ. An‑na a fɔ an ma, mbɛ tea chia ma chɛ a. Chɛɛ n danden fan mu ko ɔ ko a, min mbe sawa chɛ ɔ, Yataa na‑a min be Mosisi ma, a basan koe chɛ n na, miin mbe Yataa 'a gbonka chɛ mɔɛ n 'na gboo n dɔ.

အခန်းကိုကြည့်ပါ။ ကော်ပီ




CHISƆSI 'A SƆ MƆƐ NU 24:14
44 ပူးပေါင်းရင်းမြစ်များ  

Chisɔsi ɔ te to an nu ma, a ɔ, “Mɔ ɔ mɔ min mbe dɔn‑da fanka ɔ, mbɛ n fɛ mɔɛ mu a a, n bɛɛ n mbe dɔn‑da wan an mɔɛ chɛ wakoe ma Fa ya kɔɔ banda bu ɔ, gbɛmbo tee ma.


Ko ɔ ko ɛ wan sawa fea chɛ ɔ, sawa chɛ n tɛ ɔ, Yataa‑a miin be Mosisi ma, a basan bai chɛ n na, Yataa 'a gbonka chɛ mɔɛ n na‑a miin fɔ.”


“Chɛ an‑na a fɔ, wo toen mu mɔɛ n ni koe min nyɔn sima a tachɛ wo tena, min na di wo ye, wo a nyɔn sima an na tachɛ an bɛɛ tena. Yataa‑a sawa miin be Mosisi ma, a basan gboo chɛ n na, Yataa 'a gbonka chɛ mɔɛ n‑na miin nyɛn, an‑na a fɔ ka wan.”


yɔ Yataa‑a a ma suun buɛ min dɔ, a 'a gbonka chɛ mɔɛ n na‑a a gbonka.


“Yataa‑a sawa miin be Mosisi ma, a basan da a bai chɛ n na, Yataa 'a gbonka chɛ mɔɛ chɛ n‑na miin nyɛn, an ni wan nɔ gbau gbau a. Mɔɛ n ni wan an kɔɔ aan Chɔn na‑a tima min na, min ni yii chɛ mɔɛ n kunɛ ɔ, Yataa chia a. A ka gbɛ a tima chɛ ma, sakana bai chɛndɛ a si Yataa 'a mansaya ma, an mbe gbɛ fɔ tena mɔɛ n ye, mbɛ a sin, mɔ ɔ mɔ ɛ gbɛ butuinɛ an chɛ tena don koe a an mansaya chɛ kɔɔ.


“Mbɛ Ebeami ɔ, ‘Mosisi‑a gboo min nyɛn, ɛ wan i dɔɛ n boo ɔ, a basan gboo chɛ n na, Yataa 'a gbonka chɛ mɔɛ tɔɛ n‑na miin nyɛn. I dɔɛ n ni an kan. Ni an‑na an kan, an ni an too ma sɔ bai chɛ n ma, miin mbe an dɔ.’


Mbɛ a‑a a ɔ yian an na, koe miin nyɛnden ni a si a ma Yataa 'a gboo gbɛɛ ɔ. A‑a a kuu sɔ chɛ an ma, Mosisi‑a miin nyɛn, a ta Yataa 'a gbonka chɛ mɔɛ n gbɛɛ‑a miin nyɛn.


Mbɛ a ɔ, “Tima min na mmɔ bɛ ni, n na‑a a fɔ wan wo ye, mbɛ koe miin gbɛɛ nyɛndenɛ ɛ a si n ma, mbɛ an gbɛɛ ɛ bɔ‑a wan a a. Mbɛ ko ɔ ko sawa chɛ ɔ, Yataa‑a min be Mosisi ma, an bɛ Yataa 'a gbonka chɛ mɔɛ tɔɛ n na, a basan Yataa tando si gboo a, an gbɛɛ ɛ bɔ‑a wan a a.”


Mbɛ Fiipi‑a a ya a kan Natanɛɛ a. Mbɛ a‑a a fɔ a ye, a ɔ, “Mɔɛ min, Mosisi na‑a a wakoe nyɛn, sawa gboo chɛ ɔ, nn‑na a yen. A yɛ to, Yataa 'a gbonka chɛ mɔɛ n bɛɛ, an na‑a fenɛ nyɛn to, a si an ma. A tɔ mu Chisɔsi, min ka‑a Nasaɛti duu ɔ, kai chɛ, Chosɛfi, a 'a denɛ.”


Yataa 'a gbonka chɛ mɔɛ n gbɛɛ na‑a bai sa wan, a si Chisɔsi chɛ ma. An dɔ, mɔ ɔ mɔ min mbe an kai fa‑a Chisɔsi chɛ a, Yataa ɛ a boo bɔ‑a wan an mɔɛ chɛ a ko yama n dɔ, Chisɔsi ko a.”


Mbɛ mɔɛ ban‑da sawa gboo chɛ kan‑da, Mosisi na‑a min nyɛn, a basan bai n na, Yataa 'a gbonka chɛ mɔɛ na‑a min nyɛn. Mbɛ ya ɔ sɔɛ chɛ nu, Chu n 'na samun chɛ chen chɛ a, an‑na sakana a ta Pɔɔ n tena, an dɔ te, “Nn suun ma nyɔɛ nu, ni bai ɔ bai ɛ wan wo da a, a fɔ koe, min mbe mɔɛ n faa ma nande, wo e ka a fɔ‑a.”


Chɛɛ mɔɛ miin kai faen ni ka Chisɔsi a, Chu mɔɛ dɔ n ni wan an tɛ ɔ, miin ni dɔbɛn chɛ ɔ, an ni min chee, an dɔ, Fayisii dɔbɛnɛ. An‑na an kɔɔ sɔ wan, mbɛ an dɔ, “A nyin fan mmɔ ni an na kamincha. A sin to, mmɔ ni a din an ma, an ni a sɔ sawa chɛ n gbɛɛ fɛ, Yataa‑a miin be Mosisi ma.”


A tima chɛ a, gbunɛ min‑na a kuu sɔ Ɛfisɔsi, a nii ma dɔ, a si mɔɛ n ma, Chisɔsi fɛ chia a.


Chɛɛ dɔ n too ɔ ni gbɛ wan, min‑na a ma, an nii ma dɔn ni dan koe a Pɔɔ a. A sin, mɔɛ n gbɛɛ ya kɔɔ ni, an ni bai yama n sa, a si chia ma, Mansa Chisɔsi‑a min yian mɔ gbu a, a sɔ koe a a fɛ. Mbɛ Pɔɔ sɛmbɛ‑a koɔ koe a an tena, a ka‑a an fɛ. Mbɛ a‑a Chisɔsi fɛ mɔɛ chɛ n bɔ an ya a, an ta‑a a a. A sin ni koe n tɛnsɛ wan, tee ɔ tee a, an bɛ an na, chen ba dɔ mende a, min ni Tayanɔsi ta a, kanɛ ni chɛ kaina min.


Mbɛ a ɔ, ‘Yataa, mmɔ bemba n ta bemba n ni min fai, an‑na a boo sɔ bi i ma, i ni a faa ma koe ɔ sɔn. Chɛ ni a ma, i ni mɔɛ chɛ yen, min tanden mu Yataa tena gbeden, a yɛ to, i ni bai a min, min mbe bɔ‑a a da ɔ.


Mbɛ Kɔfana Fedisi, min‑na ko ɔ ko ɔ sɔn, a si Chisɔsi 'a chia chɛ ma, a‑a kuti da a tɔn fan a tee chɛ a. Mbɛ a‑a a fɔ an ye, a ɔ, “N mbe wo 'a bai sa‑a wan, ni soya n kun ti Disiyasi na‑a tima min na.”


Koe min na mu, nn‑na a ɔ yen gbɛ, mbɛ kamin chɛ mu mɔ gbu yama yama an na. A wan mbe gbunɛ a bea kan kɔ kan, Chu mɔɛ n mbe kaina min kan kɔ kan dunya ma. A yɛ to, a wan mu ya ɔ sɔɛ a dɔbɛn chɛ ko a, an mbe min chee, an dɔ, Nasaɛti mɔɛ n 'na dɔbɛnɛ.


Chɛɛ Pɔɔ koɔ‑a wan a wandi ko a, a ɔ, “N ma ko yama kan kɔ kan ma ni, a si Chu sawa ma, n ma a ma ni, a si Yataa 'a kata ma, n mbe ee baa, a ma koe a, a si Domi kun ti wa ma.”


Chɛɛ a ka a tee chɛ ma, a sɔ bi ma, Yataa basan‑da wan n ma. A sin, n mbe bi nɛ sɔ ɔ, bai ɔ yian koe a wo gbɛɛ a, a ni ma mɔ chenama n na, chɛ ma, an ni ma chɛ n bɛɛ a, baa ee miin ma. N mbe ka min fɔ tena wo ye, Yataa 'a gbonka chɛ mɔɛ n bɛɛ, an‑na an ko dɔndɔ gbe chɛ an fɔ wo ye. Mosisi wɛɛ, a‑a an fɔ,


Mansa Akipa, i danden fan mu Yataa 'a gbonka chɛ mɔɛ n na, ae? N‑na a ɔ sɔn fan, mbɛ i danden fan mu an na.”


“Chu mɔɛ n gbɛɛ‑a a ɔ sɔn fan, n ni fɔɛ min nyɔn sima ɔ, n kamin tɔngbɔ tɔɛ a. An‑na a ɔ sɔn fan, a ka a tima chɛ ma, n tachɛ‑a buɛ min dɔ, n 'na fɔɛ gbɛɛ ɔ, n ta chɛnyɛ ɔ, a basan Chuusaɛn duu wɛɛ ɔ a.


Mbɛ sanche gbɛ, n mbe ka sɔ ɔ nɛ, n gbɛmbo koe a an ko a. Tooɔdia chɛ an ko a mu, n yii na tɛen mu min ma, Yataa na‑a min chɛ mmɔ bemba n ta bemba n na.


Chɛɛ chɛ gbɛɛ ɔ, nn toen mu, nn ni i wandi kanɛ ɔ kuiɛ a min, nn ni i ta yiima sɔn. Koe min na mu, koe min sien mu Chisian dɔbɛn chɛ ma, nn‑na a ɔ sɔn fan, mbɛ kan kɔ kan, mɔɛ n mbe a ma nyin fan.”


Mbɛ an‑na tee yian Pɔɔ a, an mbe bɛn tee min ma, a yia chenɛ a. An tee chɛ che‑a kɛn, an na‑a wan a tena, an da a koaen ba. Mbɛ a ka sau ma ma, aan yɛɛ ma tee a, Pɔɔ si‑a wan ko ɔ ko ma, a‑a a ɔ yian mɔɛ chɛ n na. Pɔɔ‑a bai ɔ yian fan, a si Yataa 'a mansaya ma, an yiima mun koe a Chisɔsi tena. A‑a bai chɛ bɔ sawa chɛ an dɔ, Yataa‑a miin be Mosisi ma, a basan gboo chɛ ɔ a, Yataa 'a gbonka chɛ mɔɛ n 'na gboo chɛ.


Ebeami ni Yataa min fai, Aisaki ni min fai, Chekɔpi wɛɛ ni min fai, mmɔ bemba n ta bemba n bɛɛ n‑na Yataa min fai, an‑na basɔmaya wa chɛ be a 'a wai chɛ mɔɛ Chisɔsi ma. Chɛɛ wo to‑a wan nɔ, wo‑a a bia, mbɛ wo‑a a be ya ɔ sɔɛ n ma. Mbɛ wo yɛ‑a, Kɔfana Padeti chen kɔɔ, a ni a yii na chii tena kɛn Chisɔsi chɛ boo ka koe a, wo‑a kɔɔsa bia chɛ wan a wakoe ma.


Wo‑a a ma wan, Chisɔsi‑a mauma saya chɛ, kɛn wo‑a a gbangban kɔnɛ ma. Chɛɛ Yataa chɛ, nn bemba n ta bemba n ni min fai, an‑na a ma, a wan Chisɔsi chɛ‑a a kɔɔ sɔ a ka saya ɔ.


‘N fan mu Yataa a, wo bemba n ta bemba n‑na min fai. Ebeami na‑a n fai wan, Aisaki‑a n fai, Chekɔpi wɛɛ‑a n fai.’ Mbɛ Mosisi‑a bai chɛ a min kɛn, chiandia dɛ‑a wan a ɔ, mbɛ a bun‑da samba‑a. Chɛ‑a a ma wan, a nii che to an kaina gbu ma fɛn‑da.


mbɛ a‑a a ɔ tisa, gboo be koe a a ma. Gboo nyɛndenɛ chɛ, ɛ kun fan a ni a wakoe ɔ yian, ya ɔ sɔɛ chɛ n na, Chu n 'na samun chɛ chenɛ n na, Damasikɔsi duu ɔ. A na‑a chɛ ma koe min na, a toen ni, ni a‑a mɔ ɔ mɔ tan, min‑na a sɔ chia chɛ fɛ, Chisɔsi‑a min yian ka a sɔ koe a a fɛ, a ni a bia. A ni ma mɔ kaima a, chɛ ma, musu wɛɛ, a ni na a a Chuusaɛn duu bu ɔ.


Yataa an mu n 'na sii a, mbɛ n mbe bai min fɔ tena, tea bai mu. A sin, n mbe wai chɛ tena an ko a n faa gbɛɛ a. Sakana bai chɛ, a si a 'a denɛ ma, n mbe a ɔ yian‑da mɔɛ n na. Yataa‑a a ɔ sɔn fan, mbɛ wo e wan n 'na yiinachii ɔ tima ɔ tima ko a.


Chɛɛ sanche chɛ ɔ, Yataa ban‑da a ɔ yian‑da mmɔ a, a ta chia mu min na, mmɔ ma koe a mɔ tandenɛ n na, a chen kɔɔ. A sin, a ta chia chɛ ma a fɔ ni, mbɛ mɔɛ ɛ koe chɛ an ma dechee, sawa‑a min fɔ a ma koe a. Yataa‑a sawa min na ben Mosisi a, a basan Yataa 'a gbonka chɛ mɔɛ n na, an‑na siiya bɔ wan chɛ ma.


Tɛnɛ ko ma chɛ a n tena. A gbu nyin fan, wo ni ma sɔ ɔ wo nyɔn kanɛ ɔ. Chɛ an mbe a ma‑a, tea ɛ miin boo ɔ, an ma ni gbɛ chɛndɛ chɛ.


A mu to fenɛ n fai koe an na, fenɛ miin ma Yataa a, ni yawa gbasi, a basan chɛɛ ma nyɔncha a. A yɛ to, koɔ wa, toomaya, ni faa gbandiaya. A sin, an mbe to dechee an fandi an na, mbɛ an du‑a ben‑da gbambe ma.


N mbe Yataa wai bɔ tena i ko a, n mbe wai chɛ tena min ye n yiima a koenɛ a fion, yɔ n bemba n ta bemba n ni a ma tee buɛ min dɔ. N mbe samunɛ chɛ tena i ko a su ɔ tee a.


Mɔɛ chɛ tana, min mbe mɔɛ n na fasan tena, a‑a si gba fea gbe. Ni a ma sɛmbɛ ni, i boo bɔ a ma koe ɔ.


Chasi Nyina min ni an fɛ, a ni wan chia yian‑da an na a tima chɛ a. An sin na‑a an sɔɛ don fan, a ɔ gbɛ koe a, Chasi ɛ na‑a tima min kɔɔ, a basan a na buɛ gbu a. An na‑a a kɔɔ fɔ wan to, a ni tɔɔya min nyɔn dɔ bia‑a. An‑na a fɔ wan to, mbɛ basɔmaya wa an mbe an tɔɔya chɛ gbaa.


Mbɛ n‑na n kumbai gbangban a chen kɔɔ, a fai koe a. Chɛɛ a ɔ te n ma, a ɔ, “I ma chɛ ma. Yataa an fai. N mbe wai chɛ an ko a, yɔ wo e wai chɛ buɛ min dɔ a ko a. Wo gbɛɛ, wo wɛn kai faen mu tea chɛ a, min ka‑a Chisɔsi tena. An tea chɛ, an mbe a ma, mɔɛ n ni Yataa bai sa.” Koe min na mu, Chisɔsi‑a bai min fɔ, an mu Yataa 'a sakana bai kunɛ a mɔ gbu n tena.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ